Rau Tau Paulus Iboode Pa Yes Roma Rom--Romans 16:1 - Mutu (Oov)

^1-2 You naghaze napaes payam pa livuud Fibi. Ye liva poia eez to iuluul lupuuŋ to Krisi izi ndug Kenkria. Iuluul ival tiina, ve iuluul ghou paam. Tovenen sawa to ye ilat ivot, yam aghami toman lolomim poia, ve yamŋa aneep. Ve ighaze ye le pataŋani eta, ghoro auuli. Pasa, iit tamtoghon to Maaron irau tataghon ŋgar tovene.

Maaron Saveeŋ Tooni Patabuyaaŋ Tuam

^1-2 Yau naghe napaes payam pa livuun Fibe. I livaa poia ee tau iuluul lupuuŋ to Krisi izi nugh Kenkria. Iuluul eval tiina, ve iuluul ghau paam. Tauvene saawe tau ilat tsiam, aghamu toman lolomim poia, ve yamŋa aleep. Ve isaav ighe i le pataŋani eta, o auule. Pa iit tamtamon to Maaron irau tataghon ŋgar tauvene.

Rau Tau Paulus Iboode Pa Yes Roma Rom--Romans 16:1 Iomraidhean Croise

Matayu 12:50

Pasa, sei to ighaze itaghon Tamaŋ to ineep izi sambam we ŋgar toni, nene inim you tazig, livug, ve tinaŋ.” Yo 15:14+; Ro 8:29; Hib 2:11+

Markus 10:30

nene pale poia tiina to Maaron iza toni le iyat mulin mbeb tisob to tamtoghon tonenen ipul di, irau tamoot liim (100). Pasa, sawa tonene to ye ineep izi taan, Maaron pale igham le ruum, toŋvetaz, ndinatu, nditina, ve uum katindi. Eemoghon tamtoghon pale tighur pataŋani pa tamtoghon tonenen paam pasa, ye itaghon ghou ve ivovotia varug. Ve sawa to Mboŋ Muri ighaze ivot, ye pale ineep mata iyaryaar le alok.

Lukas 8:3

Ve Yoana to azuwa Kuza iŋgin uraat pida to Erod, ve Susana, toman ndiliva pida paam. Yes tiuluul Yesu toman taghoniiŋa toni pa adi aniiŋ ve mbeb pida paam. Mt 27:55

Uraat To Yes Mbaŋooŋa 18:18

Paulus ineep mala ris izi ndug Korin toman yes toŋvetaz to Krisi, ghoro ikis nimadi, ve ipul di. Prisila yesuru Akwila tila tomani, le tila tivot ndug Kenkria. Tila tivot tonowe, ghoro tikot Paulus daba rau inim ghilalooŋ pa saveeŋ to ye imbua toman Maaron. Ghoro yes tol tigham waaŋ tighaze tiraav tila pa taan suruvu to Siria. Nam 6:1-21; Mbaŋ 21:24

2 Korin 3:1

Vena, saveeŋ tiei tonene, yei nisavia pa nipait taumai muul, leso aghur ila uraat tiei? Maau. Onoon, tamtoghon pida tikis ledi rau to ipatooŋ di ighaze izadi pa uraat todi. Eemoghon yei lemai pughu eta pa nipatooŋ rau tovene payam, ma nighason gham pa ambood rau tovene payei ne maau. 2Kor 5:12, 10:12

1 Timoti 5:2

Ve ndiliva ndolman, ugham ŋgar padi inimale ughamgham pa tinam. Ve yes ndiliva papaghu paam, ugham ŋgar ŋgalaaŋa moghon padi inimale ughamgham pa ndilivum.

Pilemon 1:2

Ve saveeŋ tonene ila to livuud ite Apia, yesuru Arkipus to yeiŋa ninim ndaaba to Krisi ve niparab ariaŋa pa saveeŋ toni. Ve ila to lupuuŋ to Krisi to tiluplup di pa suŋuuŋ ila ruum tiom ne paam.

Yakobus 2:15

Laak, ighaze toŋvetaz tiam eta ilat, ve ye le nonogiiŋa to moŋeŋaaŋ maau, ve imbool pa aniiŋ. Lu 3:11; 1Yo 3:17+