Saveeŋ Yoŋgaaŋ 22:20 - Mutu (Oov)

²⁰ Tovenen ŋgeu to ivotia mbeb naol tonene ve ipariaaŋ saveeŋa, ye isaav ighaze: “Onoon kat, mala maau pale nanim.” Nene onoon. Yesu, Tiina tiei, unum lak! 1Kor 16:22

Maaron Saveeŋ Tooni Patabuyaaŋ Tuam

²⁰ Tauvene ŋeer tau ivotia gabua naol tane ve ipariaaŋ saveeŋa na isaav ighe: “Onoon kat, malau mako pale nalam.” Ene onoon. Yesu, Tiina tsiei, ulam lak! 1Kor 16:22

Saveeŋ Yoŋgaaŋ 22:20 Iomraidhean Croise

Yoan 21:25

Yesu igham uraat katindi. Eemoghon timbood di tisob tila rau maau. Timbood eŋaeŋa moghon. Ve inimale timbood uraat toni tisob tila rau, tone rau tonenen tivot tinim katindi kat le tipavonin taan isob, ve pida ledi inadi maau! Yo 20:30

1 Korin 16:22

Ighaze tamtoghon eta lolo pa Tiina toit maau, nene pale mbalmbali to Maaron iza toni. O Tiina tiei, unum lak!

2 Timoti 4:8

Tovenen atia poia to yes to tiparab ariaŋa le tilib, tauto isasaŋan ghou. Atia tonowen, nene vene: Sawa to Mboŋ Muri, Tiina toit to gabizooŋ toni deŋia moghon, ye pale ighita ghou ighaze you ŋgeu deŋiag. Ve you moghon maau. Tamtoghon tisob to lolodi pani, ve tighaze le tighita mulaaŋ toni, nene ye pale igham ŋgar raraate moghon padi. Yems 1:12; 1Pe 5:4; Syg 2:10

Hibru 10:37

Pasa, Maaron saveeŋ toni isaav tovene: “Ŋgeu to ighaze inim ne, mala maau pale inim. Irau izuar maau.

Hibru 9:28

Krisi tovene paam. Ye iyokia tau ve imaat inim watooŋrau pa ee moghon, ve isob. Ye imbaad pataŋani tiina pa ireu sosor to tamtoghon katindi. Ve muri, ye pale imuul izi inim. Sawa tonenen, ye irau igham uraat muul pa rewaaŋ sosor to tamtoghon maau. Ye pale inim pa igham mulin yes to tighur matadi pani ve tisasaŋani. Mt 26:28; Ro 6:10; Pil 3:20; Tit 2:13

Saveeŋ Yoŋgaaŋ 1:18

You naneep matag iyaryaar irau sawa isob. Muuŋ, you namaat. Eemoghon ughita. Aazne, naneep matag iyaryaar. Ve you pale naneep tovene le alok. You to naŋgin mateeŋ ve ndug to yes mateeŋa.

Saveeŋ Yoŋgaaŋ 1:2

Mbeb naol to rau tonene isavia di ne, taug naghita di pa matag. Tauto napariaaŋ saveeŋa naghaze nene saveeŋ onoon to Maaron to ipariaaŋ tamtoghon pa tighur ila to Yesu Krisi. Dan 2:28+; Syg 22:16

Saveeŋ Yoŋgaaŋ 2:16

Tovenen utoor ŋgar tiom. Ighaze maau, you pale nalat tiom rikia moghon, ve naparab toman ndiran tonanan pa buza to ineep ila avog ne. Syg 1:16, 19:15,21

Saveeŋ Yoŋgaaŋ 22:10

Ghoro isaav payou muul ighaze: “Maaron aliŋa to ineep ila rau tonanan, uŋgooza malep. Pasa, sawa to saveeŋ anoŋa ivot, nene inim igharau wa. Syg 1:3

Saveeŋ Yoŋgaaŋ 22:12

“Alooŋ. Mala maau pale nanim ve naghur atia pa tamtoghon tisob itaghon ŋgar todi todi. Mt 16:27; Ro 2:6, 14:12

Saveeŋ Yoŋgaaŋ 22:18

Tamtoghon tisob to tilooŋ Maaron aliŋa to ineep ila rau tonene, you avog iyaryaaŋ padi tovene: Ighaze tamtoghon eta iseeŋ saveeŋ ite paam ila toman Maaron aliŋa tonene, Maaron pale ighur pataŋani to rau tonene isavia di tiza toni. Lo 4:2, 12:32

Saveeŋ Yoŋgaaŋ 22:7

“Ve ulooŋ. Yesu aliŋa ilat payom ighaze: ‘Mala maau you pale nanim.’ Tamtoghon to ighaze mata kisin Maaron aliŋa to ineep ila rau tonanan ve itaghoni, ye pale tini iza pa poia to Maaron to pale iza toni.” Syg 3:11