San Juan 19:19 - Tunebo Central

¹⁹ Pilátoat chihtá cuihsujaquey Jesús arara caruc ojcor quejequey uchta cuihsujacro: “Jesús Nazaret bin judíoin rey cáracuano,” cuihsujacro, uwat wahitín acu.

San Juan 19:19 Iomraidhean Croise

San Mateo 2:23

Nazaret pueblo cut itay béjecro. Eta jaw̃ úchicrias Sir chihtá béquibat cuihsú bahjacan caba yajacro. Eyat uch wajacro: “Ey ojcor nazareno aw̃áyqueyra,” wajacro.

San Mateo 27:37

Quejquír car chihtá caruc cuitar cuihsúr Jesús cuisa aracat quejecro. Bi chihtá ques yauwíctara uwat ey istayta acu cuihsúr chájacro. “Uyan Jesús judíoin rey cáracuano,” cuihsúr chájacro.

San Marcos 15:26

Quejcayat chihtá caruc cuitar cuihsúr, Jesús cuisa aracat quejecro. Bi chihtá ques yauwíctara ey istín acu cuihsúr chájacro. “Judíoin rey cáraro,” cuihsúr chájacro.

San Lucas 18:37

Eyta táyoyat, uwat wajacro: —Jesús Nazaret bin bicaro, wajacro.

San Lucas 23:38

Jesús cuis aracat carit cuihsúr chájacro. “Uchan judíoin rey cáracuano,” cuihsúr chájacro. Hebreo cuw cutar cat, latín cuw cutara cat, griego cuw cutara cat eyta cuihsúr chájacro.

San Juan 1:49

Etat Natanaelat Jesusan urán to istír wajacro: —Síw̃quibu, bah Sir waquijró. Bah israelin rey cáracuano, wajacro.

San Juan 18:33

Etat Pilato sicor im usar raújacro. Rauwir Jesús chíjacro. Wicayat táyojocro: —¿Bahan judío cáraica? ¿Judíoin rey cáraica? táyojocro.

San Juan 19:12

Pilátoat eyta rahcuír, Jesús uc ayin acu tew̃jacro. Pilátoat Jesús uc ayin acu tew̃yat, judíoinat Pilato quin ay bár cohwjacro: —Bahat Jesús uc ayat, bah romano cajc cut caran cuít bi íw̃oquini batro, -wajacro-. Biyat im ojcor “asan rey cáraro,” wacayat, eyan romano cajc cut caran cuít bi quehsiro. Eyta chihtara Jesús uc ayin ajc waati jaw̃i, wajacro, Pilato quin.

San Juan 19:14

Ey cuanmí cut Pascua fiesta yajquín cuanátaro. Rahsan urá chac racayat, Pilato juez banco ojcor chihrjacro. Chihrír judíoin quin wajacro: —Wahítuwi. Bah rey cara usatro, wajacro.

San Juan 19:21

Tar car judío sacerdote cárinat Pilato quin wajacro: —“Judío rey cáracuano” cuihsuti jaw̃i. Eyta cuihsuti cuar “Eyat ‘asan judío rey cáraro,’ wajacro,” cuihsuwi, wajacro.

San Juan 19:3

Eyta cháquiran soldádoin Jesús cac cahmar bucoy bucoy rojocro. Roquír wajacro: —¡Judíoin caru! ¡Judíoin caru! buror sisín acu eyta wajacro. Eyta waquír, at cut Jesús ac tar bujacro.

Hechos 26:9

’Récaram aját uchta séhw̃ajacro: “Uwat Jesús Nazaret bin chihtá cac ayti acu bitara útara ruhw̃ata,” séhw̃ajacro, -wajacro, Pábloat-.

Hechos 3:6

Eyta cuar Pédroat wajacro: —Asra ray batro. Oro batro. Eyta cuar aját bah acu icuran yajcátatara aját ey yajquinro, -wajacro-. Aját Jesucristo ajc cut bah tan jáquinro, -wajacro-. Jesucristo Nazaretin ajc cut cui yehnwi, wajacro.