Аянлык 12:1 - Мукаддес Китап

¹ Асманда тәсин бир аламат: Гүне бесленен бир аял пейда болды. Онуң аякларының астында яңы доган Ай, башында он ики йылдызлы тәҗи барды.

Mukaddes Kitap

¹ Asmanda täsin bir alamat: Güne beslenen bir aýal peýda boldy. Onuň aýaklarynyň astynda ýaňy dogan Aý, başynda on iki ýyldyzly täji bardy.

Аянлык 12:1 Iomraidhean Croise

2 Йыл язгылары 32:31

Ине, Бабыл хөкүмдарларының юртда болан аламат хакында сорамак үчин Хизкияның янына иберен илчилери геленде, Худай Хизкияны сынап, онуң йүрегинде болан бар зады билмек үчин оны еке галдырды.

Zebur 104:2

Оңа нагма айдың, Оны шөхратландырың, әхли гудратлы ишлери барада сиз гүррүң бериң.

Zebur 84:11

Сөйги билен вепадарлык бирлешер, догрулык парахатлык билен биригер.

Nagmalar 6:10

Шапак дей ялпылдаян, Ай дек гөзел, Гүн дей парлаян, туглы гошун дей шөвкетли ким бу?

Işaýa 61:10

Ребде шатланарын Мен, җаным Худайымда җошар, чүнки Ол мени гутулыш лыбасына беследи, гиевиң тәч гейши дек, гелниң шай-сеп билен безениши дей, Мени догрулык доны билен өртди.

Işaýa 62:3

Реббиң элинде гөзеллик тәҗи, Худайыңың элинде шалык җыгасы боларсың.

Закаря 9:16

Шол гүн оларың Худайы Реб халас эдер, чүнки олар чопан сүрүси киминдир. Олар тәҗиң гымматбаха гашлары ялы Худайың юрдунда шөхле сачарлар.

Malaky 4:2

Йөне Мениң адымдан горкян сиз үчин шөхлеси билен шыпа берҗек адалат гүнеши догар. Сиз шонда газыгындан бошанан гөле ялы бөкүшерсиңиз.

Matta 12:38

Шонда кәбир Төврат мугаллымлары ве фарисейлер Оңа җогап берип: «Мугаллым, биз Сенден бир гудратлы аламат гөрмек ислейәрис» дийдилер.

Matta 24:30

Шонда гөкде Ынсан Оглуның аламаты гөрнер. Ер йүзүндәки әхли халклар яс тутуп перят эдерлер. Ынсан Оглуның бейик гудрата ве шөхрата бесленип, гөгүң булутларында гелйәнини гөрерлер.

Mark 13:25

Йылдызлар гөкден гачар, асман җисимлери лерзана гелер.

Luka 21:11

Айры-айры ерлерде гүйчли ертитремелер, ачлык хем гыргын кесели, горкунч вакалар, гөкден улы аламатлар болар.

Luka 21:25

Гүнде, Айда ве йылдызларда аламатлар пейда болар. Ер йүзүнде миллетлер деңиз хем толкунларың гүррүлдиси зерарлы башагай болуп, галагоплуга дүшерлер.

Ёханна 3:29

Гелин гиеве дегишлидир. Гиевиң досты болса, гиевиң гелерине гарашып, онуң сесини эшиденинде җуда шатланяндыр. Хут шонуң ялы мениң шатлыгым-да инди хасыл болды.

Resul 2:19

Мен ёкарда, асманда мугҗызалар, ашакда, ерде аламатлар: ган, от хем-де түссе сүтүнлерини гөркезерин.

Rimliler 13:14

Ынсан хөвеслериңизи нәдип канагатландыраркам дийип ойланмаң-да, гайтам, Реббимиз Иса Месихе беслениң.

Rimliler 3:22

Иса Месихе иман эдйәнлериң әхлиси Худайың хузурында акланяндырлар. Адамларың арасында хич парх ёкдур,

2 Korintoslylar 11:2

Мен сизи Худайың габанҗаңлыгы билен габаняндырын. Себәби мен сизи еке-тәк бир Йигиде, ягны Месихе адаглап, сизи Оңа пәк гыз хөкмүнде ниетледим.

Галатялылар 3:27

Чүнки сува чүмдүрилиш аркалы Иса Месих билен бириген сизиң барыңыз инди Оңа беслененсиңиз.

Галатялылар 4:26

Эмма гөклердәки Иерусалим азатдыр. Ол бизиң энемиздир.

Галатялылар 6:14

Мен болса Реббимиз Иса Месихиң хачындан башга зат бабатда асла магтанасым гелмейәр. Шу хач аркалы мен бу дүнйә үчин, бу дүнйә-де мениң үчин өлүдир.

Efesliler 5:32

Бу бейик сырдыр, йөне мен мунда Месих ве иманлылар йыгнагы барада гүррүң эдйәрин.

Аянлык 1:20

Мениң саг элимде гөрйән еди йылдызың ве еди алтын чыраданың сыры шейле: еди йылдыз еди йыгнагың перишделерини, еди чырадан хем еди йыгнагы аңладяндыр».

Аянлык 11:19

Онсоң Худайың гөкдәки ыбадатханасы ачылып, онуң ичиндәки Әхт сандыгы гөрүнди. Шол пурсатда йылдырымлар чакды, батлы сеслер, гөк гүррүлдиси эшидилди, ер титрәп, гүйчли долы ягды.

Аянлык 12:3

Соңра асманда башга бир аламат пейда болды. Бу еди келлели, он шахлы, келлелеринде еди тәҗи болан әпет гызыл аждархады.

Аянлык 15:1

Шондан соң мен гөкде ене бир улы ве тәсин аламат гөрдүм: гөкде еди перишде, херсиниң элинде болса бир бела барды. Бу белалар соңкы белалар болуп, олар Худайың газабыны соңлаярдылар.

Аянлык 21:14

Шәхериң дивары он ики бинядың үстүнде бина эдилипди, олара Гузының он ики ресулының ады язылгыды.

Аянлык 21:23

Шәхери ягтыландырмак үчин Гүн я-да Ай герек дәл. Чүнки шәхери Худайың шөхраты ягтыландыряр, Гузы хем онуң чырасыдыр.