Saveeŋ Yoŋgaaŋ 13:3 - Mutu (Oov)

³ Ve naghita mbeb tonenen daba eez, sip ineep ila. Pasa, muuŋ tirabi imaat. Eemoghon imundig muul toman tini poia. Tamtoghon to tineep izi taan ve titaghon ŋgar to taan, tisob ruŋadi iza pa mbeb tonenen ve titaghoni. Mbnp 3:15; Syg 17:8

Maaron Saveeŋ Tooni Patabuyaaŋ Tuam

³ Ve naghita gabua tawe daaba ee, zaab niia ighengheen ila. Pa muuŋ, tiravu imaat. Eemon iburig muul toman tiini poia. Yes tau tileep izi taan ve titaghon taan ŋgara na, tisov tirur pa gabua tawe ve titaghoni. Gnp 3:15; Syg 17:8

Saveeŋ Yoŋgaaŋ 13:3 Iomraidhean Croise

Lukas 2:1

Elisabet ipoop Yoan, ve sawa pida inim ila, ghoro Augustus to kinik tiina to Rom, isaav ariaŋa pa ndug tisob to tineep ila samba, ighaze tila tighur izadi.

Yoan 12:19

Ndiran tutuuŋa pida tighita ival tiina tonowen yesŋa Yesu tilaghlaagh ve tipapait iza, tauto tiwasavon di tighaze: “Aghita! Iit taraua maau. Tamtoghon to taan tisob tila titaghoni wa!”

Uraat To Yes Mbaŋooŋa 8:13

Simon paam ighur ila ve igham ya. Sawa tonenen ve ila, ye itataghon Pilip, ve ighita mbeb gharatooŋadi tintina to Pilip ighamgham di. Mbeb tonowen tipatooŋa tighaze Maaron ineep tomani pa uraat toni. Tovenen Simon ighita di, le avo ikaak.

Saveeŋ Yoŋgaaŋ 13:12

Ye igham ita ite to ivot muuŋ ne nagho, ve ighereb ival tiina leso tineep ila mbeb tonowen samba. Tovenen tamtoghon tisob to tineep izi taan ve titaghon ŋgar to taan, ye igham di tiput aghedi pa mbeb samia to ivot muuŋ, ve tipaiti. Nene ye to tirabi imaat, ve imundig muul. Mt 7:15, 24:11

Saveeŋ Yoŋgaaŋ 17:10

Todi liim, uraat todi isob ve tizi wa. Ve ite inim liim ve eez, tauto aazne inepneep ve ighamgham pooz. Ve ite inim liim ve ru, ye ivot sone. Eemoghon sawa to ighaze ivot, ye pale ineep mala ris.

Saveeŋ Yoŋgaaŋ 17:11

Mbeb samia to muuŋ ineep ve aazne ineep maau, nene kinik to inim liim ve tol pani. Yesŋa kinik liim ve ru tonowen, ŋgar todi raraate. Ye pale ineep ris, ghoro Maaron iwaghamuni ve ilale.

Saveeŋ Yoŋgaaŋ 17:13

Kinik saaŋgul tonowen, ŋgar todi ee moghon. Ve yes pale tighur tapiridi toman mbeb naol to tiŋgin di tisob tila to mbeb samia, leso tipaloti.

Saveeŋ Yoŋgaaŋ 17:17

Pasa, Maaron ighur ŋgar ineep ila kinik saaŋgul tonowen lolodi wa ighaze tilup ŋgar todi inim ee moghon, ve tipul mbeb to tiŋgin di tila mbeb samia nima. Leso iŋgin di, le irau Maaron saveeŋ toni anoŋa ivot. Tovenen ŋgar tonene pale ivot itaghon Maaron tau ŋgar toni.

Saveeŋ Yoŋgaaŋ 17:6

You naghita liva tonenen ighun, le ŋgar toni iwaghamgham. Pasa, Maaron tamtoghon toni patabuaŋa to tipariaaŋ Yesu saveeŋ toni, ye ikaria ghunuuŋ siŋ todi. Ye to ipazaagh tamtoghon pa rabuuŋ di timatmaat. You naghita, le nagham ŋgar naol ve ŋgar tiou iwaghamgham. Syg 6:9, 12:11, 16:6

Saveeŋ Yoŋgaaŋ 17:8

Mbeb samia to yom ughita ne, muuŋ ye ineep. Ve aazne, ineep maau. Eemoghon mala maau pale iza muul pa saambu to le pughu maau. Ve ineep ris, ghoro Maaron iwaghamuni ve ilale. Muuŋ kat, sawa to Maaron ighur sambam ve taan sone, timbood tamtoghon toni izadi ila rau to nepooŋ mataad yaryaara wa. Tamtoghon tisob to izadi ineep ila rau tonowen maau, yes pale tighita mbeb samia ve ruŋadi iza pani. Pasa, muuŋ, ye ineep. Ve aazne ineep maau. Eemoghon muri pale ivot muul. Dan 12:1; Syg 13:1+