Rau Tau Paulus Iboode Pa Yes Roma Rom--Romans 13:1 - Mutu (Oov)

¹ Tamtoghon tisob irau tineep ila yes pooza to taan to tiŋgin ghiit ne sambadi. Pasa, pooza eta to taan iyoon sorok maau. Maaron tau ighur uraat tonowen ila nimadi. Yo 19:11; Tit 3:1; 1Pe 2:13+

Maaron Saveeŋ Tooni Patabuyaaŋ Tuam

¹ Tamtamon tisov aat tileep ila yes pooza to taan tau tiŋginŋgin ghiit ne sambazi. Pa pooza eta to taan iyooz sorok mako. Maaron tauu ighur uraat tawe ila nimazi. Yo 19:11; Tit 3:1; 1Pe 2:13+

Rau Tau Paulus Iboode Pa Yes Roma Rom--Romans 13:1 Iomraidhean Croise

Matayu 6:13

Upul tovaaŋ ivot payei malep. Uvool tiei, ve upoon ghei pa mbeb samsamia tisob.’ Lu 22:40; Yo 17:15; 2Tes 3:3; 2Pe 2:9

Yoan 19:11

Yesu isaav pani tovene: “Ighaze Maaron to sambam ipul ghou nalat nimam maau, nene irau lem tapirim pa ugham mbeb eta payou maau. Tovenen ŋgeu to ighur ghou nalat nimam, sosor toni ilib pa sosor tiom.” Yo 10:18; Mbaŋ 2:23

Uraat To Yes Mbaŋooŋa 2:41

Sawa tonenen, tamtoghon irau ndiŋndiŋ tol (3000) ma venen tighur ila Petrus aliŋa, ve tigham ya. Tovenen yes paam tilooŋ tila lupuuŋ to Krisi.

Rau Tau Paulus Iboode Pa Yes Roma Rom--Romans 12:21

Tovenen apul ŋgar samia itatan gham malep. Yam irau atatan ŋgar samia pa ŋgar poia.

Rau Tau Paulus Iboode Pa Yes Roma Rom--Romans 13:2

Tovenen ighaze tamtoghon eta izoor yes pooza to taan, nene ye izoor Maaron. Pasa, Maaron to ighur di pa uraat todi. Tovenen ighaze tamtoghon eta izoor di, ye pale igham atia pa ŋgar toni tonenen.

Epesus 5:21

Yam aroron pa Tiina toit Yesu Krisi, ve aghaze ataghon ŋgar toni. Tovenen atatan taumim ve aneep ila nditamim sambadi. 1Pe 5:5

Titus 3:1

Upei ŋgar to tamtoghon muul, leso tineep ila yes daba to gavman ve pooza todi sambadi ve tilooŋ aliŋadi, ve tisaŋan pa ghamuuŋ uraat popoia to naol ne. Ro 13:1+; 1Pe 2:13+

Rau Tau Jud Iboode Jut--Jude 1:8

Ndiran kaaromŋa to tineep ila lolomim, tovene paam. Ŋgar todi iŋgalaaŋ ila Maaron mata maau. Pasa, tandagiiŋ todi soroksorok igham ŋgar todi iwaghamgham. Tauto titaghon ŋgar samsamia naol to lolodi ipazaagh di pani, ve tizorzoor yes pooza to Maaron ighur di pa tiŋgin ghiit, ve tipiyaav saveeŋ velegiiŋ pa yes aŋela to izadi ve tapiridi tintina. 2Pe 2:10+

Saveeŋ Yoŋgaaŋ 1:5

Yesu Krisi, ye lolo ee moghon, ve ipariaaŋ saveeŋ onoon. Leso tamtoghon tighur ila. Ye to imundig pa mateeŋ muuŋ. Ve ye imuuŋ pa mbeb to naol ne, ve iŋgin kinik tisob to taan. Ye lolo pait kat. Tauto siŋ toni imaliŋ ve imaat pa sosor toit, ve ipas ghiit tavot pa samia tapiri. Mbo 89:27; Yo 18:37; 1Kor 15:20; Syg 19:16

Saveeŋ Yoŋgaaŋ 17:14

Ve yesŋa mbeb samia pale tilup di, ve tiparab toman Sipsip to Maaron ve tamtoghon toni. Eemoghon pale tiraua maau. Sipsip to Maaron pale ilib padi. Pasa, ye tiina ilib pa ndimaronŋa tisob. Ve ye kinik tiina to ilib pa kinik tisob. Tamtoghon toni, nene yes to ye tau isia di ve ipoi di tinim le, ve tikis ghurla todi ariaŋa.” 1Tim 6:15; Syg 16:14, 19:19

Saveeŋ Yoŋgaaŋ 19:16

Ŋgeu tonenen, timbood iza ila nonogiiŋa toni ve ila ŋgoi paam tovene: ‘Kinik To Ilib pa Kinik Tisob, ve Maaron Tiina To Ilib Pa Ndimaronŋa Tisob.’ 1Tim 6:15; Syg 17:14