Saveeŋ Yoŋgaaŋ 2:13 - Mutu (Oov)

¹³ ‘You nawatag: Sadan ina to ghamuuŋ pooz ineep izi ndug to yom uneep pani, ve ye ighamgham uraat toman tapiri tiina tonanan. Muuŋ, tamtoghon tiom eez, iza Antipas, lolo ee moghon ve ipariaaŋ saveeŋ tiou. Imatughez maau, ve ipul muri payou maau. Tauto tirabi imaat izi ndug tiam. Eemoghon sawa tonenen, yom upul ghurla tiom maau. Ve aazne paam, yom ukiskis izag sone.

Maaron Saveeŋ Tooni Patabuyaaŋ Tuam

¹³ ‘Yau nawatagh: Sadan niia to ghamuuŋ pooz igheen izi nugh tau yo uleep pani na, ve i ighamgham uraat toman tapiri tiina ta sena. Muuŋ, tamtamon tsio ee, eeza Antipas, loolo eemon ve ipariaaŋ saveeŋ tsiau. Iroi mako, ve ighur muuri payau mako. Tauta tiravu imaat izi nugh tsiam. Eemon saawe tana, yo upul ghuruuŋ ila tsio mako. Ve aazne paam, yo ukiskis ezag soone.

Saveeŋ Yoŋgaaŋ 2:13 Iomraidhean Croise

Matayu 10:23

Ighaze yam aneep izi ndug eta, ve yes tighur pataŋani payam, apul di ve aghau ala pa ndug ite. You nasaav payam kat: Uraat tiam to votiaaŋ mos irau ndug ndug to Israel, yam pale apasobi sone, ve Tamtoghon Natu imuul inim.

Matayu 24:9

“Sawa tonenen ighaze ivot, nene pale tamtoghon tikis gham, ve tighur pataŋani naol payam, ve tirab tamtoghon tiam pida timatmaat. Ve ndug tisob pale tighur koi payam. Pasa, yam avotia you izag, ve ataghon ghou. Mt 10:22; Yo 15:18

Matayu 4:10

Eemoghon Yesu izuruni ighaze: “Sadan, yom ughau ula! Pasa, Maaron aliŋa to timbooda, isaav tovene: ‘Uput aghem pa Tiina tiom Maaron moghon, ve umbees pa ye eŋgeni.’ ” Lo 6:13; Mt 16:23

Lukas 21:17

Tamtoghon tisob pale tighur koi payam pasa, yam avotia you izag ve ataghon ghou. Mt 10:22; Yo 15:18+

Uraat To Yes Mbaŋooŋa 22:20

Ve sawa to Stepanus ivotia saveeŋ tiom, ve tirabi imaat, you nayok pa ŋgar tonenen. Tauto nayoon toman yes to tirabi, ve naŋgin nonogiiŋa todi to moŋeŋaaŋ.’ Mbaŋ 7:58, 8:1

Uraat To Yes Mbaŋooŋa 9:14

Ve aazne, yes daba to watooŋrau tiyok pani pa igham ŋgar raraate izi ndug tonene paam. Yei to nisuŋsuŋ ve niwatwaat yom izam, ye ighaze ikis ghei nisob, ve igham ghei nila.”

1 Tesalonika 5:21

Eemoghon yam irau aŋgabiiz poian saveeŋ ve ŋgar to naol ne. Ighaze popoiadi, ghoro akis di ve ataghon di. 1Kor 14:29; 1Yo 4:1

1 Timoti 5:8

Ighaze tamtoghon eta ighaze ye ighur ila to Maaron, eemoghon iuluul tau siŋ toni ve yes to tineep tomani ila ruum toni maau, nene ye ipul muri pa ghurla toni wa. Ŋgar tovene, samia kat. Ilib pa sosor to yes to tighur ila to Maaron maau ne. Tit 1:16

2 Timoti 1:13

O Timoti, saveeŋ poia to ulooŋa ila you avog, nene ipatooŋ ghom pa sa saveeŋ to yom irau upatoot tamtoghon pani, leso ghurla todi iyaryaaŋ ve lupuuŋ to Krisi ilaan poia. Tovenen matam kisini ve utaghoni. Ve uneep tuŋia ila to Krisi, ve ukis ghurla tiom ariaŋa, toman ŋgar to lolood pa Maaron ve tamtoghon. 2Tim 3:14+; Hib 10:23

2 Timoti 2:12

Ve ighaze tayoon ariaŋa ve tambaad pataŋani pa ye iza, nene pale itiŋa Krisi tagham pooz. Ro 8:17; 1Pe 4:13 Eemoghon ighaze tapul muriid pani ve tapesamun iza, ye pale ipul muri pait, ve ipesamun izaad paam. Mt 10:33

Hibru 10:23

Iit taghur ila saveeŋ mbuaaŋ to Maaron to ighaze ye pale igham nepooŋ poia pait. Tauto taghurghur mataad pa nepooŋ poia tonowen, ve tavovotia saveeŋa pa tamtoghon. Saveeŋ mbuaaŋ toni tonowen, lolood ru pani malep. Taghur ila ariaŋa ve takisi tuŋia. Pasa, Ŋgeu to imbua saveeŋ tonenen, ye itataghon saveeŋ toni. 1Kor 1:9; 1Tes 5:24; Hib 3:6

Hibru 3:6

Eemoghon Krisi, ye Maaron Natu to iŋgin poian ruum to Maaron itaghon Maaron ŋgar toni. Ve ighaze tamatughez maau, ve takis ghurla toit tuŋia, ve taghur mataad pa nepooŋ poia to Maaron pale igham pait, ve tiniid iza pani, nene pale tapatooŋ tauud taghaze iit ruum to Maaron. 1Kor 3:16; 2Kor 6:16; Hib 6:11

Yakobus 2:7

Ve Krisi iza poia to iza tiam, sei masin to tivevelegi, ve tipipiyaav saveeŋ samsamia pani? Nene yes tonowen. Aghita wa?

