Saveeŋ Yoŋgaaŋ 7:2 - Mutu (Oov)

^2-3 Ve naghita aŋela ite ineep pa ndag iza, ve iza. Ye ikis mbeb to mboom to Maaron mata yaryaara ineep ila, ve isaav aliŋa tiina ila pa aŋela paaŋ tonowen ighaze: “Awaghamun taan toman te ve ai rikia malep. Asaŋan ris, ve nighur Maaron toit mboom toni ila yes mbesooŋa toni ndamodi le isob o.” Ye isaav tovene pasa, Maaron igham aŋela paaŋ tonowen ledi tapiridi pa tiwaghamun taan ve te. Ezek 9:4+; Syg 9:4, 14:1, 22:4

Maaron Saveeŋ Tooni Patabuyaaŋ Tuam

^2-3 Ve naghita aŋela ite ileep aaz puughu ve izaa. I ikis gabua tau Maaron maata yaryaare mboom tooni igheen ila na, ve isaav aliiŋa tiina ila pa aŋela paaŋ tawe ighe: “Avaghamunia taan tomania te ve ai rekia sov. Asaŋan rig, ve nighur mboom to Maaron toit ila yes besooŋa tooni ndamozi imin ilaal pazi le isov o.” I isaav tauvene pasaa, Maaron igham aŋela paaŋ tawe lezi tapirizi to tivaghamunia taan ve te. Ezek 9:4+; Syg 9:4, 14:1, 22:4

Saveeŋ Yoŋgaaŋ 7:2 Iomraidhean Croise

Matayu 16:16

Simon Petrus ipamuul aliŋa ighaze: “Yom Mesia, ve yom Maaron mata yaryaara tau Natu.” Yo 6:69

Matayu 26:63

Eemoghon Yesu isavia saveeŋ eta maau. Neneeŋa moghon. Tovenen daba to watooŋrau isaav pani muul ighaze: “You nasaav payom ila Maaron mata yaryaara iza: Yom irau usaav ghazooŋa payei. Yom Mesia ve Maaron Natu?” Is 53:7; Mt 27:12

Yoan 6:27

Alooŋ, aniiŋ to isami rikrikia, yam arab taumim pani malep. Yam irau azuaria gham pa aniiŋ to pale igham gham aneep matamim iyaryaar le alok. Aniiŋ tonowen, Tamtoghon Natu irau igham payam. Pasa, Tama Maaron igham mbeb gharatooŋa inim ghilalooŋ pani, tauto ipatooŋa ighaze ye iza pa ghamuuŋ uraat tovene.” Is 55:2; Mt 4:4

Epesus 1:13

Ve yam paam. Sawa to alooŋ saveeŋ onoon to varu poia ve aghur ila, yamŋa Krisi alup gham anim ee moghon. Pasa, saveeŋ tonowen ipaghazoŋan gham pa ataam to Maaron igham mulin gham ila uraat to Krisi. Ve Krisi ndamo payam, tauto Maaron igham Avuvu Patabuaŋ payam itaghon saveeŋ mbuaaŋ toni. Avuvu tonowen, tauto inim ghilalooŋ payam ighaze yam tamtoghon toni. Yo 14:16+; Ga 3:14; Ep 4:30; Syg 7:3

Epesus 4:30

Ve agham Avuvu Patabuaŋ to Maaron lolo ipataŋan malep. Pasa, ye to inim ghilalooŋ payam ighaze yam anim Maaron le wa. Ighaze ye ineep ila lolomim, yam awatag: Sawa to Krisi imuul inim, ye pale igham mulin gham, ve aneep pooi. 2Kor 1:22; Ep 1:13+; 1Tes 5:19

1 Tesalonika 1:9

Tovenen ival tiina tisasavia varumim tighaze sawa to nilat ve nineep toman gham, yam alooŋ saveeŋ tiei, ve apul murimim pa maaron kaaromŋa, leso ambees pa Maaron tau. Ye Maaron to ineep mata iyaryaar irau sawa isob. Mbaŋ 14:15

