Yoan 2:2 - Mutu (Oov)

² Ve tipoi Yesu toman taghoniiŋa toni pa tila pa vaiuuŋ tonenen paam.

Yoan 2:2 Iomraidhean Croise

Matayu 12:19

Ye ŋgeu luuma. Irau imboob aliŋa tiina, ve yesŋa tamtoghon tiwazoran di pa savsaveeŋ ne maau. Ve irau aliŋa iza ila maran maau.

Matayu 25:40

“Ve kinik pale ipamuul aliŋadi ighaze: ‘You nasaav payam kat tovene: Sa ŋgar poia to muuŋ yam agham pa nditazig, you naghita naghaze yam agham payou paam. Yes to izadi maau kat ne paam. Ighaze muuŋ auul todi eta, you naghita naghaze yam agham ŋgar tonenen payou paam.’ Mt 10:42; Mk 9:41; Hib 6:10

Matayu 25:45

“Ve kinik pale ipamuul aliŋadi ighaze: ‘You nasaav payam kat: Ighaze muuŋ, tamtoghon tiou eta to le iza maau kat inepneep, ve yam auuli maau, ve apul murimim pani, nene you naghita naghaze yam agham ŋgar tonenen payou paam.’ ”

Yoan 2:12

Ghanghaniiŋ to vaiuuŋ tonenen isob, ghoro Yesu yesŋa tina, nditazi, ve taghoniiŋa toni tizila pa ndug Kapernaum, ve tineep ris izi tonowe.

Yoan 2:17

Tovenen taghoniiŋa toni matadi iŋgal Maaron aliŋa waaro eez to timbooda. Isaav tovene: ‘Ŋgar tiou iyaryaaŋ naghaze le nagharaat mulin rumai tiom. Eemoghon inim pughu pa nambaad pataŋani tiina inimale yab ighan ghou.’ Mbo 69:9

Yoan 2:22

Tovenen muri, sawa to ye imundig pa mateeŋ, taghoniiŋa toni matadi iŋgal muul pa aliŋa to ye isavia ne, ve tighur ila saveeŋ tonenen. Ve tighur ila Maaron aliŋa to timbooda pataghaaŋ ne paam. Lu 24:8,27

Yoan 2:3

Marewaaŋ to vaiuuŋ tonenen ivot, ve tighanghan ve tighunghun ila le vaen isob. Tovenen Yesu tina isaav pani ighaze: “Ughita. Vaen todi isob wa.”

Yoan 3:22

Muri ghoro, Yesu toman taghoniiŋa toni tipul Yerusalem, ve tila tineep sawa pida izi taan suruvu to Yudea, ve tirurughuuz tamtoghon izi tonowe.

Yoan 4:33

Tovenen taghoniiŋa toni tiwasavon di tighaze: “Vena, tamtoghon eta igham a aniiŋ wa?”

Yoan 6:12

Tamtoghon tisob tighan le apodi isuŋ, ghoro Yesu isaav pa taghoniiŋa toni ighaze: “Yam ala aŋgoog avodi alulu to izi we. Takaria aniiŋ malep.” Tovenen tila tiŋgoog aniiŋ pida pida tonowen, ve tinonog di tila nakaral saaŋgul ve ru le tivon.

Yoan 6:16

Taghoniiŋa to Yesu tinepneep le rabrab izi, ghoro tizila pa naari,

Yoan 6:60

Tamtoghon katindi to titaghon Yesu, tilooŋ saveeŋ toni tonenen, le irau lolodi maau. Tovenen tiyou avodi pani tighaze: “Wai, saveeŋ tonene pataŋani kat! Sei pale ilooŋa ve ighur ila?” Eemoghon Yesu iwatag yes tiyou avodi pa aliŋa to ye isavia. Tovenen isaav padi ighaze: “Vena, yam arere ghou pa saveeŋ tiou tonene, tauto aghaze apul ghou ne?

