Yoan 1:6 - Mutu (Oov)

⁶ Maaron imbaaŋ ŋgeu eez inim, iza Yoan.

Maaron Saveeŋ Tooni Patabuyaaŋ Tuam

⁶ Maaron imbaaŋ ŋeer ee ilam, eeza Yoan.

Yoan 1:6 Iomraidhean Croise

Matayu 11:10

Ye ŋgeu to muuŋ timbood saveeŋ iŋarua tighaze: ‘Ulooŋ. You pale nambaaŋ mbesooŋa tiou eez imuuŋ payom. Ye pale ivotia aliŋag pa tamtoghon, ve igharaat ataam payom.’ Mal 3:1; Mk 1:2

Matayu 21:25

Yo, asaav payou. Yoan to muuŋ irurughuuz tamtoghon, uraat toni pughu vena? Ye itaghon ŋgar to ndug sambam pa uraat toni, ma itaghon ŋgar to tamtoghon?” Yes tipamuul aliŋa rikia maau. Tiwasavon di tighaze: “Wai, pale tasaav vena? Ighaze tasaav taghaze: ‘Yoan itaghon ŋgar to ndug sambam,’ ye pale isaav pait: ‘Ighaze venen, pughu vena to yam aghur ila saveeŋ toni maau?’

Lukas 1:13

Eemoghon aŋela isaav pani ighaze: “Sakaria, umatughez malep. Suŋuuŋ tiom, Maaron ilooŋa wa. Azuwam Elisabet pale apo ve ipoop tamoot. Pain tonowen, yom uwaat iza Yoan.

Lukas 1:76

Ghoro Sakaria isaav pa natu ighaze: “Natug, yom pale tiwaat ghom tighaze propet to Maaron Tiina To Ilib Pa Ndimaronŋa Tisob. Pasa, yom pale umuuŋ pa Ŋgeu Tiina, ve ugharaat ataam pani. Is 40:3; Mal 3:1; Mt 3:3, 11:9

Yoan 1:33

Muuŋ, you paam naghilaala maau. Eemoghon Ŋgeu to imbaaŋ ghou nanim pa narughuuz tamtoghon, ye isaav payou ighaze: ‘Sawa eta, yom pale ughita Avuvu Patabuaŋ izi inim, ve ineep ila to ŋgeu eta. Ŋgeu tonenen, to pale irei Avuvu Patabuaŋ pa tamtoghon.’ Mk 1:8; Yo 14:16; Mbaŋ 2:1+

Yoan 3:28

Muuŋ, itiŋa tanepneep, ve yam taumim alooŋ ghou nasaav naghaze: ‘You Mesia maau. Maaron imbaaŋ ghou namuuŋ nanim pa nagharaat ataam pani moghon.’ ” Yo 1:20,23

Uraat To Yes Mbaŋooŋa 13:24

Yesu ipamundigin uraat toni sone, ve Yoan ŋgeu rughuzaaŋa imuuŋ pani, ve ivovotia saveeŋ pa yes Israela ighaze tisob tipul ŋgar todi samsamiadi, ve titoor ŋgar todi ila pa Maaron, ve tigham ya. Lu 3:3