Saveeŋ Yoŋgaaŋ 14:7 - Mutu (Oov)

⁷ Aŋela tonowen isaav aliŋa tiina ighaze: “Sawa to gabizooŋ tamtoghon ve ghuruuŋ atia padi, tauto ivot wa. Tovenen amatughez pa Maaron, ve apait iza pa tapiri ve poia toni. Ye to ighur sambam, taan, te, ve ya tisob to tivotvot ila taan lolo. Tovenen aput aghemim pani ve apaiti.” Syg 15:4

Maaron Saveeŋ Tooni Patabuyaaŋ Tuam

⁷ Aŋela tawe isaav toman aliiŋa tiina ighe: “Saawe to gabizooŋ tamtamon ve ghuruuŋ atuya pazi, tauta ivot wa. Tauvene aroi pa Maaron, ve apait eeza pa tapiri ve poia tooni. I ta ighur sambam, taan, te, ve yaa naol isov tau tivotvot ila taan loolo. Tauvene aput aghemim pani ve apakuru.” Syg 15:4

Saveeŋ Yoŋgaaŋ 14:7 Iomraidhean Croise

Matayu 25:13

Yesu isavia saveeŋ palelaaŋ tonene le isob, ghoro isaav padi muul ighaze: “Tovenen yam apamaat ariaŋa. Pasa, sawa kat to Tiina tiam mulaaŋ toni, yam awatagi maau.” Mt 24:42

Lukas 17:18

Ŋgeu tonene, ye Yuda maau. Pughu vena to ye eŋgeni imuul inim ve ipait Maaron iza, ve yes pida maau?”

Uraat To Yes Mbaŋooŋa 14:15

ve timboob tighaze: “Wai, ndiran tiei, agham vene malep! Yeru tamtoghon to taan ninimale yam. Yei ninim pa nivotia varu poia payam. Alooŋ. Maaron tiam to ambesmbees padi ne, irau tigham anoŋa eta maau. Apul murimim padi, ve apul di tineepledi. Ve aghur ila to Maaron tau to ineep mata iyaryaar irau sawa isob. Pasa, ye to ighur sambam, taan, ve te, toman mbeb tisob to tineep ila. Mbnp 1:1+; Mbaŋ 10:26; 1Kor 8:4

1 Petrus 4:7

Aazne, sawa to mbeb tisob tilaledi, nene inim igharau wa. Tovenen agham ŋgar pooi, ve aŋgin taumim pooi. Leso iuul gham pa suŋuuŋ tiam. Ro 13:12+

Saveeŋ Yoŋgaaŋ 11:13

Rikia moghon, yoŋgyoog tiina kat itok ndug tiina tonowen, le ruum katindi tipolpol ve timbiriis. Ndug eŋaeŋa eŋaeŋa to ruum saaŋgul tineep ila, todi eez ipol, ve liim ve paaŋ popoiadi. Yoŋgyoog tonowen irab tamtoghon ndiŋndiŋ liim ve ru 7000 timatmaat. Ve yes to popoiadi, matughezaaŋ tiina kat igham di, ve tipait Maaron to sambam iza.

Saveeŋ Yoŋgaaŋ 11:18

Ndug ndug to tiwatag ghom maau ne, atedi yabyab payom. Eemoghon aazne, nene sawa to upatooŋ mbalmbali tiom ivot ighazooŋ, ve uŋgabiiz yes mateeŋa ve ughur atia padi. Tovenen yes propeta to muuŋ timbesmbees payom, toman tamtoghon tiom patabuaŋa to timatughez payom ve titaghon ŋgar tiom, yom pale ugham ledi atia poia. Yes to izadi tintina, ve yes to ledi izadi maau ne paam. Eemoghon ndiran to tiwaghamun mbeb izi taan, yom pale uwaghamun di paam.” Mbo 2:1+, 46:6, 110:5, Mbo 115:13; Mt 20:8; Ro 2:5+