Saveeŋ Yoŋgaaŋ 1:5

Yesu Krisi, ye lolo ee moghon, ve ipariaaŋ saveeŋ onoon. Leso tamtoghon tighur ila. Ye to imundig pa mateeŋ muuŋ. Ve ye imuuŋ pa mbeb to naol ne, ve iŋgin kinik tisob to taan. Ye lolo pait kat. Tauto siŋ toni imaliŋ ve imaat pa sosor toit, ve ipas ghiit tavot pa samia tapiri. Mbo 89:27; Yo 18:37; 1Kor 15:20; Syg 19:16

Saveeŋ Yoŋgaaŋ 12:11

Toŋvetaz toit tigham ŋgar pa nepooŋ poia to taan maau, ve timatughez pa mateeŋ maau. Tirei taudi kat. Ve Sipsip to Maaron siŋ toni ipalot di le tiyoon ariaŋa pa votiaaŋ saveeŋ onoon ila ila le irau mateeŋ todi. Tauto tilib pa Ŋgeu Samia wa. Yo 12:25; Ro 16:20; 1Yo 5:4; Syg 7:14

Saveeŋ Yoŋgaaŋ 13:2

Mbeb samia to you naghita, nagho inimale lepad, aghe inimale bea, ve avo inimale laion. Ghoro moot ighur tapiri ve iza ila toni, ve ighuri ineep ila tau ina to ghamuuŋ pooz, ve ighur mbeb naol to taan tila mbeb tonenen samba, leso iŋgin di. Dan 7:4+; Syg 12:3

Saveeŋ Yoŋgaaŋ 14:12

Tovenen Maaron tamtoghon toni patabuaŋa irau tiyoon ariaŋa pa badooŋ pataŋani. Nene yes to titaghon tutuuŋ to Maaron ve tighur ila to Yesu ariaŋa.”

Saveeŋ Yoŋgaaŋ 17:14

Ve yesŋa mbeb samia pale tilup di, ve tiparab toman Sipsip to Maaron ve tamtoghon toni. Eemoghon pale tiraua maau. Sipsip to Maaron pale ilib padi. Pasa, ye tiina ilib pa ndimaronŋa tisob. Ve ye kinik tiina to ilib pa kinik tisob. Tamtoghon toni, nene yes to ye tau isia di ve ipoi di tinim le, ve tikis ghurla todi ariaŋa.” 1Tim 6:15; Syg 16:14, 19:19

Saveeŋ Yoŋgaaŋ 17:6

You naghita liva tonenen ighun, le ŋgar toni iwaghamgham. Pasa, Maaron tamtoghon toni patabuaŋa to tipariaaŋ Yesu saveeŋ toni, ye ikaria ghunuuŋ siŋ todi. Ye to ipazaagh tamtoghon pa rabuuŋ di timatmaat. You naghita, le nagham ŋgar naol ve ŋgar tiou iwaghamgham. Syg 6:9, 12:11, 16:6

Saveeŋ Yoŋgaaŋ 2:2

‘Ŋgar ve uraat naol to yom ughamgham di, you nawatag di tisob. Yom urab taum pa uraat tiou, ve uyoon ariaŋa pa badooŋ pataŋani. Ve yes to tighamgham ŋgar samia, yom ughurghur di maau. Ve yes to titoom tighaze yes mbaŋooŋa to Krisi, yom uŋgabiiz katin di, ve ughilaal di ughaze yes ndiran to kaarom. 2Kor 11:13; 1Yo 4:1

Saveeŋ Yoŋgaaŋ 3:11

Mala maau pale nalat. Tovenen uyoon ariaŋa, ve ukis ŋgar to Maaron to ineep tiom ne tuŋia. Ighaze maau, nene pale atia tiom to isasaŋan ghom ne, irau ughami maau. Pasa atia tonowen, nene to yes to tiyoon ariaŋa ve tilib pa tovaaŋ. 2Tim 2:12; Hib 10:36+; Syg 2:25

Saveeŋ Yoŋgaaŋ 3:3

Aazne, yom unumale ŋgeu to igheen le lolo imaagh. Tovenen utoor ŋgar tiom. Saveeŋ to muuŋ tisavia payom ve ughami, matam iŋgali muul ve utaghoni. Ighaze umundig maau, you pale nalat nakarmotin ghom nanimale ŋgeu yubyub. Pasa, sawa to you pale namuul nanim, yom uwatagi maau. Mk 13:33; 1Tes 5:2-6; 2Pe 3:10