Аянлык 2:5 - Мукаддес Китап

⁵ Шонуң үчин, хайсы белентликден йыкыланыңы ядыңа сал! Тоба эт-де, илкибашда эден ишлериңи амал эт! Эгер тоба гелмесең, яныңа барып, чыраданыңы еринден айрарын.

Mukaddes Kitap

⁵ Şonuň üçin, haýsy belentlikden ýykylanyňy ýadyňa sal! Toba et-de, ilkibaşda eden işleriňi amal et! Eger toba gelmeseň, ýanyňa baryp, çyradanyňy ýerinden aýraryn.

Аянлык 2:5 Iomraidhean Croise

Işaýa 1:26

Казыларыңы озалкы халына, маслахатчыларыңы өңки халына дикелдерин. Шондан соң саңа: „Догрулык шәхери, садык шәхер“ дийлер».

Işaýa 14:12

Эй, парлак йылдыз, даң оглы, гөкден нәхили гачдың! Эй, миллетлери еңен сен, инди өзүң ере йыкылдың!

Эзекиел 20:43

Онсоң сиз эрбет ёлларыңызы, өзүңизи харам эден әхли ишлериңизи ол ерде ятларсыңыз ве эден әхли писликлериңизден яңа өзүңизи йигренерсиңиз.

Эзекиел 36:31

Онсоң эрбет ёлларыңызы, пис ишлериңизи ятлап, этмишлериңизден ве неҗис ишлериңизден яңа өзүңизи йигренерсиңиз.

Hoşeýa 14:1

Самария халкы өз гүнәсиниң җезасыны чекер. Чүнки Худая гаршы чыкдылар. Олар гылычдан хеләк боларлар. Балалары ере язылып парчаланар. Хамыла аялларының гарны ярылар.

Hoşeýa 9:10

Чөлде үзүм тапан ялы, Мен Ысрайылы тапдым. Илкинҗи миве берен инҗир агаҗыны гөрен ялы, Мен ата-бабаларыңызы гөрдүм. Йөне олар Багалпегор дагындакы бутуна сежде эденлеринде, өзлерини рысвачылыга урдулар. Гөвүн берен затлары ялы йигренҗи болдулар.

Malaky 3:4

Онсоң өңки дөвүрде, гечен йылларда болшы ялы, Реб Яхуда ве Иерусалим халкының садакаларындан хошал болар.

Malaky 4:6

Ол ата-энелериң йүрегини чагаларына, чагаларың йүрегини ата-энелерине тарап өврер. Шонда Мен гелип, юрды нәлетләп ёк этмерин».

Matta 5:14

Сиз дүнйәниң ышыгысыңыз. Депеде гурлан шәхери гизләп болмаз.

Matta 5:15

Чыраны якып, габың ашагында гойян дәлдирлер. Оны чыраданың үстүнде гойяндырлар, шонда ол өйдәкилериң хеммесине ышык берйәндир.

Mark 12:9

Инди үзүмчилигиң эеси нәме эдер? Ол гелип, бу кәрендечилери өлдүрер-де, үзүмчилиги башгалара берер.

Luka 1:17

Ол аталары огуллары билен ярашдырмак, боюн эгмезеклери догруларың дүшүнҗесине гөнүкдирмек үчин, Ылясың рухундан ве гудратындан долар, Реб Иса Месихиң өңүнден йөрәр. Ол Реббиң гөвнүнден турҗак халкы тайярлар».

Luka 20:16

Ол гелип, бу кәрендечилери өлдүрер, үзүмчилиги болса башгалара берер». Халк муны эшидип: «Даш эдеверсин!» дийди.

Галатялылар 5:4

Эй, өзүни Мукаддес Канун аркалы акламакчы болянлар! Сиз Месихден айрылдыңыз, Худайың мерхеметинден махрум болдуңыз.

Filipililer 2:15

Шонда сиз эгри ве азгын неслиң арасында эдил әлемдәки йылдызлар дек парлаян, Худайың айыпсыз, пәк ве мүйнсүз чагалары боларсыңыз.

Еврейлер 10:32

Өңки гүнлериңизи ядыңыза салың. Шонда сиз Худайдан нурланып, җебир-җепалара дөз гелипдиңиз.

2 Petrus 3:17

Шонуң үчин хем, эй, сөйгүли доганлар, бу затлары өңден билйәндигиңиз үчин, хүшгәр болуң! Имандан дәнмезиңиз ялы, азгын адамлар сизи ёлдан чыкармасын.

Ýahuda 1:24

Имандан дәнмез ялы, Худай сизи горамагы ве шатлыкдан долдурып, Өз шөхратлы хузурына сизи бүтинлей мүйнсүз гетирмеги башаряндыр.

Аянлык 1:20

Мениң саг элимде гөрйән еди йылдызың ве еди алтын чыраданың сыры шейле: еди йылдыз еди йыгнагың перишделерини, еди чырадан хем еди йыгнагы аңладяндыр».

Аянлык 16:9

Гүйчли ховур ынсанлары якып-көйдүрди. Йөне олар тоба гелмедилер, Худайы шөхратландырмадылар. Терсине, бу белалара хөкүмини йөредйән Худая гаргадылар.

Аянлык 2:16

Тоба эт! Ёгса тизара яныңа барып, агзымдакы гылыч билен олара гаршы уршарын.

Аянлык 2:19

„Мен сениң әхли эденлериңи, сөйгиңи, иманыңы, хызматыңы ве гайратыңы билйәрин. Сениң хәзирки эдйәнлериңиң озалкылардан көпдүгини хем билйәрин.

Аянлык 2:2

„Мен сениң әхли эденлериңи, шол санда зәхмет чекендигиңи, гайратлыдыгыңы билйәрин. Сениң яман адамлары йигренйәндигиңи хем билйәрин. Сен өзлерини ресул сайянлары сынап, оларың ялан ресулдыкларыны әшгәр этдиң.

Аянлык 3:19

Мен Өз сөййәнлериме кәйәп, олары тербиелейәндирин. Шонуң үчин-де, ыхласлы бол, тоба эт!