2 Timoti 2:19

Eemoghon Maaron ipayoon lupuuŋ toni izala gungun ariaŋa eez, ve imbood saveeŋ waaro ru izala. Eez isaav tovene: “Maaron iwatag tamtoghon toni.” Ve ite isaav ighaze: “Tamtoghon tisob to tivotia Yesu iza tighaze ye Tiina todi, nene yes irau tipul muridi pa ŋgar samia, ve tineep saguan pani.” Saveeŋ ru tonene tinim ghilalooŋ pa tamtoghon to Maaron. Yo 10:14,27

Hibru 12:22

Eemoghon yam, aazne anim avot ndug tovene maau. Krisi igham gham anim avot lolooz Zion wa. Nene Yerusalem to sambam, ndug tiina to Maaron mata yaryaara. Aŋela ndiŋndiŋ ndiŋndiŋ tiluplup di tonowe toman tinidi iza. Ga 4:26; Pil 3:20; Syg 21:2

Saveeŋ Yoŋgaaŋ 1:3

Saveeŋ to nambooda ila rau tonene, nene Maaron tau aliŋa to iŋarua ghiit. Sei to ighaze iwaata pa tamtoghon, nene pale poia to Maaron iza toni. Ve yes to tilooŋa ve titaghoni ne paam, poia to Maaron pale iza todi. Pasa, sawa to saveeŋ tonene anoŋa ivot, nene inim igharau wa. Lu 11:28; Syg 22:7,10

Saveeŋ Yoŋgaaŋ 10:1

Ghoro matag ila le naghita aŋela ariaŋa ite to ineep sambam ve izi inim. Yaghur tae ikaui inim nonogiiŋa toni, ve maalraŋgo ineep izala daba pogho. Nagho isul inimale ndag. Ve aghe ru, nene tinimale gungun tintina to yab ighanghan ila. Ezek 1:28; Mt 17:2; Syg 1:15+

Saveeŋ Yoŋgaaŋ 10:4

Mbeb tonenen isob, ve naghaze nambood saveeŋ tonowen ila rau. Eemoghon nalooŋ saveeŋ ineep sambam ve izi inim ighaze: “Saveeŋ to ivot toman lalaav avolutu ve ulooŋa, umbooda malep. Ineep inim ŋgozaaŋ.” Dan 8:26, 12:4,9

Saveeŋ Yoŋgaaŋ 16:12

Ghoro aŋela ite inim liim ve eez, ana igham oon toni, ve ila iliŋ mbalmbali to Maaron iŋarua ya tiina Euprates, le imaak ve imamaas. Leso igharaat ataam pa yes kinik to ndag iza tinim. Syg 9:14

Saveeŋ Yoŋgaaŋ 5:2

Ve naghita aŋela eez to tapiri tiina imboob aliŋa tiina ighaze: “Sei to poia kat irau to iwalab bagil pa rau tonowen, ve iraava?”

Saveeŋ Yoŋgaaŋ 8:3

Ghoro aŋela ite ila iyoon igharau artaal. Artaal tonowen, tigharaata pa gol, ve iyoon ila Maaron ina to ghamuuŋ pooz nagho. Aŋela tonowen ikis oon eez to tigharaata pa gol, ve tigham le naunauŋ tiina to vuzi poia. Leso ilupi toman suŋuuŋ to Maaron tamtoghon toni patabuaŋa, ve igham watooŋrau pani izala artaal tonowen.

Saveeŋ Yoŋgaaŋ 9:14

Ye isaav pa aŋela tonenen ighaze: “Aŋela paaŋ to timbit di ve tineep ila ya tiina Euprates dige, upool ravraav padi ve tila. Pasa sawa todi, tauto ivot wa.” Syg 16:12

Saveeŋ Yoŋgaaŋ 9:4

Ve tiŋgalsekin di tighaze: Yes irau tiwaghamun kikiliiŋ, ai, ma mbeb ite paam to itub izi taan ne maau. Yes to Maaron mboom toni ineep ila ndamodi maau, yes moghon to isis tonowen pale tiwaghamun di. Syg 7:3