Rau Tau Paulus Iboode Pa Yes Roma Rom--Romans 10:8 - Mutu (Oov)

⁸ Saveeŋ tonene, ŋgara tovene: “Maaron saveeŋ toni ineep mala pait maau. Pasa, ineep ila avood ve lolood wa.” Lo 30:11-14 Laak, sa saveeŋ? Nene saveeŋ to yei nivovotia pa ataam to ghurla.

Maaron Saveeŋ Tooni Patabuyaaŋ Tuam

⁸ Saveeŋ tane, ŋgara tauvene: “Maaron saveeŋ tooni igheen malau pait mako. Pasaa, igheen ila avoon ve loloon wa.” Lo 30:11-14 Laak, saa saveeŋ? Ene saveeŋ tau yei nivovotia pa eez to ghuruuŋ ila.

Rau Tau Paulus Iboode Pa Yes Roma Rom--Romans 10:8 Iomraidhean Croise

Uraat To Yes Mbaŋooŋa 10:43

Propeta tisob tipariaaŋ saveeŋ toni tighaze tamtoghon tisob to tighur ila toni, ila ye iza, Maaron pale ireu sosor todi ilale.” Is 53:5; Ro 10:9; 1Yo 2:2,12

Uraat To Yes Mbaŋooŋa 16:31

Yesuru tipamuul aliŋa tighaze: “Ughur ila to Tiina tiei Yesu, leso igham mulin ghom toman yes to tineep ila ruum tiom ne paam.” Yo 3:16,36, 6:47

Rau Tau Paulus Iboode Pa Yes Roma Rom--Romans 10:17

Tovenen Maaron aliŋa to taloŋlooŋa, tauto ipamundigin ghiit pa taghur ila. Ve sawa to tivotia Krisi varu, tamtoghon tilooŋ saveeŋ toni.

Galesia 3:2

Yo, naghaze naghason gham pa mbeb eez. Yam agham Maaron Avuvu itaghon sa ataam. Ataam to taghoniiŋ tutuuŋ, ma ataam to alooŋ varu poia ve aghur ila? Mbaŋ 2:38; Ro 10:16+; Ep 1:13

Galesia 3:5

Ve pughu vena to Maaron irei Avuvu payam, ve ighamgham mbeb gharatooŋadi ila lolomim? Yam ataghon katin tutuuŋ toni, tauto igham ŋgar tovene payam ne? Maau. Yam alooŋ varu poia moghon, ve aghur ila.

1 Timoti 4:6

O Timoti, saveeŋ poia to iit taghur ila ne, tipatoot ghom pani ve utaghoni wa. Ighaze saveeŋ tonenen ipalot ghom inimale aniiŋ poia, ve upaesia aliŋag to ineep ila rau tonene pa yes toŋvetaz to Krisi, nene pale unum mbesooŋa poia to Yesu Krisi.

1 Petrus 1:23

Pasa, Maaron ivazog saveeŋ toni ila lolomim inimale aniiŋ uve poia, ve saveeŋ tonanan itoor gham anim paghu wa. Saveeŋ toni irau isami, ma isob ne maau. Pasa, nene Maaron tau aliŋa mata yaryaara to pale ineep tovene itaghoni taghoni gha ila. Lu 8:4+; Yo 1:13; Yems 1:18

1 Petrus 1:25

Eemoghon Ŋgeu Tiina aliŋa, nene inepneep tovene irau sawa isob.” Mbo 103:15, 119:89 Saveeŋ tonowen, nene varu poia to tivotia payam. Mt 5:18; 24:35