Аянлык 7:14 - Мукаддес Китап

¹⁴ Мен: «Муны сен билйәнсиң, агам!» дийип җогап бердим. Яшулы: «Булар шол агыр мушакгатлары башдан гечиренлер. Олар өз лыбасларыны Гузының ганы билен ювуп, олары ап-ак этдилер.

Mukaddes Kitap

¹⁴ Men: «Muny sen bilýänsiň, agam!» diýip jogap berdim. Ýaşuly: «Bular şol agyr muşakgatlary başdan geçirenler. Olar öz lybaslaryny Guzynyň gany bilen ýuwup, olary ap-ak etdiler.

Аянлык 7:14 Iomraidhean Croise

Eýýup 11:16

Мушакгатыңы унударсың, акып гиден сувлар дек ятларсың оны.

Müsürden çykyş 37:3

Сандык үчин дөрт саны алтын халка ясады ве олары дөрт аягына: икисини бир тарапындакы аякларына, бейлеки икисини бейлеки тарапындакы аякларына дакды.

Işaýa 1:18

Реб шейле диййәр: «Гелиң, инди дүшүнишелиң, гүнәлериңиз гырмызы дек болса-да, олар гар кимин ак боларлар, гырмызы дек гызыл болсалар-да, ак йүң дек боларлар.

Даныел 11:35

Галанларың ахырзамана ченли гүнәлеринден сапланмагы, пәкленмеги ве акланмагы үчин акыллы адамлардан бирнәчеси хеләк болар. Чүнки энтек белленен мөхлете вагт бардыр.

Даныел 12:1

«Шол вагт сениң халкыңы гораян баш сердар Микайыл өңе чыкар. Шонда миллетлер дөрәли бәри гөрлүп-эшидилмедик җебир-җепалы дөвүр гелер. Эмма шол вагт сениң халкыңдан ады китапда языланларың әхлиси халас болар.

Даныел 7:16

Мен ол ерде дуранларың бирине якынлашып, ондан булара дегишли әхли хакыкаты сорадым. Шейдип, ол маңа бу затларың ёргудыны айдып берди:

Закаря 13:1

Шол гүн Давудың неслини хем-де Иерусалимиң халкыны гүнәден ве харамлыкдан сапламак үчин бир чешме чыкар.

Matta 24:21

Чүнки ол гүнлерде шейле бир элхенч мушакгатлар болар велин, дүнйәниң башындан тә шу вагта ченли мунуң ялы зат болан дәлдир, хич хачан болмазам.

Mark 13:19

Чүнки ол гүнлерде шейле бир элхенч мушакгатлар болар велин, Худайың ярадан дүнйәсиниң башындан тә шу вагта ченли мунуң ялы зат болан дәлдир, хич хачан болмазам.

Ёханна 16:33

Бу затлары сизе Менде рахатлыгыңыз болсун дийип айтдым. Бу дүнйәде гайгы-гуссаңыз болар, йөне мерт болуң. Мен дүнйәни еңдим!» дийди.

Resul 14:22

Олар шәгиртлери рухландырдылар ве олара иманда берк дурмагы үндәп: «Худайың Шалыгына гирмегимиз үчин, бизиң көп мушакгатлары башдан гечирмегимиз герек» диййәрдилер.

Rimliler 5:3

Диңе муңа дәл, эйсем мушакгатларымыза хем бегенйәрис, себәби мушакгатларың чыдамы,

1 Korintoslylar 6:11

Сизиң-де кәбирлериңиз шолар ялыдыңыз. Йөне сиз Реббимиз Иса Месихиң ады билен Худайымызың Рухы аркалы ювулдыңыз, Худайың мукаддес халкы болдуңыз, акландыңыз.

2 Salonikliler 1:4

Биз Худайың йыгнакларының арасында сиз бабатда магтанярыс. Себәби сиз ызарланып, гөрги барыны гөрсеңиз-де, иманда берк дуруп, оларың әхлисине чыдаярсыңыз.

Еврейлер 13:12

Шоңа гөрә, Иса хем шәхер дервезесинден дашарда эҗир чекип өлди. Ол халкыны Өз ганы билен пәкледи.

Еврейлер 9:14

Эгер шейле эден болсалар, онда Месихиң ганы аркалы хас-да бейик ишлер эдип болар! Шейдип, Месих эбеди Рухуң гудраты аркалы Өзүни мүйнсүз гурбанлык хөкмүнде Худая хөдүрледи. Онуң дөкен ганы бизиң выжданымызы өлүме элтйән ишлерден пәклейәр, шонда биз дири Худая гуллук эдйәрис.

1 Petrus 1:19

Терсине, Худайың шикессиз хем тегмилтсиз гурбанлык Гузусы болан Месихиң гымматлы ганы аркалы халас эдиленсиңиз.

1 Ёханна 1:7

Эмма Худайың нурда болшы ялы, биз хем нурда гезйән болсак, онда бири-биримиз билен якын гатнашыгымыз бардыр. Онуң Оглы Исаның ганы бизи әхли гүнәден тәмизлейәндир.

Аянлык 1:5

Өлүмден илкинҗи болуп дирелен, дүнйә шаларының Хөкүмдары болан садык шаят Иса Месихиң мерхемети ве парахатлыгы сизе яр болсун! Шөхрат ве гудрат бакы Месихиңкидир! Чүнки Ол бизи сөенсоң, ганыны дөкүп, гүнәлеримизден азат этди. Ол бизден Шалык ярадып, Атасы Худая хызмат этмек үчин бизи руханылар белледи. Омын!

Аянлык 12:11

Доганларымыз Гузының ганы аркалы, өз шаятлыклары аркалы оны еңдилер. Хатда өлүм ховпы үстлерине абананда-да, җанларыны аямадылар.

Аянлык 15:2

Мен от билен гарышык, чүйшеден ясалан деңиз ялы бир зат гөрдүм. Онуң үстүнде җандары, онуң хейкелини, адыны аңладян саны еңенлер дурды. Оларың эллеринде Худайың берен арфалары барды.

Аянлык 17:6

Онсоң аялың Худайың халкының ве Исаның шаятларының ганыны ичип, серхош боланыны гөрдүм. Муны гөрүп, гаты гең галдым.

Аянлык 2:9

„Мен сениң мушакгатларыңы ве гарыплыгыңы билйәрин, аслында велин сен байсың! Мен өзлерини яхуды сайянларың саңа дил етирйәндиклерини хем билйәрин. Йөне олар яхудылар дәл-де, шейтаның үйшмелеңидир.

Аянлык 22:14

Өз лыбасларыны ювянлар багтлыдыр! Оларың яшайыш дарагтының мивесинден иймәге, шәхер дервезесинден гирмәге хаклары бардыр.

Аянлык 5:9

Олар тәзе бир айдым айдярдылар: Сен мынасыпсың бу кагызы алмага, хем-де онуң мөхүрлерини дөвмәге. Чүнки Сен дамагың чалнып, Өз ганың билен, хер тиреден, хер дилден, хер халкдан хем-де миллетден Худай үчин адамлары сатын алансың.

Аянлык 7:9

Мундан соң хер миллетден, хер халкдан, хер тиреден, хер дилден болан, хич кимиң санап билмеҗек әгирт мәхеллесиниң тагтың ве Гузының өңүнде дураныны гөрдүм. Олар ак лыбасдадылар ве эллеринде палма агаҗының шахалары барды.