Saveeŋ Yoŋgaaŋ 12:10 - Mutu (Oov)

¹⁰ Ghoro nalooŋ bobaaŋ tiina ivot izi ndug sambam tighaze: “Aazne, Maaron toit igham mulin tamtoghon toni ve tineep pooi, ve ipatooŋ tapiri toman pooz toni ivot ighazooŋ wa. Ve ighur mbeb to naol ne tisob tineep ila Mesia toni samba, leso iŋgin di. Pasa, Ŋgeu Samia to mboŋ ve ndag iŋgalŋgal saveeŋ pa toŋvetaz toit ila Maaron mata, tauto tizuruni pa ndug sambam, ve tipiyaava izila taan wa. Yop 1:9+; Sek 3:1

Maaron Saveeŋ Tooni Patabuyaaŋ Tuam

¹⁰ Ra nalooŋ bobaaŋ tiina ivot izi sambam tighe: “Aazne, Maaron toit igham mulin tamtamon tooni gha tileep poia, ve itotoi tapiri tomania pooz tooni ivot ighazooŋ wa. Ve ighur gabua naol isov tileep ila Mesia tooni saamba, leso iŋgin zi. Pasaa, Ŋeer Saghati tau mboŋ mataaz iŋgalŋgal saveeŋ pa toŋvetaz toit ila Maaron naagho na, ene tiziire pa nugh sambam, ve tisiki izila taan wa. Yop 1:9+, Sek 3:1

Saveeŋ Yoŋgaaŋ 12:10 Iomraidhean Croise

Matayu 26:64

Yesu ipamuul aliŋa ighaze: “Saveeŋ tauto usavia ne. Ve you nasaav ghazooŋa payam tovene: Muri, yam pale aghita: Tamtoghon Natu ineep ila ina to ghamuuŋ pooz to ineep ila Maaron ariaŋa nima waan. Ve ye pale ineep ila yaghur tae to sambam, ve imuul izi inim.” Mbo 110:1; Dan 7:13; Mt 24:30

Matayu 28:18

Tovenen Yesu iŋarua di ila, ve isaav padi ighaze: “Tamaŋ Maaron ighur mbeb to sambam ve taan tisob tineep ila you sambag wa, ve you izag pa naŋgin di. Dan 7:13-14; Yo 13:3; Ep 1:20+

Matayu 6:10

Pooz tiom inim irau ndug le isob. Ugham tamtoghon titaghon lolom izi taan, inimale titaghoni izi sambam. Syg 11:15

Lukas 11:2

Yesu isaav padi ighaze: “Sawa to yam aghaze asuŋ, asaav tovene: ‘Tamamai, ugham tamtoghon tisob tipatab pa yom izam. Pooz tiom inim irau ndug le isob. Syg 11:15

Lukas 22:31

Ghoro Yesu isaav pa Simon Petrus ighaze: “Simon, Simon, upatum ghom wa! Sadan izuaria tau ighaze igham gham anim le. Tovenen ye pale itoov ghurla tiam inimale ŋgeu to ilos wit toni ve itiri iza, leso ivalag anoŋa ila saguan, ve uli ila saguan. 2Kor 2:11; 1Pe 5:8

1 Korin 5:4

Tovenen you nasaav payam tovene: Yam irau alup gham ila Tiina toit Yesu Krisi iza, ve ila uraat to Maaron Avuvu, you pale naneep toman gham paam, ve Tiina toit Yesu tapiri iza tiam. Ghoro azurun ŋgeu tonanan pa lupuuŋ tiam, ve aghuri ila Sadan nima, ve iyamaan katin pataŋani to nepooŋ tovene. Leso itoor ŋgar toni, ve ipul ŋgar to lolo muŋgina ineeple, ve sawa to Tiina toit Yesu imuul inim, ye pale igham mulin ŋgeu tonanan ve ineep pooi. Mt 18:18+; Kol 2:5; 1Tim 1:20

2 Korin 12:9

Eemoghon ye isaav payou ighaze: “Maau. Poia tiou to izaza tiom, nene iraua. Ukaal sa mbeb muul? Yes to tapiridi imbool, nene you irau napatooŋ tapirig ivot ighazooŋ kat ila todi.” Tovenen ighaze tapirig imbool, nene tinig iza, ve napakur ghou. Pasa, sawa to taug tapirig imbool, nene Krisi tapiri tiina ineep tiou. 2Kor 11:30; Pil 4:11+

Titus 2:3

Ve ndiliva ndolman tovene paam. Usaav padi tiroron pa Maaron ve timbees pani pooi. Ve tiŋgal saveeŋ pa nditadi malep, ve tinim mbesooŋa pa ya ariaŋa malep. Yes irau tipatoot tamtoghon pa ŋgar poia. 1Tim 2:9, 3:11; 1Pe 3:3+

1 Petrus 5:8

Agham ŋgar pooi ve matamim iza. Pasa, koiamim Ŋgeu Samia ilaghlaagh inimale laion to itaŋtaŋ ve ikalkaal tamtoghon pa ighani.

Saveeŋ Yoŋgaaŋ 11:15

Ghoro aŋela ite to inim liim ve ru pani, ana ivib tavuur toni, ve nalooŋ ival tiina to tineep izi sambam, tisaav aliŋadi tiina tighaze: “Aa, ghara ŋgar samia to muuŋ igham pooz pa taan ne tapiri isob, ve mbeb to naol ne titaghon pooz to Maaron toit ve Mesia toni. Ve ye pale igham pooz tovene itaghoni taghoni gha ila!” Igham 15:18; Mbo 10:16; Syg 10:7

Saveeŋ Yoŋgaaŋ 2:26

‘Ighaze tamtoghon eta iyoon ariaŋa ve ilib pa tovaaŋ, ve itaghon ŋgar tiou le indeeŋ sawa toni isob, nene pale naghur ndug ndug tineep ila samba ve igham pooz padi, inimale Tamaŋ Maaron ighur di tineep ila you sambag. Ve pooz toni pale iyaryaaŋ kat. Ye pale irab matin ndiran samsamiadi tapiridi, inimale tamtoghon to irab balagin uur ve imbiriis. Mbo 2:8+; 1Kor 6:2+; Syg 20:4 Ve you pale nagham pitum Daga to mboŋmaagh pa tamtoghon tonenen paam. Nam 24:17; Is 60:1-3; 2Pe 1:19; Syg 22:16

Saveeŋ Yoŋgaaŋ 7:10

Ve timboboob aliŋadi tiina tighaze: “Tapakur Maaron toit to ineep ila ina to ghamuuŋ pooz ne toman Sipsip toni. Pasa, yesuru tigham mulin ghiit, tauto taneep pooi.”