Yoan 7:43 - Mutu (Oov)

⁴³ Tovenen ival tiina tonowen tigham ŋgar naol naol pa Yesu le tivalag taudi.

Maaron Saveeŋ Tooni Patabuyaaŋ Tuam

⁴³ Tauvene eval tiina tawe tigham ŋgar maata maata pa Yesu le tivalagh tauzi.

Yoan 7:43 Iomraidhean Croise

Matayu 10:35

You nanim pa nagham tamtoghon ndinatudi nditamoot toman nditamandi tineep saguan saguan pa taudi. Ve ndinatudi liva toman nditinandi, ve ndiliva toman ndirawadi liva tovene paam. Pale tineep saguan saguan pa taudi.

Lukas 12:51

Vena? Yam aghaze you nanim pa napasob malmal tisob to taan, ve nalup tamtoghon tinim ee moghon? Maau. You nasaav payam. You pale nanim pughu pa tamtoghon tivalag di, ve tineep saguan saguan pa taudi.

Yoan 10:19

Yes Yuda tilooŋ saveeŋ toni tonene, le tivalag di muul.

Yoan 7:12

Ve ival tiina tiwazoran di pani paam. Pida tighaze: “Ye ŋgeu poia.” Ve pida tighaze: “Maau, ye iwatombanon ival tiina le tiyel pa ataam to Maaron.”

Yoan 9:16

Ndiran tutuuŋa tonenen tilooŋ saveeŋ toni tonene, ve tamtoghon todi pida tisaav tighaze: “Iit tawatag: Ŋgeu tonowen, Maaron imbaaŋa inim maau. Pasa, ye itaghon tutuuŋ to umbom patabuaŋ maau.” Ve pida tighaze: “Maau. Ye ighamgham mbeb gharatooŋadi katindi to tipatooŋa tighaze Maaron ineep tomani pa uraat toni. Ighaze ye tamtoghon samia, nene irau igham mbeb tovene maau.” Tauto tivalag taudi.

Uraat To Yes Mbaŋooŋa 14:4

Tamtoghon to ndug tonowen tighita yesuru uraat todi, le tivalag taudi tinim ru. Pida titaghon yes Yuda, ve pida tila tivool to mbaŋooŋa ru tonenen. Lu 12:51+; Mbaŋ 28:25