Yoan 18:4 - Mutu (Oov)

⁴ Ŋgar isob to pale ivot pani, Yesu iwatagi wa. Tovenen ipul oliv lolo tonowen, ve ilaagh ŋarua di ila, ve ighason di ighaze: “Yam akaal sei?”

Maaron Saveeŋ Tooni Patabuyaaŋ Tuam

⁴ Ŋgar isov tau pale ivot pani na, Yesu iwataghi wa. Tauvene ipul oliv loolo tawe, ve ilaagh ŋarui zi ila, ve ighason zi ighe: “Yam ail sei?”

Yoan 18:4 Iomraidhean Croise

Matayu 16:21

Sawa tonenen ve ila, Yesu isavsaav ghazooŋa pa taghoniiŋa toni ighaze ye pale ila pa Yerusalem, ve yes pooza, toman yes daba to watooŋrau, ve yes ŋgara to tutuuŋ tighur pataŋani naol pani toman yabyabuuŋ tiina, ve tirabi imaat itaghon Tama Maaron ŋgar toni. Eemoghon mboŋ inim tol, Maaron pale ipamundigini pa mateeŋ.

Matayu 26:2

“Yam awatag: Mboŋ ru isob, ghoro taza pa sawa to lupuuŋ tiina to Pasova. Ve Tamtoghon Natu, pale tighami ve tighuri ila koia nimadi itaghon Maaron ŋgar toni, leso tirabi izala ai pambarooŋ.” Igham 12:1+; Mt 20:18

Matayu 26:21

Yes tighanghan, ve Yesu isaav padi ighaze: “You nasaav payam kat. Yam tonene, tiam eta pale ighur ghou nala koiagŋa nimadi.”

Matayu 26:31

Yesu toman taghoniiŋa toni tila tivot lolooz Oliv, ghoro ye isaav padi ighaze: “Mboŋ aazne, yam asob pale atap pa ghurla tiam, ve apul murimim payou. Pasa, Maaron aliŋa to timbooda, isaav ighaze: ‘You pale narab ŋginiiŋa to sipsip, ve sipsip tiwaghaughau.’ Sek 13:7; Yo 16:32

Lukas 24:44

Ghoro Yesu isaav padi ighaze: “Matamim iŋgal aliŋag to muuŋ itiŋa tanepneep ve nasavia payam: Saveeŋ isob to timbooda iza tiou, nene pale ighur anoŋa ivot itaghon Maaron ŋgar toni. Saveeŋ to ineep ila Mose tutuuŋ toni, saveeŋ to yes propeta, ve saveeŋ to ineep ila mbouŋ to iit Israela paam.” Mbo 2, 16, 22, 69, 72, 110, 118

Yoan 13:1

Sawa to lupuuŋ tiina to Pasova igharau ighaze ivot. Yesu iwatag: Sawa toni to ipul taan, ve imuul izala pa Tama, nene inim igharau wa. Muuŋ ve inim, ye ighur lolo kat pa tamtoghon toni to tineep izi taan. Ŋgar tonowen, ye itaghoni ila ila le sawa to mateeŋ toni, ghoro ipatooŋa ivot ighazooŋ kat. 1Yo 3:16

Yoan 13:11

Yesu isavia saveeŋ tonene pasa, ŋgeu to ighaze ighuri ila koia nimadi, ye iwatagi wa. Tauto isaav padi ighaze: “Yam asob aŋgalaaŋ maau.”

Yoan 18:5

Yes tipamuul ghasoniiŋ toni tighaze: “Yei nikaal Yesu to Nasaret.” Yudas to ighur Yesu ila koia nimadi, ye paam iyondyood toman di. Yesu isaav padi ighaze: “You Taug To Nanepneep.”

Yoan 18:7

Ghoro Yesu ighason di muul ighaze: “Yam akaal sei?” Ve yes tighaze: “Yei nikaal Yesu to Nasaret.”

Yoan 19:28

Yesu isavsaav pa tina ve taghoniiŋa toni tonenen le isob, ghoro iwatag ighaze ye ipasob uraat toni isob wa. Tovenen isaav ighaze: “You murun ghou!” Saveeŋ tonene, ye isavia leso Maaron aliŋa to timbooda ne anoŋa ivot.

Yoan 6:64

Eemoghon tamtoghon pida to tineep ila lolomim, tighur ila maau.” Yesu isavia saveeŋ tonene pasa, sawa to ye ipamundigin uraat toni ve inim, ye iwatag yes to tighur ila toni maau. Ve ŋgeu to muri ighuri ila koia nimadi ne paam, Yesu iwatagi.

Uraat To Yes Mbaŋooŋa 2:28

Yom upatooŋ ghou pa ataam to nepooŋ poia. Ighaze naneep toman ghom, yom pale ugham ghou lolog poia le poia kat.’ Mbo 16:8+

1 Petrus 4:1

Tovenen sawa to Krisi ineep izi taan, ye imbaad pataŋani ve iyamaan yabyabuuŋ ila tini, leso iuul ghiit. Yam tovene paam. Agharaat gham ve asaŋan pa badooŋ pataŋani. Leso ataghon ŋgar to Krisi tonowen. Pasa, tamtoghon to ighaze imbaad pataŋani pa Krisi iza ve iyamaan yabyabuuŋ ila tini, ye isob pa ŋgar samia wa. Tovenen sawa to ye ineep izi taan, ŋgar to lolo muŋgina irau igham pooz pani muul maau. Ye pale itaghon Maaron lolo. Ro 6:2+; 2Kor 5:15; Ga 5:24; 1Pe 2:21