Yoan 9:5 - Mutu (Oov)

⁵ Sawa to nanepneep izi taan, you taug to nanim ghazooŋa pa tamtoghon to taan.” Yo 1:4+, 5:17, 8:12, 12:35

Maaron Saveeŋ Tooni Patabuyaaŋ Tuam

⁵ Saawe tau nalepleep izi taan, yau taug ta namin ghazooŋa pa tamtamon to taan.” Yo 1:4+, 5:17, 8:12, 12:35

Yoan 9:5 Iomraidhean Croise

Matayu 5:14

Ve yam animale lam to taan. Pasa, yam apatooŋ ghazooŋa to Maaron pa tamtoghon. Iit tawatag: Ighaze ndug eta ineep izala ndug mbuŋa, nene irau iyooŋ maau. 2Kor 4:6; Ep 5:8

Lukas 2:32

Ye pale inim ghazooŋa pa yes to Yuda maau ne, ve ipaghazoŋan di payom. Ve igham tamtoghon tiom Israel izadi ivot inim tiina paam.” Is 42:6, 49:6; Mbaŋ 13:47, 26:23

Yoan 12:46

You nazi nanim taan pa nanim ghazooŋa pa tamtoghon. Leso tamtoghon tisob to tighur inim tiou, tineep ila ndoroom lolo muul sob. Yo 1:4, 8:12

Yoan 8:12

Yesu isaav ila pa ival tiina muul ighaze: “You taug to ghazooŋa to taan. Ighaze tamtoghon eta itaghon ghou, ye pale ilaagh ila ndoroom lolo muul maau. Ghazooŋa to Maaron pale ineep toni, ve igham nepooŋ poia inim tiou.” Mbo 27:1; Is 49:6; Lu 2:32; Yo 1:4+; 2Kor 4:6

Uraat To Yes Mbaŋooŋa 13:47

Pasa, Ŋgeu Tiina isaav ariaŋa payei ighaze: ‘You naghur ghom unum ghazooŋa pa yes ndug ndug to Yuda maau ne. Naghaze undaloov saveeŋ tiou ila pa tamtoghon irau taan dige to naol, leso tiwatag ataam to nagham mulin di.’ ” Is 42:6, 49:6; Lu 2:32

Uraat To Yes Mbaŋooŋa 26:18

Ve yom pale upaghazoŋan di payou. Leso titoor ŋgar todi, ve tighur muridi pa Sadan tapiri ve ŋgar samsamia to ndoroom, ve tiŋarua Maaron ve ghazooŋa toni. Ighaze tigham tovene, nene pale nareu sosor todi ilale. Ve sawa to Maaron irei mbeb popoia pa tamtoghon toni patabuaŋa, nene pale yes ledi ndamodi paam. Pasa, tighur inim tiou ve tinim ye le wa.’ Yo 8:12; Mbaŋ 2:38; Ep 1:18, 5:8; Kol 1:13

Uraat To Yes Mbaŋooŋa 26:23

Pasa muuŋ, tisaav tighaze Mesia pale iyamaan yabyabuuŋ ve imaat, ve imundig pa mateeŋ muuŋ. Ghoro ivotia ghazooŋa to Maaron pa tamtoghon. Yes Israela, ve ndug ndug to Yuda maau ne paam.” 1Kor 15:20,23; Kol 1:18

Epesus 5:14

Ve ghazooŋa toni isul di ve itoor di. Leso anadi tipatooŋ ghazooŋa toni. Pughu tonene to tisavsaav tighaze: “Yom to ugheen, umundig pa mateeŋ. Leso ghazooŋa to Krisi isul ghom.” Ro 13:11

Saveeŋ Yoŋgaaŋ 21:23

Ndug tonowen le uraat eta pa ndag ma kaiyo muul maau. Pasa, Maaron tau ŋguruba, tauto isul ndug ve ighami ighazooŋ. Ve Sipsip to Maaron to inim lam pani. Is 60:19+; Yo 1:4-5, 8:12; Syg 22:5