Saveeŋ Yoŋgaaŋ 3:15 - Mutu (Oov)

¹⁵ ‘Ŋgar ve uraat to yom ughamgham di, you nawatag di tisob. Yom unumale ya to ituntun kat maau, ve iyauŋ kat maau. You naghaze yom uneep ila ŋgar ru tonene eta, ghoro poia!

Maaron Saveeŋ Tooni Patabuyaaŋ Tuam

¹⁵ ‘Ŋgar ve uraat tau yo ughamgham zi na, yau nawatagh zi tisov. Yo umin yaa tau ituntun geeg mako, ve iyauŋ geeg mako. Yau naghe yo uleep ila ŋgar ru tane eta, o poi!

Saveeŋ Yoŋgaaŋ 3:15 Iomraidhean Croise

Matayu 10:37

“Ighaze tamtoghon eta lolo pa tama ma tina ilib payou, nene ye poia irau to inim leg maau. Ve ighaze ŋgeu eta lolo pa ndinatu ilib payou, nene ye paam poia irau to inim leg maau.

Matayu 24:12

Ŋgar samia pale ivot inim tiina. Tovenen tamtoghon naol pale tighur muridi pa Maaron. Ve ŋgar to taghur lolood pa Maaron ve tamtoghon, nene pale izi izi le isob. 2Tim 3:1+; Syg 2:4

Matayu 6:24

“Ŋgeu eta irau imbees pa daba ru maau. Pale ighur lolo pa eez, ve lolo ineep toni kat. Ve ite, nene pale ighur lolo pani kat maau, ve mata izi pani. Tovenen yam irau ambees pooi pa Maaron toman mbaliiŋ to taan maau.” 2Kor 6:15+; Yems 4:4

Rau Tau Paulus Iboode Pa Yes Roma Rom--Romans 12:11

Uraat to agham pa Ŋgeu Tiina, matamim mormoria pani malep. Apul Avuvu Patabuaŋ ipamundigin gham, leso matamim kaviaaŋa pa mbesooŋ tiam, ve aghami toman lolomim. 1Tes 5:19

1 Korin 16:22

Ighaze tamtoghon eta lolo pa Tiina toit maau, nene pale mbalmbali to Maaron iza toni. O Tiina tiei, unum lak!

2 Korin 12:20

Eemoghon you namatughez: Sawa to ighaze nalat, pale naghita ŋgar tiam le irau lolog maau. Ve ighaze tovene, nene pale nayaan gham, ve nagham ŋgar to irau lolomim maau. Pasa, matag iŋgal naghaze sawa to nalat, you pale naghita gham aghamgham ŋgar samsamia naol tovene: Awazoran gham, ve avalag gham aneep lemim lemim, ve ŋgar tiam iyaryaaŋ aghaze atatan nditamim ve agham di titaghon ŋgar tiam moghon. Ve atemim yabyab, agham ŋgar pa taumim moghon, aŋgalŋgal saveeŋ pa nditamim, anin avomim padi, apapait taumim izamim, ve aghamgham ŋgar samsamia pida paam to tireureu lupuuŋ tiam. 1Kor 4:21; 2Kor 10:2

Pilipai 1:9

Suŋuuŋ tiou iŋarua Maaron irau sawa isob naghaze ye tau ipalot gham, leso ŋgar to lolood pani ve lolood pa tamtoghon ivot inim tiina ila lolomim. Ve naghaze ye tau ipaghazoŋan gham. Leso awatagi kat, ve aghazooŋ pa ŋgar toni, Ep 1:17+; 1Tes 3:12

2 Tesalonika 1:3

Yam toŋvetaz, sawa isob, yei lolomai poia pa Maaron ve nipaiti payam. Ve ighaze nigham tovene, nene deŋia. Pasa, ghurla tiam ivot le ighaze iyaryaaŋ tonene. Ve ŋgar to lolomim pa taumim ve agham poian taumim, tovene paam. Nene ivotvot inim tiina ila lolomim, le yam asob ataghoni kat. 2Tes 2:13

Yakobus 1:8

Pasa, ŋgar toni ru. Ye itaghon ataam ee moghon maau. Tauto iwaghamgham. Mk 11:24

1 Petrus 1:22

Aazne, yam aghur ila saveeŋ onoon to varu poia ve ataghoni, tauto aŋgalaaŋ ila Maaron mata wa. Tovenen lolomim pa toŋvetaz tiam to Krisi ve aghamgham poian di. Eemoghon yam irau azuaria gham le aghur lolomim padi kat. Yo 13:34+; Ro 12:9+; 1Tim 1:5; 1Yo 3:18

Saveeŋ Yoŋgaaŋ 2:2

‘Ŋgar ve uraat naol to yom ughamgham di, you nawatag di tisob. Yom urab taum pa uraat tiou, ve uyoon ariaŋa pa badooŋ pataŋani. Ve yes to tighamgham ŋgar samia, yom ughurghur di maau. Ve yes to titoom tighaze yes mbaŋooŋa to Krisi, yom uŋgabiiz katin di, ve ughilaal di ughaze yes ndiran to kaarom. 2Kor 11:13; 1Yo 4:1

Saveeŋ Yoŋgaaŋ 2:4

‘Eemoghon mbeb eez, to you narere ghom pani. Sawa to ughur inim tiou muuŋ, lolom payou kat. Eemoghon aazne, lolom payou kat maau.

Saveeŋ Yoŋgaaŋ 3:1

“Aŋela to iŋgin lupuuŋ tiou to tineep izi ndug Sardis, umbood saveeŋ ila pani tovene: ‘Ŋgeu to Maaron Avuvu liim ve ru tineep tomani, ve ikis pitum liim ve ru, aliŋa ilat payom ighaze: Syg 1:4,16 ‘Ŋgar ve uraat to yom ughamgham di, you nawatag di tisob. Tamtoghon tipait ghom toman lupuuŋ tiom tighaze nepooŋ tiam to anunumim, nene iyaryaaŋ kat. Eemoghon you naghita ghurla tiam, nene imaat wa.

Saveeŋ Yoŋgaaŋ 3:16

Eemoghon maau. Yom uneep bodbodaaŋ unumale ya to ituntun kat maau, ve iyauŋ kat maau. Tovenen ugham ghou ateg inaunau, ve rismoghon tone naluar ghom uvot pa avog.