Yoan 6:66

Yesu isavia saveeŋ tonene le isob, ghoro tamtoghon katindi to titaghoni, yes tipuli, ve tighau tila. Muri, tilaagh tomani muul maau.

Yoan 6:67

Tovenen Yesu ighason taghoniiŋa toni saaŋgul ve ru ighaze: “Vena, yam paam aghaze apul ghou ve aghau?”

Yoan 6:70

Tovenen Yesu ipamuul aliŋadi ighaze: “Yam saaŋgul ve ru tonene, you taug nisia gham anim leg. Eemoghon tamtoghon tiam eez, ye inim Ŋgeu Samia le wa.”

Yoan 6:71

Saveeŋ tonene, Yesu isavia iŋarua Yudas to Simon Iskariot natu. Onoon, taghoniiŋa toni saaŋgul ve ru, Yudas, ye todi eez. Eemoghon muri, ye ighur Yesu ila koia nimadi. Mt 26:14+

Yoan 6:8

Ghoro taghoniiŋa toni ite, iza Andreas (ye Simon Petrus tazi) isaav pa Yesu ighaze:

Yoan 7:3

Tovenen Yesu nditazi tisaav pani tighaze: “Upul ndug tonene, ve ula pa Yudea. Leso ndiran tiom pida to tinepneep tonowe paam tighita uraat to yom ughamgham di ne.

Uraat To Yes Mbaŋooŋa 11:26

Ndaman dodoli eez Banabas yesuru Saul tineep toman lupuuŋ to Krisi izi tonowe, ve tipatoot ival tiina pa Krisi saveeŋ toni. Yes Antioka to titaghon Krisi, tauto tamtoghon tipoi di tighaze ‘Kristen’ muuŋ. 1Pe 4:16

Uraat To Yes Mbaŋooŋa 11:29

Yes to titaghon Yesu tilooŋ saveeŋ tonenen, ve timbua saveeŋ tighaze tisaŋgoor ulaaŋ pida ila to yes toŋvetaz to Krisi to tineep izi Yudea we. Tighita sa mbeb to irau tigham padi, nene tighuri ila moghon. Ro 15:26; 1Kor 16:1; Ga 2:10

1 Korin 10:31

Tovenen ighaze yam aghan, ma aghun, ma agham sa ŋgar ite paam, nene poia. Eemoghon sa ŋgar to aghami, yam irau aghami pa apait Maaron iza. Kol 3:17; 1Pe 4:11

1 Korin 7:39

Ighaze liva vaivaiŋ eta azuwa ineep mata iyaryaar, liva tonenen irau irab motin vaiuuŋ todi maau. Ye irau ineep toman azuwa. Ve ighaze muri azuwa imaat, ve liva tonenen ighaze ivai muul, nene poia. Ye igham sosor eta maau. Eemoghon ivai sorok malep. Ye irau ighita le ŋgeu eta to ighur ila to Tiina toit, ghoro ivaii. Ro 7:2+; 2Kor 6:14

Kolosi 3:17

Saveeŋ tiam toman uraat tiam, ve sa ŋgar ite paam to ighaze aghami, yam irau aghami ila Tiina toit Yesu iza pa apaiti. Ve lolomim poia pa Tamaan Maaron paam, ve apaiti pa poia toni ila Yesu iza. 1Kor 10:31; 1Tes 5:18; Hib 13:15

Hibru 13:4

Yam asob irau aghita ŋgar to vaiuuŋ inimale mbeb tiina, ve matamim iŋgal taumim ndizwamim, ve aneep toman di moghon. Leso asami ila Maaron mata sob. Iit tawatag: Yes to matadi samia tinimale ŋgavuun, ve yes to tighurghur maat, Maaron pale ighur atia padi. 1Kor 6:9+; Syg 22:15

Saveeŋ Yoŋgaaŋ 3:20

Ughita. You nayoon ila ataam avo, ve napitpit ataam. Ighaze tamtoghon eta ilooŋ aliŋag ve ikaak ataam payou, you pale nalooŋ nala toni, ve yeru nilup ghei ve nighanghan. Yo 14:23