Saveeŋ Yoŋgaaŋ 2:14 - Mutu (Oov)

^14-15 ‘Eemoghon ŋgar tiom pida, you narere ghom pani. Pasa, tamtoghon tiom pida, titaghon ŋgar to Balam. Nene nasavia yes to titaghon Nikolas toman ndita ŋgar todi. Matam iŋgal. Muuŋ, Balam ipatooŋ Balak pa ataam to iweu yes Israela pa ghamuuŋ ŋgar samia. Tauto igham di titap pa ghurla todi, ve tighur muridi pa Maaron, ve tighan aniiŋ to tipait maaron kaaromŋa pani, ve tighur maat. Nam 22:5, 25:1+, 31:16; 2Pe 2:15

Maaron Saveeŋ Tooni Patabuyaaŋ Tuam

^14-15 ‘Eemon ŋgar tsio siriv, yau narere ghom pani. Pasaa, tamtamon tsio siriv titaghon ŋgar to Balam. Ene nasavia yes tau titaghon Nikolas tomania ziŋeera ŋgar toozi. Matam iŋgal. Muuŋ, Balam itotoi Balak pa eez to igherev yes Israela pa ghamuuŋ ŋgar saghati. Tauta igham zi titap pa ghuruuŋ ila toozi, ve tighur murizi pa Maaron gha tighan aniiŋ tau tipakur maaron karomŋa pani na, ve tighur boog. Nam 22:5, 25:1+, 31:16; 2Pe 2:15

Saveeŋ Yoŋgaaŋ 2:14 Iomraidhean Croise

Matayu 18:7

Tamtoghon to taan to tinim watiiŋ pa nditadi, yes tikaria taudi wa. Onoon, tovaaŋ naol pale tivot, ve tipamundigin tamtoghon pa tigham ŋgar samsamia, ve tigham di titap pa ghurla todi. Eemoghon tamtoghon to ighaze inim watiiŋ pa ita ite, ve ighami itap pa ghurla toni, nene ye ikaria tau wa.

Uraat To Yes Mbaŋooŋa 15:29

Aniiŋ to tipakur maaron kaaromŋa pani, yam aghani malep. Ve aghun mbeb siŋidi malep. Ve aghur maat malep. Ve aghan mbeb mindadi to siŋ ineep ila malep. Ighaze aneep saguan pa ŋgar tovene, nene pale ataghon ŋgar poia. Saveeŋ tiei inim imuul sualen. Yam aneep toman lolomim poia.” Syg 2:14,20

Uraat To Yes Mbaŋooŋa 21:25

“Ve ndug ndug to Yuda maau ve tighur ila to Tiina toit, nene yei nisaŋgoor rau ila todi wa. Rau tonowen, nipaesia saveeŋ to lupuuŋ toit imbua. Nighaze: Aniiŋ to tipakur maaron kaaromŋa pani, nene tighani malep. Ve tighun ŋgai siŋi malep. Ve mbeb to ighaze tipuleel lua imaat, nene paam tighani sob. Ve tighur maat malep.” Mbaŋ 15:29

Rau Tau Paulus Iboode Pa Yes Roma Rom--Romans 11:9

David paam isavia saveeŋ iŋarua di ighaze: “Toŋ to aniiŋ todi ineep izala, pale inim liis padi, ve inim yaam to titut aghedi ila, ve titap tizi. Leso iyat sosor todi. Mbo 69:22+

Rau Tau Paulus Iboode Pa Yes Roma Rom--Romans 14:13

Tovenen iit taŋgabiiz nditaad ve taveleg di muul malep. Ve tagham ŋgar eta pa tagham yes toŋvetaz to Krisi titap pa ghurla todi, ma tapoon ataam padi pa Krisi malep. Mt 18:6+; 1Kor 8:9, 10:32

Rau Tau Paulus Iboode Pa Yes Roma Rom--Romans 14:21

Tovenen ighaze matam iŋgal ughaze ughan mbeb minda, ma ughun vaen, ma ugham ŋgar ite paam to irau igham toŋvetaz tiom eta itap pa ghurla toni, nene poia pa upul ŋgar tonanan.

Rau Tau Paulus Iboode Pa Yes Roma Rom--Romans 9:32

Pasa, lolodi pa titaghon ataam to ghurla maau, ve tighaze uraat ve ŋgar popoia to tighamgham di, nene pale igham di tineep deŋiadi ila Maaron mata. Tauto tinim tamtoghon to itut aghe ila yaam, ve itap izi. Lu 2:34; 1Kor 1:23

1 Korin 1:23

Eemoghon yei nivovotia saveeŋ pa mateeŋ to Krisi izala ai pambarooŋ. Saveeŋ tonene, sawa to yes Yuda tilooŋa, tirere pani ve tighur ila maau. Ve sawa to yes Grika tilooŋa, tivelegi tighaze nene saveeŋ to borouŋa. Yo 6:60+; 1Kor 2:2,14

1 Korin 7:2

Eemoghon ŋgar to ghuruuŋ maat, nene ivot inim tiina. Tovenen ighaze tamoot eta yesuru azuwa tineep saguan pa taudi, ve tilup di pa ghenooŋ maau, nene poia maau. Poia pa yesuru tilup di.

