Saveeŋ Yoŋgaaŋ 18:14 - Mutu (Oov)

¹⁴ Ve yes pale tisaav pa ndug tiina Babilon tighaze: “Mbeb naol to lolom igham padi, eta igharau ghom muul maau. Mbaliiŋ tiom to popoiadi kat ve ughamgham izam padi, tisob tilaledi wa. Irau ughita di muul maau.”

Maaron Saveeŋ Tooni Patabuyaaŋ Tuam

¹⁴ Ve yes pale tisaav pa nugh tiina Babilon tighe: “Gabua naol isov tau lolom ighaar pa ghamuuŋ zi na, eta igharau ghom muul mako. Kuaz tsio tisov tau popoiazi kat ve ughamgham ezam pani na, tisov tilalez wa. Irau ughit zi muul mako.”

Saveeŋ Yoŋgaaŋ 18:14 Iomraidhean Croise

Lukas 12:20

“Eemoghon Maaron isaav pani ighaze: ‘Ah, borou taamdi! Lem ŋgar maau kat! Mboŋ aazne, yom pale umaat. Ve sei pale iyou mbeb tiom to undou di ne?’ ” Mbo 39:6, 49:16+

Lukas 16:25

“Eemoghon Abaram ipamuul aliŋa ighaze: ‘Oo natug, matam iŋgal nepooŋ tiom to muuŋ ughami izi taan. Sawa tonenen, yom uneep poia kat, ve Lasarus ineep sami. Tauto aazne, ate izi ve igham nepooŋ poia izi ndug tonene, ve yom uyamaan yabyabuuŋ tiina tonanan. Lu 6:24

1 Korin 10:6

Mbeb to ivot pa yes Israela pa sawa tonenen, nene inim patoŋaaŋ pait. Leso taghilaal, ve lolood igham pa mbeb samsamia tanimale yes malep. Nam 11:4; Mbo 106:14

Yakobus 4:2

Yam lolomim igham pa mbeb naol to taan. Eemoghon irau agham di maau. Tauto lolomim irab gham pa nditamim mbeb todi, ve yamŋa awakokan gham, ve agham malmal, ve awarabun gham amatmaat. You nasaav payam. Mbeb to lolomim itaŋ pani, yam irau aghami maau. Pasa, aghason Maaron pani maau.

Saveeŋ Yoŋgaaŋ 18:13

Ve mbeb pida paam to vuzidi popoia ve atiadi tintina. Ve vaen, ŋgoreeŋ, aniiŋ, makau, sipsip, ve hos toman karis. Ve tigholia tamtoghon paam tinim mbesooŋa sorok. Mbeb naol tonene, irau tiraukol padi tonowe muul maau.

Saveeŋ Yoŋgaaŋ 18:15

Ndiran to raukoliiŋ to tigholia mbeb todi izi Babilon ve tinim mbaliiŋ taudi, pale timatughez pa yabyabuuŋ tiina to ighami. Tovenen yes pale tineep saguan pani, ve tikausim pani tighaze: