Аянлык 5:8 - Мукаддес Китап

⁸ Ол дүйрленен кагызы элине аланда, дөрт махлук ве йигрими дөрт яшулы Гузының өңүнде йүзин дүшүп, Оңа сежде этдилер. Оларың хер бириниң элинде арфа ве якымлы ыслы түтетгиден долы алтын кәсе барды. Бу якымлы ыслы түтетгилер Худайың халкының дога-дилеглеридир.

Mukaddes Kitap

⁸ Ol düýrlenen kagyzy eline alanda, dört mahluk we ýigrimi dört ýaşuly Guzynyň öňünde ýüzin düşüp, Oňa sežde etdiler. Olaryň her biriniň elinde arfa we ýakymly ysly tütetgiden doly altyn käse bardy. Bu ýakymly ysly tütetgiler Hudaýyň halkynyň doga-dilegleridir.

Аянлык 5:8 Iomraidhean Croise

Zebur 141:2

Онуң өңүне арз-халымы дөкйәрин, Онуң өңүнде гайгыларымы беян эдйәрин.

Zebur 150:3

Оны сурнайларың сеси билен шөхратландырың, арфада ве лирада шөхратландырың!

Zebur 33:2

Мен Реббе хемише алкыш айдарын, Оңа өвги элмыдама агзымда болар.

Zebur 43:4

Олар юрды эелемедилер гылыҗы билен, еңши газанмадылар голлары билен – Сениң элиң, голуң, йүзүңиң нуры эдендир муны; чүнки Сен җуда сөйдүң олары.

Zebur 81:2

Худай шейле диййәр: «Хачана дек адалатсыз казылык эдип, сиз эрбетлере тарапгөйлик этмекчи? Села

Çölde 7:62

Ичи түтетгиден долы, аграмы йигрими мысгал болан алтын җам.

Ёханна 1:29

Эртеси гүни Яхя өз янына гелйән Исаны гөрүп, шейле дийди: «Ине, дүнйәни гүнәден саплаян Худайың Гузусы!

Ёханна 5:23

Шейлеликде, Ата хормат гойянлар Огла-да хормат гоймалыдырлар. Огла хормат гоймаян адам Оны иберен Ата-да хормат гойян дәлдир.

Еврейлер 1:6

Худай еке-тәк Оглуны дүнйә иберенде: «Гой, Худайың әхли перишделери Оңа сежде этсинлер!» дийди.

Аянлык 13:8

Ер йүзүнде яшаян хер бир ынсан бу җандара сежде эдер. Бу җандара диңе дүнйә ярадылмаздан өң атлары Яшайыш китабына язылан адамлар сежде этмез. Яшайыш китабы дамагы чалнан Гузыныңкыдыр.

Аянлык 15:2

Мен от билен гарышык, чүйшеден ясалан деңиз ялы бир зат гөрдүм. Онуң үстүнде җандары, онуң хейкелини, адыны аңладян саны еңенлер дурды. Оларың эллеринде Худайың берен арфалары барды.

Аянлык 15:7

Дөрт махлугың бири еди перишдә бакы яшаян Худайың газабындан долы еди алтын кәсе берди.

Аянлык 19:4

Йигрими дөрт яшулы, дөрт махлук йүзин дүшүп: «Омын! Худая шан-шөхрат болсун!» дийип, тагтда отуран Худая сежде этдилер.

Аянлык 4:10

йигрими дөрт яшулы тагтда Отураның өңүнде йүзин дүшүп, бакы яшаян Худая сежде эдйәрдилер, тәчлерини тагтың өңүнде гоюп:

Аянлык 4:4

Тагтың төверегинде ене-де йигрими дөрт тагт барды, бу тагтларың үстүнде яшулулар отырды. Оларың эгнинде ак лыбаслары, башларында алтын тәчлери барды.

Аянлык 4:6

Тагтың гаршысында булгур кимин дуры, чүйшеден ясалан ялы бир деңиз барды. Тагтың ортасында ве төверегинде дөрт саны махлук барды. Оларың өңи-де, аркасы-да гөзлерден долуды.

Аянлык 4:8

Бу дөрт махлугың херсиниң алты ганаты барды. Оларың хемме ери, хатда ганатларының ашагы-да гөзлерден дос-долуды. Олар гиҗе-гүндиз ызыны үзмән: «Хөкмүрован Реб Худай мукаддесдир, мукаддесдир, мукаддесдир, Ол гечмишде барды, хәзир хем бар, гелеҗекде хем болҗакдыр» – дийип гайталаярдылар.

Аянлык 5:11

Онсоң мен тагтың, җанлы махлукларың хем-де яшулуларың төверегиндәки перишделери гөрдүм ве оларың сеслерини эшитдим. Олар санардан көпди, мүңлерче мүңди, он мүңлерче он мүңди.

Аянлык 5:12

Олар батлы сес билен: «Дамагы чалнан Гузы гүйҗи хем-де байлыгы, пайхасы хем гудраты, хорматы хем шөхраты өвгүлери алмага мынасыпдыр!» диййәрдилер.

Аянлык 5:14

Дөрт махлук «Омын!» диййәрди, яшулулар йүзин дүшүп, сежде эдйәрдилер.

Аянлык 5:6

Онсоң мен дамагы чалнан гуза меңзейән бир Гузыны гөрдүм. Гузы тагтың ортасында, дөрт махлук билен яшулуларың арасында дурды. Гузының еди шахы билен еди гөзи барды. Бу гөзлер Худайың бүтин дүнйә иберилен еди Рухудыр.

Аянлык 6:1

Онсоң мен Гузының еди мөхүриң бирини дөвенини гөрдүм. Шонда махлукларың бириниң гөк гүррүлдиси ялы сес билен «Бәри чык!» диенини эшитдим.