Hibru 13:4

Yam asob irau aghita ŋgar to vaiuuŋ inimale mbeb tiina, ve matamim iŋgal taumim ndizwamim, ve aneep toman di moghon. Leso asami ila Maaron mata sob. Iit tawatag: Yes to matadi samia tinimale ŋgavuun, ve yes to tighurghur maat, Maaron pale ighur atia padi. 1Kor 6:9+; Syg 22:15

1 Petrus 2:8

Yaam tonowen, tamtoghon pida pale titut aghedi ila, ve titap tizi. Ve pida tighita ve tirere pani. Tauto igham di titap.” Is 8:14 Yes titap pasa, tizoor Maaron aliŋa. Ŋgar todi tonowen, Maaron ighuri padi pataghaaŋ wa. Lu 2:34, 20:18

2 Petrus 2:15

Tovenen ataam deŋia to Maaron, yes tipuli wa. Ve aazne, titaghon ataam samia. Ŋgar todi inimale ŋgar to Beor natu Balam. Balam, ye propet eez to muuŋ ivotia Maaron aliŋa. Eemoghon lolo pa yaam kat, tauto igham ŋgar to deŋia maau. Iit tawatag: Esele tisavsaav maau. Eemoghon Maaron igham esele to Balam isaav inimale tamtoghon, ve iyaan Balam pa ŋgar to borouŋa to ye ighaze ighami. Tauto ipul ŋgar tonenen. Nam 22:4+; Jud 11; Syg 2:14

Rau Tau Jud Iboode Jut--Jude 1:11

Ndiran tonanan tikaria taudi wa! Pasa, ataam to saveeŋ onoon, yes tipuli wa. Laghooŋ todi, yes titaghon ŋgar to Kain. Ve lolodi igham pa yaam, tauto tipul taudi pa ŋgar samia, ve tiweu Maaron tamtoghon toni pa ghamuuŋ sosor, inimale muuŋ Balam ighami. Ve tizorzoor Maaron uraata toni, inimale muuŋ Kora ighami. Tovenen muri, yes pale tilaledi tinimale Kora. Mbnp 4:3+; Nam 16:1+, 22:1+; 2Pe 2:15

Saveeŋ Yoŋgaaŋ 2:20

‘Ve mbeb ee moghon to you narere ghom pani. Liva samia eez ineep toman ghom. Ye iwaat tau ighaze ye propet to Maaron. Eemoghon ŋgar toni, nene inimale Yezebel to muuŋ ighamun ŋgar to yes Israela. Saveeŋ kaarom to ye ivovotia, nene ipaghau mbesooŋa tiou pa ataam tiou. Tauto matadi samia tinimale ŋgavuun, ve tighanghan aniiŋ to tipait maaron kaaromŋa pani. Ve yom neneeŋam pani moghon. Ugham ŋgar eta pani maau. 1King 16:31+; Mbaŋ 15:29; 1Kor 10:19+

Saveeŋ Yoŋgaaŋ 2:4

‘Eemoghon mbeb eez, to you narere ghom pani. Sawa to ughur inim tiou muuŋ, lolom payou kat. Eemoghon aazne, lolom payou kat maau.

Saveeŋ Yoŋgaaŋ 21:8

Eemoghon yes to timatughez ve tipul ghurla todi, yes to tighur ila maau, yes to ŋgar todi iŋgalaaŋ ila Maaron mata maau, yes to tirab tamtoghon timaat, yes to tighur maat, yes mura, yes to timbesmbees pa maaron kaaromŋa, ve tamtoghon tisob to avodi kaarom, ndiran tovene inadi, nene saambu tiina to yab ighanghan ila, ve yaam salfa to vuzi samia ivotvot pani. Nene mateeŋ to inim ru pani.” 1Kor 6:9+; Ga 5:19+; Ep 5:5; Syg 20:15

Saveeŋ Yoŋgaaŋ 22:15

Eemoghon yes to matadi samia tinimale ŋgavuun, ve yes mura, yes to tighur maat, yes to tirab tamtoghon timaat, yes to timbesmbees pa maaron kaaromŋa, toman tamtoghon tisob to lolodi pa ŋgar to kaarom ve tighamgham kaarom, yes irau tilooŋ tila ndug tonene maau. Pale tineep pumuri. 1Kor 6:9; Ga 5:19+; Syg 21:8