Efesliler 1:18 - Мукаддес Китап

^18-20 Худайың Өз чагыранларына берен умыдына, халкына эчилен шөхратлы мирасының байлыгына ве биз иман эденлере гөркезен деңсиз-тайсыз гудратына гөз етирмегиңиз үчин, гой, Ол йүрегиңизиң гатыны нурландырсын дийип дилег эдйәрин. Бу гудрат Худайың Месихи дирелдип, гөкде Өз сагында отурдан гүйҗүне меңзешдир.

Mukaddes Kitap

^18-20 Hudaýyň Öz çagyranlaryna beren umydyna, halkyna eçilen şöhratly mirasynyň baýlygyna we biz iman edenlere görkezen deňsiz-taýsyz gudratyna göz ýetirmegiňiz üçin, goý, Ol ýüregiňiziň gatyny nurlandyrsyn diýip dileg edýärin. Bu gudrat Hudaýyň Mesihi direldip, gökde Öz sagynda oturdan güýjüne meňzeşdir.

Efesliler 1:18 Iomraidhean Croise

Eýýup 42:5

Сен хакда гулагым билен эшидипдим, инди Сени өз гөзлерим билен гөрдүм.

Işaýa 11:2

Реббиң Рухы: даналык хем пайхас, маслахат хем гүйч-гудрат, Ребби билмек хем Ондан горкмак рухы Онуң үстүнде болар.

Işaýa 29:10

Реб сизи агыр ука батырды, пыгамберлер гөзлериңизи юмдурды, гөргүрлер башларыңызы өртди.

Işaýa 29:18

Шол гүн керлер китабың сөзлерини эшидерлер, түмлүк, гараңкылык ичинде көрлериң гөзлери ачылар.

Işaýa 32:3

Гөрйәнлериң гөзлери юмулмаз, эшидйәнлер-де гулак гоярлар.

Işaýa 42:7

Көр гөзлери ачмак, туссаглары туссаглыкдан, зулматда отуранлары зындандан азат этмек үчин сени халка әхт, миллетлере нур эдерин.

Işaýa 6:10

Бу халкың йүрегини күтелт, гулакларыны кер эт, гөзлерини гап, гөзлери билен гөрмесин, гулаклары билен эшитмесин, аңлары билен аңламасын, Маңа дөнүп, шыпа тапмасынлар».

Matta 13:15

Бу халкың йүреги күтелди, гулаклары кер ачды, гөзлери гапылды. Ёгсам гөзлери билен гөрүп, гулаклары билен эшидердилер, аңлары билен аңлап, Маңа тарап доланардылар, Мен хем олара шыпа берердим“.

Mark 10:17

Иса яңы ёла дүшен махалы бир адам ылгап гелди-де, өңүнде дыза чөкүп, Ондан: «Эй, ягшы Мугаллым! Мен бакы яшайшы мирас алмак үчин нәме этмели?» дийип сорады.

Luka 24:45

Онсоң Мукаддес Язгылара дүшүнмеклери үчин, оларың аңларыны ачды.

Resul 16:14

Бизи диңләп отуранларың арасында Лидия атлы бир сөвдагәр аял хем барды. Ол Тиятира шәхеринден болуп, гырмызы парчалар сатярды. Бу аял Худая сежде эдйәрди. Павлусың сөзлерине гулак асмак үчин, Реб онуң йүрегини ачды.

Resul 26:18

Шонда олар түмлүкден нура, шейтаның хөкмүрованлыгындан Худая тарап өврүлерлер. Маңа иман этмек аркалы оларың гүнәлери багышланып, олар Худайың мукаддес халкы билен биле мирас аларлар“ дийди.

Rimliler 11:29

Чүнки Худай берен пешгешлерини ызына алмаяр, Өз чакылыгыны ятырмаяр.

Rimliler 2:4

Я-да сен Худайың чәксиз мәхремлигине, гечиримлилигине, сабыр-такадына әсгермезлик эдйәрсиңми? Онуң мәхрибанлыгының сени тоба элтйәндигине дүшүнмейәрсиңми?

2 Korintoslylar 4:4

Бу дүнйәниң хөкүмдары шейтан иман этмедиклериң аңыны баглады. Шонуң үчин-де олар Худайың кешби болан Иса Месихиң шөхратының Хош Хабарының нуруны гөрүп билмейәрлер.

2 Korintoslylar 4:6

Чүнки «Түмлүкде нур парласын» диен Худай бизиң-де йүреклеримизи ягтыландырып, Иса Месихиң йүзүнде парлаян Өз шөхратыны бизе танатды.

Галатялылар 5:5

Биз болса Мукаддес Руха даянып, умыт баглаян акланмамыза иман билен гарашяндырыс.

Efesliler 1:11

Хемме зады Өз ислегине лайыклыкда ерине етирйән Худай Өз ниетине гөрә бизи өңден белләп, Месих аркалы сайлап-сечди. Ол муны бизиң, ягны Иса Месихе илкинҗи болуп иман эденлериң Худайың шан-шөхратыны арша гөтермегимиз үчин амал этди.

Efesliler 1:7

Худай чуңңур бай мерхемети билен Оглуның дөкен ганы аркалы гүнәлеримизи багышлап, бизи азат этди.

Efesliler 2:12

Шол вагтлар сиз Месихден айрыдыңыз, Ысрайыл раятлыгындан махрумдыңыз, Худайың вада берип, Өз халкы билен эден әхтлери сизе дегишли дәлди. Сиз бу дүнйәде Худайсыз ве умытсыздыңыз,

Efesliler 3:16

Гой, Ол чәксиз шан-шөхраты билен Өз Рухы аркалы сизиң ички барлыгыңызы гудрат билен гүйчлендирсин.

