San Lucas 6:8 - Tunebo Central

⁸ Cuatán Jesúsatan éyinat eyta sihw̃ac itchacro. Eyta cuar atcar cuercúr quin wajacro: —Raw̃i. Usár cui yehnwi, wajacro. Eyta wacayat, cuercúr erar cui yehnjacro.

San Lucas 6:8 Iomraidhean Croise

San Mateo 9:4

Eyta síhw̃acan Jesusat itchacro. Istír eyin quin wajacro: —¿Bitara reht ba ur icar as tamo ay bár síhw̃aqui? -wajacro-. Uch síhw̃awi.

San Marcos 3:3

Etat Jesusat atcar cuercúr quin wajacro: —Usár uw ub acat uw úbotar yehnwi, wajacro.

San Lucas 13:12

Jesusat siw̃a rabar ey yarquey itchacro. Istír wajacro: —Chaucu. Ahra cuicát bah acsar rúhw̃ajatro, wajacro.

San Lucas 5:22

Ur icar eyta síhw̃aquey Jesusat itchacro. Eyta istír eyin quin wajacro: —¿Bitar reht eyta síhw̃aqui?

San Lucas 6:9

Etat Jesusat bachan chihtán siw̃quin quin, fariséoin quin wajacro: —¿Baat ítitan, Sir Chihtá cut bitara yajqui? Canar yati ricar cutara ay yajcátatara, ay bár yajcátatara, baat waw̃i. Uw tan chácatatara, uw tan chati ruhw̃átatara, baat waw̃i. Jesusat eyta wacayat, eyin ajc sácajacro.

San Juan 2:25

Jesusat cahujín quin táyotiro, uwan bitáratara istín acu. Imát uw urá itro.

San Juan 21:17

Eyta waquír Jesusat icar bawoy Pedro quin wajacro: —Simonu, Juan waquijú, ¿Bahat as sehnáica? táyojocro. Jesusat icar bawoy ¿bahat as sehnáica? táyoyat Pedro cue rehjecro. Cue rehquír wajacro: —Caru, bahat bahnác itro. Aját bah sehnác cat itro, wajacro. Etat Jesusat Pedro quin wajacro: —Eytatara óbasin obir yajquír eyta as chiwan éytaan wan obir yajw̃i, -wajacro-.

San Juan 9:4

As áyjaqueyat yajcata wajác ey isat yajcátaro. Aha eyta yajcata cab cuácayat cutar yajcátaro. Biráy bár cuat eyta yajquín acu cab waa béyqueyra, -wajacro-.

Hechos 20:24

Eyta cuácayat as chinata tacat aját Sir chihtá yajquinro, -wajacro, Pábloat-. Jesusat as quin chihtá ay bi ehcú áyjacro. Sirat uw síwata ehcú áyjacro. Eyta yajquín wajác eyan aját eyta yajc bahninro, wajacro, Pábloat.

Hechos 26:26

Rey Agripan usatro. Eyat aját tew̃quey ojcor bahnác itro. Bahnác it etar ayuí bár ehcuro. Aját ítitan, rey Agripat Jesusat yajác ey ojcor bahnác rahjacro. Bahnacan rúhctian uw ubot yajacro, wajacro, gobernador quino.

Filipenses 1:28

Ba quehsuquin cahmor ay wini rehti jaw̃i. Ba quehsuquin cahmor ay wini réhtieyra, éyinat Sirat imár quin tayar chiata istáyqueyra. Imár quin tayar chiata cuar Sirat ba quin tayar chiti síwata istáyqueyra.

Hebreos 4:13

Eyta cuácayat isat bitara útara ay bár yájquíctara, Sir ub cahmar rúhcuajatro. Is bahnáquinan ey ub acat waátaro. Ehcuti ruhcua racar tacat bitách rúhcuajatro. Ey cac cahmar waar ehcwátaro. Isat bitara yajáctara ey quin ehcwátaro.

1 Pedro 4:1

Eyta bira, Jesucrístoat sehw̃ar eyta, baat cat eyta síhw̃awi. Jesucristo cajc uch cuitar wicayat, uwat ruhw̃ujacro. Uwat Jesucristo ruhw̃ujác eyta, ba cat eyta ruhw̃ata síhw̃awi. Eyta sihw̃ar car, ruhw̃úc tacat tan uw̃i. Ehúr rehti jaw̃i. Biyin sibár ruhw̃úc tacat tan ucayat, ur ay bár yajquíc etchacro.

Apocalipsis 2:23

Ey chiwa aját tíw̃inro. Aját eyin tiw̃yat, eyin cuácayat, ajmár uw bahnáquinat it chácayqueyra. Uw ur wahitquib asan eyro. Imarat ur ay bár yajc etar ajatán cuecuc chihtá uwat istáyqueyra. Ur ay yajc tehmár ba obir yajquín chihtá cat istáyqueyra. Aját uw ur uror car eyta yajquíc chihtá istáyqueyra.