San Lucas 8:22 - Tunebo Central

²² Riy istiy Jesusan chiwa owár canó sar raújacro. Rauwir Jesusat eyin quin wajacro: —Bar jaw̃, riw rahray, wajacro. Etar riw rahray cun béjecro.

San Lucas 8:22 Iomraidhean Croise

San Mateo 14:22

Etar Jesusat ima chiwa quin wajacro: —Canó cuitara riw rahray as cahmor béowa, wajacro. Eyta waquiran, uw bahnaquin quin “As bar bicaro,” wajacro.

San Mateo 8:18

Uw Jesús quemir sécuajacro. Eyta sécuayat, Jesusat ima chiwa quin wajacro: —Bar jaw̃, riw rahray, wajacro.

San Marcos 5:21

Jesusin canó cuitar riw rahray sicor béjecro. Rahray waacayat uw ricán to Jesús quemir sécuajacro. Riw cajc aw̃at sécuajacro.

San Marcos 6:45

Jesusat pan tahw̃úr cab rehti ima chiwa quin wajacro: —Canó cuitara riw rahray as cahmor béowa. Betsaida cun béowi, wajacro. Chiwa be yiror Jesusat uw bahnaquin sicor imár usi áyjacro.

San Marcos 8:13

Eyta waquír eyin cham bahjacro. Canó sar raújacro. Rauwir riw rahray bijacro.

San Lucas 5:1

Riy istiy Jesusat riw cajc cutar uw síw̃jacro. Riw ajca Genesaret cajc cutar uw síw̃jacro. Erar ricán to bi síw̃jacro. To bi sécuaquin siw̃yat rahra rahra yarji úcajacro. Sir chihtá rahcuín acu Jesús ecor it cun rehquít úcajacro.

San Lucas 8:23

Beya rabar riw ubut cucayat, Jesusra cámjacro. Etat séroan abáy cac yehnjacro. Canó sar rih bar cuinay raújacro. Canó riw tanoso beta yajacro.

San Lucas 8:33

Eyta ajc waacayat, cuicá ser ur icar bin waa béjecro. Beyar tusín sar raújacro. Rauyat tusín ricá to bin bahnác siyo ocso tijca suca béjecro. Beyar, riw icar sácajacro.

San Juan 6:1

Itchareht, yájcajareht Jesús sicor Galilea riw rahray bijacro. Riw Galilea ajc istiy riw Tiberiasro.

Hechos 27:2

Julio owár cat, cárcel icar tunjaquin owár cat, isat canoa cumac bi cájacro. Canó cumac bi eya cajca Adramitio binro. Canoa eya cajca Asia cuwín bicaro. Yacúr cajc sar pueblo istiy tiw̃, pueblo istiy tiw̃ beta biro. Canoa ey caquir cuitar béjecro. Sera ajca Aristarco cat is owár béjecro. Aristarco Macedonia cajc cut pueblo Tesalónica binro.