Efesliler 3:8

Мен Худайың халкының арасында иң әхмиетсизидим, эмма муңа гарамаздан Месихиң акыл етмез байлыгыны яхуды дәллере вагыз этмек җогапкәрчилигини Худай маңа берди.

Efesliler 4:1

Реббиң угрунда туссаглыкда болан мен сизден Худайдан алан чагырылышыңыза мынасып яшамагыңызы хайыш эдйәрин.

Efesliler 4:4

Сиз бир Бедене, бир Руха шәрик болярсыңыз; Худай хеммәңизи бир умыда чагырандыр.

Efesliler 5:8

Ядыңыздамы, бирвагтлар сиз гараңкылыкдыңыз, йөне инди Реб аркалы нурсуңыз. Шонуң үчин нуруң чагалары болуп яшаң.

Filipililer 3:14

Мен Худайың Иса Месих аркалы гөклердәки яшайша чагырян байрагыны алмак үчин, максадыма тарап ылгаярын.

Колосиялылар 1:12

Нурдакы Өз халкының мирасына шәрик болмага сизи долы мынасып эден Ата Худая шатланып шүкүр эдиң.

Колосиялылар 1:23

Элбетде, сиз эшиден Хош Хабарыңызың берен умыдында сарсман, иманда көк уруп, берк дурмалысыңыз. Бу Хош Хабар ер йүзүндәки хер бир ынсана ыглан эдилди. Мен Павлус бу Хош Хабарың хызматчысы болдум.

Колосиялылар 1:27

Худай бу сырың шөхратлы байлыгыны миллетлериң арасында Өз халкына билдирмек иследи. Бу сыр сизе шөхрата говушмак умыдыны берип, араңызда болян Иса Месихдир.

Колосиялылар 1:5

Бу иманыңыз ве сөйгиңиз умыдыңыздан, хава, гөкде сизе гарашян затлара баглаян умыдыңыздан дөрейәр. Сиз өзүңизе гелип говшан хакыкат сөзи болан Хош Хабарда бу умыт барада өң эшиденсиңиз.

Колосиялылар 2:2

Мен оларың калбының рухланып, сөйгүде бирлешмеклерини дилейәрин. Шейдип, олар долы ынама хем бай дүшүнҗә эе болуп, Ата Худайың сырыны, ягны Месихи танасынлар.

Колосиялылар 3:15

Калбыңызда Месихиң парахатлыгы хөкүм сүрсүн. Чүнки сиз бир бедениң агзалары болуп, бу парахатчылыга чагырылансыңыз. Хемише шүкүрли болуң.

1 Salonikliler 5:8

Биз болса гүндизе дегишлидирис. Худай бизи газаба дучар болмага дәл, эйсем Реббимиз Иса Месих аркалы халас болмага белледи. Шоңа гөрә-де, эгнимизе иман билен сөйгини совут хөкмүнде, башымыза халас болмак умыдыны тувулга хөкмүнде гейип, хүшгәр болалың.

2 Salonikliler 1:11

Шоңа гөрә-де, биз элмыдама сизиң үчин дога-дилеглер эдйәрис: гой, Худай сизи Өз чагырышына мынасып сайсын; гой, әхли ягшы ниетлериңизи ве иманыңызың гөнүкдирен хер бир ишини Худай Өз гудраты билен амала ашырсын.

2 Salonikliler 2:16

Атамыз Худай бизи сөйүп, Өз мерхемети аркалы бизе эбеди теселли билен ягшы умыт берди. Гой, Реббимиз Иса Месихиң Өзи ве Атамыз Худай сизе теселли берсин, хер бир ягшы ишде ве сөзде сизе гүйч берсин.

1 Timoteos 6:12

Иман угрундакы гөрешде эдерменлик билен гөреш ве бакы яшайшы макәм тут. Худай сени муңа чагырды, сен хем иманыңы көп шаядың өңүнде долы ыкрар эденсиң.

Titus 2:13

Биз бу йөрелгә эерип, аҗайып умыдымыз болан бейик Худайымыз ве Халасгәримиз Иса Месихиң шан-шөхрат ичинде гөклерден инмегине гарашярыс.

Еврейлер 10:32

Өңки гүнлериңизи ядыңыза салың. Шонда сиз Худайдан нурланып, җебир-җепалара дөз гелипдиңиз.

Еврейлер 6:4

Ким өң бир гезек Худайдан нурланып, гөгүң пешгешини аландан соңам, шейле хем Мукаддес Руха шәрик болуп, Худайың Хош Хабарының ягшылыгыны дадып, гелҗекки дөврүң гудратыны гөренден соңам, Худайдан йүз өврүп, ёлдан чыкса, оны тәзеден тоба гетирмек асла мүмкин дәл. Себәби ол адам Худайың Оглуны гайтадан хача чүйләп, иле рысва эдйәндир.

1 Petrus 1:3

Реббимиз Иса Месихиң Атасы Худая өвгүлер болсун! Ол Өз бейик мерхеметине гөрә, Иса Месихиң өлүмден дирелмеги аркалы бизи тәзе дурмуша ве яшайыш умыдына говшурды.

1 Petrus 3:9

Яманлыга яманлык, сөгүнҗе сөгүнч билен гайтаргы бермән, терсине, алкыш билен җогап бериң, себәби сиз шунуң ялы яшамага чагырылансыңыз.

1 Petrus 5:10

Бол мерхемет эчилйән Худай сизи Месих аркалы Өз эбеди шөхратына чагырды. Сиз дурмушда эҗир чекйән болсаңыз хем, Ол сизи дикелдер, беркидер, гүйчлендирер ве сарсмаз бина эдип гурар.