Аянлык 1:1 - Мукаддес Китап

¹ Бу китап Иса Месихиң берен аянлыгыдыр. Худай якын вагтда болмалы вакалары Өз бенделерине аян этмек үчин, бу аянлыгы Иса Месихе берди. Иса Месих хем оны Худайың перишдеси аркалы Өз гулы Ёханна аян этди.

Mukaddes Kitap

¹ Bu kitap Isa Mesihiň beren aýanlygydyr. Hudaý ýakyn wagtda bolmaly wakalary Öz bendelerine aýan etmek üçin, bu aýanlygy Isa Mesihe berdi. Isa Mesih hem ony Hudaýyň perişdesi arkaly Öz guly Ýohanna aýan etdi.

Аянлык 1:1 Iomraidhean Croise

Даныел 8:16

Мен Улай каналының ортасындан бир ынсаның сесини эшитдим, ол гыгырып: «Җебрайыл, бу адама гөрнүшден маны чыкармага көмек эт» дийди.

Даныел 9:21

Шонда агшам гурбанлык берилйән вагты мен энтек дилег эдип дуркам, өңки гөрнүшимде гөрен адамым Җебрайыл чалтлык билен учуп, яныма гелди.

Даныел 9:23

Сениң налышыңың илки башында шейле буйрук чыкды. Мен хем оны саңа аян этмәге гелдим, чүнки сен җуда сөйүлйәнсиң. Инди болса буйруга гулак гой ве бу гөрнүше дүшүн:

Amos 3:7

Хакыкатдан-да Хөкмүрован Реб сырыны гуллары пыгамберлере аян этмезден хич зат этмез.

Ёханна 12:49

Себәби Мен Өз-Өзүмден геплемедим. Мени иберен Ата нәме айтмалыдыгымы, нәхили сөзлемелидигими Маңа Өзи буюрды.

Ёханна 15:15

Мундан бейләк Мен сизе гул диймерин, себәби гул хоҗайынының нәме эдйәнини билйән дәлдир. Мен сизе дост диййәрин, себәби Атамдан эшиден әхли затларымы сизе айтдым.

Ёханна 17:8

Чүнки Маңа айдан сөзлериңи Мен олара етирдим. Олар сөзлериңи кабул эдип, Мениң, хакыкатдан-да, Сенден гелендигими билдилер. Мени Сениң иберендигиңе иман этдилер.

Ёханна 3:32

Ол гөренине, эшиденине шаятлык эдйәр, йөне Онуң шаятлыгыны хич ким кабул этмейәр.

Ёханна 8:26

Сизи айыплап айтҗак затларым көп. Мени Иберен хакдыр, Мен Ондан эшиденлерими дүнйә әшгәр эдйәрин» дийип җогап берди.

Rimliler 16:25

Мениң вагыз эдйән Хош Хабарыма, ягны Иса Месих барадакы таглымата ынанан сизи иманда беркитмеги башарян Худая шан-шөхрат болсун! Бу Хош Хабар энчеме асырларың довамында яшырын сакланып, инди аян эдилен бир сырдыр.

Галатялылар 1:12

Мен оны ынсандан кабул этмедим я-да өвренмедим. Маңа оны Иса Месихиң хут Өзи аян этди.

Efesliler 3:3

Сизе өң гысгача язышым ялы, Худай маңа Өз сырыны аян этди.

Titus 1:1

Худайың гулы ве Иса Месихиң ресулы мен Павлусдан догайы салам! Худай Өз сайлан адамларының иман гетирмеги ве Онуң йөрелгесине гөнүкдирйән хакыкаты билмеги үчин мени ресуллыга белледи.

Аянлык 1:19

Озалкы, шу вагт гөрйәнлериңи ве мундан бейләк гөрҗек затларыңың барыны яз.

Аянлык 1:9

Иса Месихиң шәгирди хөкмүнде гөргүлере, Худайың Шалыгына ве чыдамлылыга шәрикдешиңиз болан мен Ёханна доганыңыз Патмос диен адададым. Мен Хош Хабары вагыз эдип, Иса Месих хакда шаятлык эденим себәпли бу ада сүргүн эдилипдим.

Аянлык 17:1

Эли кәсели еди перишдәниң бири гелип, маңа шейле дийди: «Гел, мен саңа көп сувларың үстүнден хөкмүрованлык йөредйән улы лолының җезасыны гөркезейин.

Аянлык 19:10

Мен перишдә сежде этмек үчин, онуң аякларына йыкылдым. Эмма ол маңа шейле дийди: «Ёк, маңа сежде этме! Мен хем сен ве Иса барада шаятлык эдйән доганларың ялы Худайың бир гулудырын. Диңе Худая сежде эт! Иса барада шаятлык эдйәнлер пыгамберлик рухуна эе боляндырлар».

Аянлык 19:9

Онсоң перишде маңа шейле дийди: «Шулары яз: Гузының ника тоюна чагырыланлар багтлыдыр!» Ол сөзүни довам эдип: «Ине, булар Худайың хакыкы сөзлеридир» дийди.

Аянлык 21:2

Мен Мукаддес Шәхери – тәзе Иерусалими гөрдүм. Ол гөкден, Худайың хузурындан инип гелйәрди. Тәзе Иерусалим өйленйән йигит үчин безенип-бесленип гелйән гелне меңзейәрди.

Аянлык 21:9

Соңра соңкы еди бела билен долдурылан еди кәсели еди перишдәниң бири мениң яныма гелип: «Гел, мен саңа гелни, Гуза аял болҗагы гөркезейин» дийди.

Аянлык 22:1

Соңра перишде маңа айна ялы ялпылдаян деряны гөркезди. Бу деряда яшайыш сувы акярды. Ол Худайың ве Гузының тагтындан чыкып гайдярды.

Аянлык 22:16

«Мен, Иса Месих, бу пыгамберлиги иманлылар йыгнагына етирмек үчин Өз перишдәми сизе ёлладым. Мен Давудың көкүнден, ягны онуң неслинден болан парлак даң йылдызыдырын!»

Аянлык 22:6

Перишде маңа шейле дийди: «Бу сөзлер ыгтыбарлы ве чындыр! Пыгамберлерини ылхамландырян Реб Худай тиз вагтда болҗак вакалары Өз бенделерине гөркезмек үчин перишдесини ёллады».

Аянлык 22:8

Мен Ёханна булары гөрдүм ве эшитдим. Булары эшиденимден ве гөренимден соң, бу вакалары маңа гөркезен перишдә сежде этмекчи болуп, онуң аякларына йыкылдым.

Аянлык 22:9

Эмма перишде маңа шейле дийди: «Ёк, маңа сежде этме! Мен хем сен ялы, пыгамбер доганларың ве бу китабың пыгамберлик сөзлерини йүрегинде саклаянлар ялы Худайың бир гулудырын. Диңе Худая сежде эт!»

Аянлык 4:1

Шондан соң гөкде бир ачык гапыны гөрдүм. Илкибашда мениң билен геплешен, сурнайың сесине меңзейән сес маңа: «Ёкары чык, Мен саңа мундан соң болмалы затлары гөркезейин» дийди.

Аянлык 5:7

Гузы гелди-де, тагтда Отураның саг элинден дүйрленен кагызы алды.