Yoan 6:7 - Mutu (Oov)

⁷ Pilip ipamuul aliŋa ighaze: “Wai, ival ne ris? Ighaze taghol adi aniiŋ rita pa titatan atedi pani, nene yaam denari 200 iraua paam maau.”

Maaron Saveeŋ Tooni Patabuyaaŋ Tuam

⁷ Pilip iyol aliiŋa ighe: “Wai, ene eval tiina kat! Isaav ighe taghol lezi aniiŋ ŋgiira rigta to titatan atezi pani pa maet denari ndiŋndiŋ ru (200) pale irau?”

Yoan 6:7 Iomraidhean Croise

Matayu 18:28

“Mbesooŋa tonenen ivot ila pumuri, ve indeeŋ ita ite eez to mbesooŋa to kinik paam. Ita ite tonowen, ye igham bun tiina ris ila toni inimale denari tamoot liim (100). Ye iza to ita ite tonenen, ve nima ila igigin lua, ve isaav pani ighaze: ‘Ai, yom irau uyat bun tiom rikia moghon!’

Markus 6:37

Eemoghon Yesu isaav padi ighaze: “Maau. Yam taumim agham aniiŋ padi ve tighan.” Yes tipamuul aliŋa tighaze: “Wai, yom ughaze yei nila nighol aniiŋ pa ival tiina tonene? Ighaze nighol aniiŋ irau yaam denari 200, pale irau di wa?”

Yoan 1:43

Mboŋ ndugizau muul, ghoro Yesu mata iŋgal ighaze ila pa taan suruvu to Galilaia. Ilaagh ivot to ŋgeu eez, iza Pilip, ve isaav pani ighaze: “Yom unum utaghon ghou.”

Yoan 1:44

Pilip ndug toni, nene Betsaida. Pilip, Andreas, ve Simon, yes tol, ndug todi ee moghon.

Yoan 1:45

Ghoro Pilip ila ikaal ita ite Natanael le indeeŋa, ve isaav pani ighaze: “Ulooŋ. Ŋgeu to muuŋ Mose imbood saveeŋa ila tutuuŋ toni, ve propeta pida timbood saveeŋa paam, tauto aazne nighita wa! Ye iza Yesu. Ye ŋgeu to ndug Nasaret, ve tama iza Yosep.” Mt 2:23

Yoan 1:46

Eemoghon Natanael isaav pani ighaze: “Wai, mbeb poia eta irau ivot ila ndug Nasaret?” Pilip ipamuul aliŋa ighaze: “Unum tala, ve taum ughita pa matam!” Tovenen timundig ve tila.

Yoan 1:48

Tovenen Natanael ighason Yesu ighaze: “Yom uwatag ghou vena?” Yesu ipamuul ghasoniiŋ toni ighaze: “Pilip isavia ghou payom sone, ve you naghita ghom unepneep izi ai fik paroŋania.”

Yoan 12:5

“Wai, liva ne, iwaghamun ŋgoreeŋ tonene sorok pasa! Inimale tagholia, tone tagham yaam tiina pani, irau 300 denari ma venen. Leso tagham pa yes mbolaaŋa.”