Saveeŋ Yoŋgaaŋ 15:4

Tiina tiei, yom moghon to patabuaŋ. Tovenen tamtoghon tisob irau timatughez payom ve titaghon ŋgar tiom, ve tipait izam pa tapirim ve poia tiom. Ndug naol pale tisob tinim tiput aghedi payom, ve tipait ghom. Pasa, ŋgar tiom to ughurghur atia pa tamtoghon, tauto upatooŋa ivot ighazooŋ wa.” Mbo 86:9

Saveeŋ Yoŋgaaŋ 16:9

Ndag ighaaz katin di, le tinidi isapoop. Eemoghon lolodi pa titoor ŋgar todi maau, ve tipait Maaron iza maau. Timundig ve tipiyaav saveeŋ samsamia naol pani. Pasa, yes tiwatag: Ye to iŋgin pataŋani tonowen.

Saveeŋ Yoŋgaaŋ 18:10

Sawa to tighita yabyabuuŋ tiina ighami, matughezaaŋ tiina pale igham di, ve tineep saguan ve tiŋazuuva tighaze: “Oyai, ukaria taum wa! Aa ndug tiina, ukaria taum wa! Babilon, yom izam ve tapirim tiina. Eemoghon aazne, ugham atia tiom, ve rikia moghon pataŋani tiina igham ghom ve umbiriis.” Is 21:9

Saveeŋ Yoŋgaaŋ 18:17

Eemoghon sawa tuku tonene, mbaliiŋ tiom tisob tisami ve tilaledi.” Ve yes daba to waaŋ toman uraata todi, ve yes to tiza waaŋ toman di, ve tamtoghon tisob to tiravraav pa raukoliiŋ ne paam, pale tisob tiyoon saguan.

Saveeŋ Yoŋgaaŋ 18:19

Tovenen lolodi ipataŋan, titaŋ tiina ve timoŋ pani. Ve tiŋazuuva tighaze: “Oyai, ukaria taum wa! Aa ndug tiina, ukaria taum ve usami kat! Aazne, rikia moghon ve umbiriis ve ulalem. Pale nigham vena? Mbaliiŋ tiom moghon, tauto yei to lemai waaŋ ne, nisob ninim mbaliiŋ tau.”

Saveeŋ Yoŋgaaŋ 19:5

Ghoro saveeŋ ivot ila Maaron ina to ghamuuŋ pooz ve inim ighaze: “Yam mbesooŋa to Maaron to amatughez pani ve ataghon ŋgar toni, asob apait Maaron toit iza! Yam to izamim tintina, ve yam to lemim izamim maau ne paam.” Mbo 22:23; Syg 11:18

Saveeŋ Yoŋgaaŋ 4:11

“O Maaron, Tiina tiei, yom poiam kat. Ighaze nipakur ghom ve nipait izam pa tapirim ve poia tiom, nene deŋia. Pasa, yom moghon to ughur mbeb tisob tivot. Onoon kat, yom utaghon taum ŋgar tiom ve ughur mbeb tisob tivot. Tauto tineep tovene.” Mbnp 1:1; Mbaŋ 14:15, 17:24

Saveeŋ Yoŋgaaŋ 4:9

Ŋgeu to ineep ila ina to ghamuuŋ pooz irau sawa isob, mbeb matadi yaryaara paaŋ tonowen moghon moghon tipakuri ve tipait iza pa tapiri ve poia toni.

Saveeŋ Yoŋgaaŋ 8:10

Ghoro tivalag ya tisob tinim ndouŋ tol, ve aŋela ite inim tol, ana ivib tavuur toni, ve pitum tiina eez itap sambam ve izi inim. Pitum tonowen iyaryaar inimale sul. Ve tiwaat iza, ‘Papaii.’ Itap izala ya ndouŋ eez poghodi le iwaghamun di. Ya to tirereer, ve ya to tivotvot ila taan lolo ne paam. Tauto ival tiina to tighunghun ya papaii tonowen timatmaat. Ve ya ndouŋ ru tisami maau. Popoiadi ve tinepneep. Igham 7:20+; Yer 9:15; Syg 16:4