Saveeŋ Yoŋgaaŋ 1:16 - Mutu (Oov)

¹⁶ Ye ikis pitum liim ve ru ila nima waan, ve buza eez ineep ila avo. Buza toni mata kat. Ve buza tonowen, ye mata ru. Ŋgeu tonowen nagho isul inimale ndag to ighaaz kat. Mt 17:2; Ep 6:17; Hib 4:12

Maaron Saveeŋ Tooni Patabuyaaŋ Tuam

¹⁶ I ikis pitum liim ve ru ila niima tapir, ve mbuzaagh ee igheen ila aavo. Mbuzaagh tooni, maata kat. Ve mbuzaagh tawe, maata ru. Ŋeer tawe naagho isul imin aaz tau ighaaz kat. Mt 17:2; Ep 6:17; Hib 4:12

Saveeŋ Yoŋgaaŋ 1:16 Iomraidhean Croise

Matayu 17:2

Tinepneep tonowe, ve Yesu nagho itoora ila yes tol matadi, le isul toman ŋguruba tiina kat inimale ndag mata. Ve nonogiiŋa toni paam, ipisosooŋ kat ve isul. Igham 34:29+; Yo 1:14; 2Pe 1:16+

Uraat To Yes Mbaŋooŋa 26:13

“Nalaagh taghon ataam nala le ndag anunu iza inim bobodaaŋ. Ghoro ŋguruba tiina kat ineep sambam ve izi inim isul luvutin ghou, ve yes to tilaagh toman ghou ne paam. Ŋguruba tonowen, tapiri ilib pa ndag mata.

Epesus 6:17

Ve uraat to Yesu Krisi to igham mulin ghiit, nene aghami inim lemim. Pasa, nene inimale hat ariaŋa to ipoon dabamim pa ndaab. Ve saveeŋ to Maaron to Avuvu Patabuaŋ igham pait, nene yam akisi inim lemim buza. 1Tes 5:8; Hib 4:12; Syg 19:15

Hibru 4:12

Maaron aliŋa, nene saveeŋ mata yaryaara, ve ighamgham uraat toman tapiri tiina. Ve saveeŋ toni, mata kat. Ilib pa buza to mata ru. Tauto iŋgalŋgal katin lolood, ve ipatooŋ ŋgar to ineep ila lolood ne ivot ighazooŋ. Leso taghilaal ŋgar sine to ivot ila to Maaron Avuvu, ve ŋgar sine to ivot ila tauud ŋgar toit moghon. Ep 6:17; Syg 1:16

Saveeŋ Yoŋgaaŋ 1:20

Pitum liim ve ru to yom ughita di tineep ila nimag waan ne, toman lam aiadi liim ve ru, nene pughu yoŋgaaŋ. Pughu tovene: Lam aia liim ve ru, nene tiza to lupuuŋ liim ve ru to Asia to nawaat izadi. Ve pitum liim ve ru iza to aŋela liim ve ru to tiŋgin lupuuŋ tonowen.”

Saveeŋ Yoŋgaaŋ 10:1

Ghoro matag ila le naghita aŋela ariaŋa ite to ineep sambam ve izi inim. Yaghur tae ikaui inim nonogiiŋa toni, ve maalraŋgo ineep izala daba pogho. Nagho isul inimale ndag. Ve aghe ru, nene tinimale gungun tintina to yab ighanghan ila. Ezek 1:28; Mt 17:2; Syg 1:15+

Saveeŋ Yoŋgaaŋ 12:1

Ghoro naghita mbeb eez ivot izi sambam inim ghilalooŋ. Mbeb tonowen, pughu tiina. Liva eez indudi pa ndag, ve iyoon izala kaiyo. Ve pitum saaŋgul ve ru tineep izala daba tinimale moghar.

Saveeŋ Yoŋgaaŋ 19:15

Ŋgeu to imuuŋ padi, buza eez to mata kat ineep ila avo. Leso imbut tamtoghon to ndug ndug pani. Ve ye pale iŋgin di ve igham pooz padi. Ve pooz toni, nene ariaŋa kat. Tovenen ye pale ivazag di ila aghe samba, ve siŋ todi ireer inimale vaen to tivazagi ve suru izi. Leso ipatooŋ mbalmbali to Maaron padi. Ye Maaron ariaŋa to igham pooz pa mbeb to naol ne. Syg 1:16, 12:5, 14:19+

Saveeŋ Yoŋgaaŋ 19:21

Mbeb ru tonowen ndaaba todi paam, ŋgeu to ineep izala hos pisosooŋa pogho, imbut di pa buza to ineep ila avo, le tisob timatmaat. Ghoro man tisob tiroov tila, ve timbutur izala poghodi, ve tighan tighan le apodi isuŋ.

Saveeŋ Yoŋgaaŋ 2:1

Ŋgeu tonowen isaav payou muul ighaze: “Aŋela to iŋgin lupuuŋ tiou to tineep izi ndug Epesus, umbood saveeŋ ila pani tovene: ‘Ŋgeu to ikis pitum liim ve ru ila nima waan, ve ilaghlaagh ila lam aia milmilia liim ve ru lolodi, aliŋa ilat payom ighaze:

Saveeŋ Yoŋgaaŋ 2:12

“Aŋela to iŋgin lupuuŋ tiou to tineep izi ndug Pergamum, umbood saveeŋ ila pani tovene: ‘Ŋgeu to aliŋa ilat payom, buza toni mata kat. Ve buza tonowen, ye mata ru. Ye isaav payom ighaze: Syg 1:16

Saveeŋ Yoŋgaaŋ 2:16

Tovenen utoor ŋgar tiom. Ighaze maau, you pale nalat tiom rikia moghon, ve naparab toman ndiran tonanan pa buza to ineep ila avog ne. Syg 1:16, 19:15,21

Saveeŋ Yoŋgaaŋ 3:1

“Aŋela to iŋgin lupuuŋ tiou to tineep izi ndug Sardis, umbood saveeŋ ila pani tovene: ‘Ŋgeu to Maaron Avuvu liim ve ru tineep tomani, ve ikis pitum liim ve ru, aliŋa ilat payom ighaze: Syg 1:4,16 ‘Ŋgar ve uraat to yom ughamgham di, you nawatag di tisob. Tamtoghon tipait ghom toman lupuuŋ tiom tighaze nepooŋ tiam to anunumim, nene iyaryaaŋ kat. Eemoghon you naghita ghurla tiam, nene imaat wa.