San Lucas 17:14 - Tunebo Central

¹⁴ Eyta cohwyat, Jesusat cuercurin itchacro. Istír eyin quin wajacro: —Sacerdóteinat ba sura ohníc tuncháctara istayta acu béowi, wajacro. Jesusat eyta wacayat, cuercurin sacerdote quin béjecro. Beya rabar imár sura ohníc bar orac tan chájacro. Ruhsúc bar bahnác orac waajacro.

San Lucas 17:14 Iomraidhean Croise

San Mateo 3:15

Eyta wacayat Jesusat wajacro: —Séhw̃ati jaw̃i. Asan eyta siw̃i. Sir ub cahmar bahnác ay yajquín ac eyta yajcátaro, wajacro. Eyta wacayat Juan Bautistat Jesús rih sar siw̃jacro.

San Lucas 5:14

Etat Jesusat cuercúr ey quin, cahujín quino ehcuti acu uchta wajacro: —Aját bah quin wacaro. Cahujín quínora ehcuti jaw̃i, -wajacro, Jesusat-. Sacerdote quin biwi. Sacerdóteat bah sura ohníc tunjác ey istayta acu biwi, -wajacro-. Etar cat Sir quin wícata ey wiw̃i. Moisesat icúr wícata cuihsú bahjáctara Sir quin ey wiw̃i, -wajacro-. Eyta yajcayat uwat baha bahnác bar orac chájaquey istáyqueyra, wajacro. Jesusat cuercúr tan jájaquey quin eyta wajacro.

San Juan 11:10

Eyta cuar cheycar cutar bicayat, búnabo tétaro. Cheycar cutar wanquír bár rehquít ístajatro. Etar búnabo técaro, -wajacro-. Uwa rícara cuitar becayat búnabo teti eyta as cat eyta Judea bicayat, china báreyra. As chinic cab anto cutiro, wajacro.

San Juan 2:5

Etat Jesús abát cacmín quin wajacro: —Jesusat ba quin icúr yajc áyictara baat eyta yajw̃i, wajacro.

San Juan 9:7

Anir ey quin wajacro: —Riw órojoc ajca Siloé cutar sucuáy biwi, wajacro. Siloé ajc istiy cut “áyjacro” aw̃uro. Jesusat ayat, ser eya sucuáy bijacro. Sucuír wicayat, sicor ub ji wijacro.