Yoan 8:12 - Mutu (Oov)

¹² Yesu isaav ila pa ival tiina muul ighaze: “You taug to ghazooŋa to taan. Ighaze tamtoghon eta itaghon ghou, ye pale ilaagh ila ndoroom lolo muul maau. Ghazooŋa to Maaron pale ineep toni, ve igham nepooŋ poia inim tiou.” Mbo 27:1; Is 49:6; Lu 2:32; Yo 1:4+; 2Kor 4:6

Maaron Saveeŋ Tooni Patabuyaaŋ Tuam

¹² Yesu isaav ila pa eval tiina muul ighe: “Yau taug ta ghazooŋa to taan. Isaav ighe tamtamon eta itaghon ghau, i aat ilaagh ila ndoroom loolo muul mako. Ghazooŋa to Maaron pale igheen tooni, ve igham lepoogh poia ilam tsiau.” Mbo 27:1; Is 49:6; Lu 2:32; Yo 1:4+; 2Kor 4:6

Yoan 8:12 Iomraidhean Croise

Matayu 5:14

Ve yam animale lam to taan. Pasa, yam apatooŋ ghazooŋa to Maaron pa tamtoghon. Iit tawatag: Ighaze ndug eta ineep izala ndug mbuŋa, nene irau iyooŋ maau. 2Kor 4:6; Ep 5:8

Lukas 2:32

Ye pale inim ghazooŋa pa yes to Yuda maau ne, ve ipaghazoŋan di payom. Ve igham tamtoghon tiom Israel izadi ivot inim tiina paam.” Is 42:6, 49:6; Mbaŋ 13:47, 26:23

Yoan 12:35

Yesu isaav padi muul ighaze: “Aazne, ghazooŋa to Maaron ineep toman gham. Eemoghon mala maau pale ipul gham. Tovenen sawa to ghazooŋa toni inepneep toman gham, alaghlaagh ila ghazooŋa tonowen lolo. Leso ndoroom ipoon gham sob. Tamtoghon to ighaze ilaghlaagh ila ndoroom lolo, nene pale ikankaan pa ndug sine to pale ila pani. Yo 8:12, 11:9+; Ep 5:8; 1Yo 1:7

Yoan 12:36

Tovenen sawa to ghazooŋa to Maaron inepneep toman gham, aghur ila toni pataghaaŋ. Leso anim tamtoghon to ghazooŋa.” Yesu isavia saveeŋ tonene le isob, ghoro ipul di, ve ila iyooŋ padi.

Yoan 12:46

You nazi nanim taan pa nanim ghazooŋa pa tamtoghon. Leso tamtoghon tisob to tighur inim tiou, tineep ila ndoroom lolo muul sob. Yo 1:4, 8:12

Yoan 14:6

Yesu ipamuul aliŋa ighaze: “You taug to ataam. You napatooŋ katin gham pa Maaron ve saveeŋ toni onoon, ve nanim pughu pa nepooŋ to mataad iyaryaar. Ataam ee moghon to tamtoghon titaghoni ve tila to Tamaŋ, nene you. Ite paam maau. Yo 10:9, 11:25; Ep 2:18; Hib 10:19+

Yoan 3:19

“Pughu to Maaron ighur atia pa tamtoghon, nene vene: Ghazooŋa toni izi inim taan wa. Eemoghon tamtoghon lolodi pani maau, ve tizuruni. Ve lolodi pa ŋgar to ndoroom moghon. Pasa, ŋgar isob to tighamgham di, nene samsamiadi moghon. Yo 1:4+, 8:12

Yoan 7:17

Ighaze tamtoghon eta ighaze itaghon Maaron lolo, ye pale ighilaal: Saveeŋ to you napatoot gham pani, nene inim pa Maaron, ma nasavia itaghon taug ŋgar tiou?

Yoan 9:5

Sawa to nanepneep izi taan, you taug to nanim ghazooŋa pa tamtoghon to taan.” Yo 1:4+, 5:17, 8:12, 12:35

Uraat To Yes Mbaŋooŋa 13:47

Pasa, Ŋgeu Tiina isaav ariaŋa payei ighaze: ‘You naghur ghom unum ghazooŋa pa yes ndug ndug to Yuda maau ne. Naghaze undaloov saveeŋ tiou ila pa tamtoghon irau taan dige to naol, leso tiwatag ataam to nagham mulin di.’ ” Is 42:6, 49:6; Lu 2:32

Uraat To Yes Mbaŋooŋa 26:23

Pasa muuŋ, tisaav tighaze Mesia pale iyamaan yabyabuuŋ ve imaat, ve imundig pa mateeŋ muuŋ. Ghoro ivotia ghazooŋa to Maaron pa tamtoghon. Yes Israela, ve ndug ndug to Yuda maau ne paam.” 1Kor 15:20,23; Kol 1:18

2 Petrus 2:17

Ndiran kaaromŋa tonanan, saveeŋ todi anoŋa maau. Yes tinimale taan saambu to muuŋ ya ivotvot pani, ve aazne imaak wa. Ve yes tinimale yaghur tae to taghita ve taghaze uman pale izi. Eemoghon maau. Yaghur iviviira ve ila. Ndiran tonanan, Maaron igharaat ledi inadi pataghaaŋ wa. Ndug tonowen, ndorooma tiina le tiina kat. Jud 12+

2 Petrus 2:4

Aghita. Yes aŋela to muuŋ tigham sosor, Maaron ighurghur di? Maau. Ye ipiyaav di tizila ndug samia to ndoroom lolo we, leso tineep tonowe ve tisaŋan sawa to ye iŋgabiiz di ve ighur atia padi. Jud 6; Syg 12:7+, 20:2+

1 Yoan 1:6

Tovenen ighaze tasaav taghaze itiŋa Maaron lupuuŋ toit ee moghon, ve laghooŋ toit, tataghon ŋgar to ndoroom, nene tataghon saveeŋ onoon maau. Tagham kaarom. 2Kor 6:14; 1Yo 2:11

Rau Tau Jud Iboode Jut--Jude 1:13

Yes tinimale dibom to ipuul, ve mbeluut toman muun iza. Pasa, tipapazaagh tamtoghon pa ghamuuŋ ŋgar samsamia naol to ighaze iit tagham di, nene pale mayaad. Eemoghon yes mayadi maau. Ve tinimale pitum to tiyel pa ataam todi. Ndiran tonanan, Maaron igharaat inadi pataghaaŋ wa. Leso tineep tonowe ila ndoroom tiina lolo itaghoni taghoni gha ila.

Rau Tau Jud Iboode Jut--Jude 1:6

Ve agham ŋgar pa yes aŋela to muuŋ kat tizoor Maaron aliŋa. Uraat to Maaron ighuri ila nimadi ve izadi pani, toman inadi to nepooŋ to ye igham padi, yes tirere pani ve tipuli. Tauto Maaron izurun di tighau pa inadi, ve ikau di pa ravraav ariaŋadi to pale tineep irau sawa isob, ve ighur di tineep ila ndoroom tiina lolo. Leso tineep tonowe ve tisaŋan sawa tiina to Mboŋ Muri, ghoro ye iŋgabiiz di ve ighur atia padi. 2Pe 2:4; Syg 20:10

Saveeŋ Yoŋgaaŋ 21:24

Tamtoghon to ndug ndug pale tilaagh ila ghazooŋa to ndug tonowen. Ve yes kinik to taan pale tilooŋ tila toman paitooŋ todi, ve tipait Maaron. Mbo 72:10+; Is 60:3+,11