Saveeŋ Yoŋgaaŋ 22:15 - Mutu (Oov)

¹⁵ Eemoghon yes to matadi samia tinimale ŋgavuun, ve yes mura, yes to tighur maat, yes to tirab tamtoghon timaat, yes to timbesmbees pa maaron kaaromŋa, toman tamtoghon tisob to lolodi pa ŋgar to kaarom ve tighamgham kaarom, yes irau tilooŋ tila ndug tonene maau. Pale tineep pumuri. 1Kor 6:9; Ga 5:19+; Syg 21:8

Maaron Saveeŋ Tooni Patabuyaaŋ Tuam

¹⁵ Eemon yes tau matazi saghati imin ŋgavuun, ve yes mura, yes tau tighur boog, yes tau tirav tamtamon timaat, yes tau tibesbees pa maaron karomŋa, tomania tamtamon tisov tau lolozi pa ŋgar to karom ve tighamgham karom na, yes irau tiloŋ tila nugh tane mako. Pale tileep muuri. 1Kor 6:9; Ga 5:19+; Syg 21:8

Saveeŋ Yoŋgaaŋ 22:15 Iomraidhean Croise

Matayu 7:6

“Apiyaav sorokin mbeb patabuaŋ ila pa ŋgavuun malep. Pasa, yes pale titoor di muul, ve tighan gham. Mbaliiŋ tau to sambam to Maaron igham payam ne, tovene paam. Apiyaav sorokini ila pa ŋgai malep. Pasa, yes pale tivazagi inimale mbeb sorok.” Mt 10:11

Matayu 8:12

Eemoghon tamtoghon katindi to Maaron ipoi di muuŋ pa tineep ila pooz toni lolo, nene pale tindiir di tila tineep ndoroom lolo, ve yabyabuuŋ tiina igham di, ve tiyakyak toman livodi kikikia, ve tinepneep.” Mt 22:13, 25:30; Lu 13:28

Yoan 8:46

Ma vena? Ighaze tiam eta ighita ghou nagham sosor eta, ghoro ivotia lak! Ve ighaze leg sosor eta maau, ve nasasavia saveeŋ onoon moghon payam, pughu vena to aghur ila saveeŋ tiou maau? Hib 4:15; 1Pe 2:22; 1Yo 3:5

Uraat To Yes Mbaŋooŋa 8:11

Pasa, mur to moghon moghon ye ighamghami, tamtoghon tighita le avodi ikaak. Tauto tighurghur taliŋadi pa saveeŋ toni irau sawa isob.

Pilipai 3:2

Apatum gham pa yes to tiyaryaaŋ pa ŋgar to zirooŋ tamtoghon toman ŋgar pida to yes Yuda. Ndiran tovene, yes tinimale ŋgavuun sagsag. Uraat samia to tighamghami, nene iŋgalaaŋ ila Maaron mata maau. Ve ŋgar to tisasavia, nene kaarom. Yes tiwaghorotin tamtoghon ve tiwaghamun ulidi sorok. Tovenen apatum gham padi. Ga 5:2,6

Kolosi 3:6

Alooŋ. Yes to tizorzoor Maaron aliŋa ve tinoknok ghamuuŋ ŋgar samsamia tovene, mbalmbali to Maaron pale iza todi. Ro 1:18; Ep 5:6

1 Timoti 1:10

Ve tutuuŋ toni iŋarua yes to tighurghur maat, ve yes nditamoot to timomogheer pa nditadi nditamoot, yes to tigholia tamtoghon leso tinim mbesooŋa sorok, ndiran kaaromŋa, ve yes to tipariaaŋ saveeŋ kaarom, ma tigham ŋgar ite paam pa tizoor saveeŋ onoon to igham lupuuŋ to Krisi ilaan poia. Ro 7:7; 1Tim 6:3; 2Tim 4:3; Tit 1:9

Saveeŋ Yoŋgaaŋ 18:23

Ve lam eta irau ighan ila ndug lolo muul maau. Ve oroor to vaivaiŋa papaghu irau ivot ila ndug lolo muul maau. Ndiran tiom to raukoliiŋ tiraua kat. Tilib pa tamtoghon tisob to taan. Ve mur tiom, nene ighamun ndug tisob ŋgar todi le tiyel pa ataam to Maaron.

Saveeŋ Yoŋgaaŋ 21:27

Eemoghon mbeb to tiŋgalaaŋ maau, eta irau ilooŋ ila maau. Ve ighaze tamtoghon eta ighamgham ŋgar samsamia, ma ighamgham kaarom, ye paam irau ilooŋ ila maau. Ndiran to izadi ineep ila rau to nepooŋ mataad yaryaara to Sipsip to Maaron iŋgini, yes moghon to irau tilooŋ tila ndug tonowen. Is 52:1; Lu 10:20; Syg 3:5, 22:14+

Saveeŋ Yoŋgaaŋ 21:8

Eemoghon yes to timatughez ve tipul ghurla todi, yes to tighur ila maau, yes to ŋgar todi iŋgalaaŋ ila Maaron mata maau, yes to tirab tamtoghon timaat, yes to tighur maat, yes mura, yes to timbesmbees pa maaron kaaromŋa, ve tamtoghon tisob to avodi kaarom, ndiran tovene inadi, nene saambu tiina to yab ighanghan ila, ve yaam salfa to vuzi samia ivotvot pani. Nene mateeŋ to inim ru pani.” 1Kor 6:9+; Ga 5:19+; Ep 5:5; Syg 20:15