Saveeŋ Yoŋgaaŋ 11:10 - Mutu (Oov)

¹⁰ Pasa muuŋ, propet ru tonowen tighur pataŋani tintina tizaza to tamtoghon to taan. Tovenen sawa to yesuru timaat, tamtoghon to taan pale lolodi poia ve tinidi iza, ve tiwarein mbeb pa taudi. Yo 16:20

Maaron Saveeŋ Tooni Patabuyaaŋ Tuam

¹⁰ Pa muuŋ, propet ru tawe tighur pataŋani tintiina izazaa to tamtamon to taan. Tauvene saawe tau yesuru timaat, tamtamon to taan lolozi poia ve tintinizi, ve tivarei gabua pa tauzi. Yo 16:20

Saveeŋ Yoŋgaaŋ 11:10 Iomraidhean Croise

Matayu 10:22

Ival tisob pale tighur koi payam pasa, yam avotia you izag ve ataghon ghou. Eemoghon tamtoghon to ighaze iyoon ariaŋa, ve ikis ghurla toni tuŋia le sawa toni isob, nene pale Maaron igham mulini ve ineep pooi. Syg 2:10

Yoan 16:20

Onoon kat, you nasaav payam. Yam pale lolomim ipataŋan kat ve agham taŋiiz tiina. Ve yes to titaghon ŋgar to taan pale tinidi iza. Eemoghon tala ris muul, ghoro lolomim ipataŋan muul maau, ve anamim tinimim iza inimale liva to ipoop. Onoon, sawa to popaaŋ, ye iyamaan yabyabuuŋ tiina. Eemoghon sawa to ipoop tamtoghon izi, ye lolo poia kat pa natu paghu tonenen, ve lolo imaagh pa yabyabuuŋ to ighami.

Yoan 7:7

Tamtoghon to taan ledi pughu eta to tighur koi payam maau. Eemoghon you, ghoro tighurghur koi payou. Pasa, ŋgar samsamia naol to tighamgham di ne, you navotia di tighazooŋ. Yo 3:19+, 15:18+

Uraat To Yes Mbaŋooŋa 5:33

Yes to tineep ila lupuuŋ tonowen, tilooŋ saveeŋ tonene, le ipas atedi ve tighaze tirab di timaat pataghaaŋ.

1 Korin 13:6

Ve ŋgar to ighaze deŋia maau, nene pale tiniid iza pani maau. Ve sa saveeŋ ma ŋgar to onoon, nene pale lolood poia pani. Mbo 15:2+; Ro 12:9; 1Pe 1:22; 3Yo 3-4

Saveeŋ Yoŋgaaŋ 12:13

Moot ighita tipiyaava izi inim taan wa. Tovenen ila inaan liva to ipoop natu tamoot, ighaze ighur pataŋani pani.

Saveeŋ Yoŋgaaŋ 13:8

Ve ival tiina to taan tiput aghedi pa mbeb tonenen ve tipaiti. Nene yes to izadi ineep ila rau to nepooŋ mataad yaryaara maau. Rau tonowen, Sipsip to Maaron to tirabi imaat, iŋgini. Muuŋ kat, sawa to Maaron ighur sambam ve taan sone, ye imbood tamtoghon toni izadi ila rau tonenen pataghaaŋ wa. Lu 10:20; Ep 1:4; Syg 17:8, 20:12+

Saveeŋ Yoŋgaaŋ 16:10

Ghoro aŋela ite inim liim, ana igham oon toni, ve ila iliŋ mbalmbali to Maaron iŋarua mbeb samia ina to ghamuuŋ pooz. Tovenen yes to tineep ila mbeb tonowen samba, ndoroom tiina ikau di. Ve yabyabuuŋ tiina igham tamtoghon le livodi kikikia. Igham 10:21+; Syg 9:2

Saveeŋ Yoŋgaaŋ 3:10

Pasa, yom matam kisin saveeŋ tiou ve utaghoni, ve uyoon ariaŋa pa badooŋ pataŋani. Tovenen you pale napaghau ghom pa tovaaŋ tiina to pale ivot pa tamtoghon tisob to taan.