Yoan 1:49 - Mutu (Oov)

⁴⁹ Natanael ilooŋ saveeŋ tonene, ve ighaze: “Rabi, yom Maaron Natu. Yom moghon to kinik to Israel.” Mt 2:2, 16:16, 27:42; Yo 12:13

Maaron Saveeŋ Tooni Patabuyaaŋ Tuam

⁴⁹ Natanael ilooŋ saveeŋ tane, ve ighe: “Rabi, yo Maaron Naatu. Yo mon ta kinik to Israel.” Mt 2:2, 16:16, 27:42; Yo 12:13

Yoan 1:49 Iomraidhean Croise

Matayu 14:33

Tovenen nditadi to tineep waaŋ pogho, tiput aghedi pa Yesu ve tipaiti tighaze: “Onoon kat, yom Maaron Natu!” Mt 16:16

Matayu 2:2

Yes tila tivot Yerusalem, ve tighason tighaze: “Kinik to yes Yuda to tina ipoopa aazne, ineep sine? Pasa, yei nineep izi ndug tiei to ndag iza we, ve nighita pitum paghu eez to inim ghilalooŋ payei pani. Tauto ninim nighaze nighita, ve niput aghemai pani, ve nipakuri.” Nam 24:17

Matayu 21:5

“Asaav pa tamtoghon to Zion aghaze: ‘Aghita kinik tiam to ilat. Ye ŋgeu luuma, ve itatan tau iza. Tauto mbole izala esele ve ilat. Mbole izala esele paghu eez ve ilat.’ ” Is 62:11; Sek 9:9

Matayu 23:7

Ve ighaze tilaagh ila maran ate, yes tighaze le tamtoghon tighita di ve tisavia saveeŋ popoia padi inimale pakuruuŋ di, ve tipoi di tighaze ‘Rabi’ (o ‘Patoŋaaŋ’).

Matayu 23:8

“Eemoghon yam to ataghon ghou ne, tamtoghon tipoi gham tighaze ‘Patoŋaaŋ’ malep. Pasa, patoŋaaŋ tiam ee moghon kat, nene you. Tovenen yam awaghiton gham aghaze yam raratemim moghon. Pasa, yam asob anim toŋvetaz.

Matayu 27:11

Yes Yuda tigham Yesu ila, ve tipayoonda ila Piladus to gavana to Yudea ne mata, ghoro Piladus ighasoni ighaze: “Vena, yom kinik to yes Yuda?” Yesu ipamuul aliŋa ighaze: “Nanan taum saveeŋ tiom.”

Matayu 27:42

“Ye iuluul tamtoghon naol. Irau iuul tau maau? Ve ighaze ye kinik to iit Israela. Poia. Ighaze ipul ai pambarooŋ toni, ve izi inim taan, ghoro taghur ila toni. Yo 1:49, 12:13

Matayu 4:3

Ghoro Ŋgeu To Watiiŋ ivot toni, ve isaav pani ighaze: “Laak, ighaze yom Maaron Natu, ghoro usaav pa yaam tonene, ve tinim am aniiŋ.”

Markus 15:32

Ye ighaze ye Mesia ve kinik to iit Israela. Poia. Taneep ve taghita. Ighaze ipul ai pambarooŋ toni ve izi inim taan, ghoro taghur ila toni!” Ndiran ru to tirab di tizala ai pambarooŋ igharau Yesu, yesuru paam tisavia saveeŋ velegiiŋ naol pani.

Lukas 1:35

Aŋela ipamuul aliŋa ighaze: “Avuvu Patabuaŋ toman Maaron Tiina To Ilib Pa Ndimaronŋa Tisob Ne tapiri pale iza tiom. Tovenen pain to yom upoopa, ye pale patabuaŋ, ve tiwaata tighaze ‘Maaron Natu.’ Mt 1:18+; Mk 15:39

Lukas 19:38

“Ŋgeu tonene, ye kinik to inim pa Ŋgeu Tiina iza. Poia to Maaron pale iza toni, ve ipaloti! Mbo 118:26 Aazne, ŋgar luuma ivot, ve koi ineep ila itiŋa Maaron to sambam sosood muul maau. Tapait Maaron to ineep sala le sala kat ne iza pa tapiri ve poia toni.” Lu 2:14; Ro 5:1; Ep 2:14

Yoan 1:18

Tamtoghon eta to taan ighita katin Maaron nagho pa eta sone. Natu moghon to ipatooŋ Maaron nagho ve ŋgar toni pait. Pasa, ye Maaron, ve ineep Tama dige, ve Tama lolo ineep toni kat.

Yoan 1:34

Ve alooŋ. You naghita katin mbeb tonenen pa taug matag wa. Tauto nasaav ghazooŋa payam. You naghur ila naghaze ŋgeu tonene ye Maaron tau Natu.” Mt 3:17

Yoan 1:38

Yesu mata imuul, ve ighita di titaghoni tinim. Tovenen ighason di ighaze: “Yamru akaal sa?” Yesuru tipamuul aliŋa tighaze: “Rabi, yom unepneep sine?” (Saveeŋ ‘Rabi,’ pughu tovene: ‘Patoŋaaŋ.’)

Yoan 1:50

Yesu ipamuul aliŋa ighaze: “Natanael, vena? Saveeŋ tiou to naghaze naghita ghom uneep izi ai fik paroŋania, tauto igham ghom ughur inim tiou ne? Ulooŋ. Muri, yom pale ughita mbeb tintina pida to tilib pa mbeb tonene.”

Yoan 18:37

Piladus ilooŋ saveeŋ toni, ve ighasoni muul ighaze: “Ighaze venen, yom kinik tou?” Yesu ipamuul aliŋa ighaze: “Saveeŋ tauto taum usavia ne. [Eemoghon you kinik inimale yom ugham ŋgar pani ne maau.] You nazi nanim taan pa napariaaŋ tamtoghon leso tighur ila saveeŋ onoon. Tinaŋ ipoop ghou pa pughu tonene. Tovenen tamtoghon tisob to tighaze titaghon saveeŋ onoon, nene pale tilooŋ aliŋag ve titaghoni.” Yo 8:47

Yoan 4:31

Sawa to liva tonenen ipul Yesu ve imuul ila pa paanu, taghoniiŋa toni tisaav pa Yesu tighaze: “Patoŋaaŋ, ugham am aniiŋ eta ughan.”