San Juan 19:9 - Tunebo Central

⁹ Etar sicor usar raújacro. Rauwir Jesús quin táyojocro: —¿Bah biscán binca? táyojocro. Eyta táyojoc cuara, Jesusat ajc chin chájacro.

San Juan 19:9 Iomraidhean Croise

San Mateo 26:63

Eyta táyojoc cuar, Jesusat icrí wátiro. Ajc chin chájacro. Eyta cuácayat sacerdote carat ey quin wajacro: —Aját Sir ub cahmor bah quin tew̃ ayro. Is quin ehcuwi. Bahan Crístotara, bah Sir waquíjtara ey bártara, is quin ey ehcuwi, wajacro.

San Mateo 27:27

Eyin at icar wícayat, éyinat Jesús gobernador ubach rauwin béjecro. Usi beyar car soldado bahnaquin sécuajacro.

San Lucas 23:9

Etar Jesús cucayat, Heródesat Jesús quin chiht istiy, chiht istiy táyojocro. Eyta táyoyat, Jesús ajc chin jájacro.

San Juan 18:28

Cuan racayat, policíainat Jesús Caifás usar bin gobernador usi béjecro. Gobernador úbachan cúmacro. Esara judíoin raútiro, bach awuti acu. Cheycar aracat bijaquey bach waar, ruwa yayata etar, gobernador usar raútiro.

San Juan 18:33

Etat Pilato sicor im usar raújacro. Rauwir Jesús chíjacro. Wicayat táyojocro: —¿Bahan judío cáraica? ¿Judíoin rey cáraica? táyojocro.

San Juan 18:34

Etat Jesusat wajacro: —¿Behmá tan séhw̃ari eyta táyoqui? ¿Cahujinat bah quin as ojcor ehcujác etar, as quin eyta táyoqui?

San Juan 18:37

Jesusat eyta wacayat, Pilátoat wajacro: —¿Eytaira bahan rey cáraica? táyojocro. Etat Jesusat wajacro: —Ee, bahat táyocan cábaro. Asan eyro. As cajc uch cutar eyta yehnín acu rajacro. Cajc uch cutar uchta yajquín acu yehnjacro. Uní waquín acu yehnjacro. Biyin uní sin cuntar éyinat as chihtá rahcro, wajacro, Jesusat.

San Juan 19:10

Ajc chin cuácayat, Pilátoat Jesús quin wajacro: —¿Bahat as quin icrí téw̃tiqui? Uch séhw̃awi. As chihtá cut bah uc ay cuntar bar uc áyataro. As chihtá cut bah yau ay cuntar bar yau áyataro. Caruc ojcor cat bar quejc áyataro, wajacro, Pilátoat.

San Juan 19:8

Eyinat eyta wacayat, Pilátoat rahjacro. Rahcuír, cuít roojocro.

San Juan 8:14

Etat Jesusat wajacro: —Ajmár ojcor tew̃ cuar aját uní wacaro. As biscán bíntara, birar béntara ajmarát itro, -wajacro-. Baatrá as biscán bíntara, birar béntara istítiro, -wajacro-.

Filipenses 1:28

Ba quehsuquin cahmor ay wini rehti jaw̃i. Ba quehsuquin cahmor ay wini réhtieyra, éyinat Sirat imár quin tayar chiata istáyqueyra. Imár quin tayar chiata cuar Sirat ba quin tayar chiti síwata istáyqueyra.