Rau Tau Paulus Iboode Pa Yes Roma Rom--Romans 1:3 - Mutu (Oov)

^3-4 Varu poia tonene isavia Maaron Natu Yesu Krisi. Ye Tiina toit. Ye izi inim taan ve inim tamtoghon, ve ye siŋ to kinik David. Avuvu Patabuaŋ ipaghazoŋan ghiit pani ighaze mundigiiŋ toni ila mateeŋ, tauto ipatooŋa ighaze ye Maaron Natu, ve tapiri tiina kat. Mt 1:1+; Hib 1:5

Maaron Saveeŋ Tooni Patabuyaaŋ Tuam

^3-4 Vaaru poia tane isavia Maaron Naatu Yesu Krisi. I Tiina toit. I izilam taan ve imin tamtamon, ve i siŋ to kinik David. Avuvu Patabuyaaŋ ipaghazoŋai ghiit pani ighe burigiiŋ tooni ila mateegh, tauta itotoia ighe i Maaron Naatu, ve tapiri tiina kat. Mt 1:1+; Hib 1:5

Rau Tau Paulus Iboode Pa Yes Roma Rom--Romans 1:3 Iomraidhean Croise

Matayu 1:1

Nene pitiiŋ to Yesu Krisi pughu toni. Yesu, ye siŋ to kinik David, ve David, ye siŋ to Abaraam. Mbnp 22:18

Matayu 1:16

Yakop natu Yosep. Yosep azuwa Maria to ipoop Yesu, ye to tiwaata tighaze Krisi ne.

Matayu 1:6

ve Yesi natu, nene kinik David. David ivai Uraia azuwa Batseba, ve yesuru tipoop Solomon. 2Sam 12:24

Matayu 12:23

Ival tiina tighita mbeb gharatooŋa tonenen, le tisob ruŋadi iza ve ŋgar todi isob. Tovenen tisaav tighaze: “Wai, ŋgeu tonene avaat David Natu tou?”

Matayu 15:22

Mala maau ve Kanaan tidi eez to ndug tonowen iŋarua Yesu ila, ve itaŋ rorani toman aliŋa tiina ighaze: “Tiina, yom David Natu. Lolom ghora, isamin ghou ve uul ghou! Pasa, avuvu samia izeev natug liva le isami kat.”

Matayu 26:63

Eemoghon Yesu isavia saveeŋ eta maau. Neneeŋa moghon. Tovenen daba to watooŋrau isaav pani muul ighaze: “You nasaav payom ila Maaron mata yaryaara iza: Yom irau usaav ghazooŋa payei. Yom Mesia ve Maaron Natu?” Is 53:7; Mt 27:12

Matayu 27:43

Ye inumeer Maaron, ve ighaze ye Maaron Natu. Poia. Ighaze Maaron lolo pani, ghoro iuuli to aazne!” Mbo 22:8

Matayu 3:17

Ghoro saveeŋ ineep sambam, ve izi inim ighaze: “Ŋgeu tonanan, you taug Natug ee moghon. You lolog pani kat, ve igham ghou lolog poia kat.” Mbo 2:7; Is 42:1; Mt 12:18, 17:5

Matayu 9:27

Yesu ipul ndug tonowen, ve isakia laghooŋ toni muul ila, ve ndiran ru to matadi pisi, titaghoni tinim, ve timboboob tighaze: “Oo, David Natu, lolom ghora, isamin ghei, ve uul ghei lak!” Mt 20:29+

Lukas 1:35

Aŋela ipamuul aliŋa ighaze: “Avuvu Patabuaŋ toman Maaron Tiina To Ilib Pa Ndimaronŋa Tisob Ne tapiri pale iza tiom. Tovenen pain to yom upoopa, ye pale patabuaŋ, ve tiwaata tighaze ‘Maaron Natu.’ Mt 1:18+; Mk 15:39

Lukas 1:69

Ye ighur leed Volaaŋa ariaŋa eez. Leso igham mulin ghiit pa pataŋani toit, itaghon saveeŋ to muuŋ ivotia ila yes propeta toni patabuaŋa avodi. Volaaŋa tonowen ivot ila siŋ to mbesooŋa toni David. Mt 1:1; Ro 1:1-3

Yoan 1:14

Tovenen aghita. Ŋgeu to ipaghazoŋan saveeŋ onoon ve ŋgar to Maaron pait, tauto inim tamtoghon ve inim ineep ila sosood wa. Ye ipatooŋ Maaron tapiri ve poia toni ivot ighazooŋ, ve yei nighita pa matamai. Tauto nighilaala nighaze ye Maaron tau Natu ee moghon to ineep to Tama Maaron ve inim. Poia to Maaron toman ŋgar toni to isasavia saveeŋ onoon moghon, nene ivon ila to Natu tonowen. Pil 2:6+; Kol 2:9; 1Tim 3:16; Hib 2:14; 1Yo 1:1+

Yoan 1:34

Ve alooŋ. You naghita katin mbeb tonenen pa taug matag wa. Tauto nasaav ghazooŋa payam. You naghur ila naghaze ŋgeu tonene ye Maaron tau Natu.” Mt 3:17

Yoan 1:49

Natanael ilooŋ saveeŋ tonene, ve ighaze: “Rabi, yom Maaron Natu. Yom moghon to kinik to Israel.” Mt 2:2, 16:16, 27:42; Yo 12:13

Yoan 10:30

You ve Tamaŋ, yeru ee moghon.” Yo 1:1, 17:11,21+

Yoan 10:36

Eemoghon you, Tamaŋ Maaron ighur ghou pa nagham uraat patabuaŋ tonene, ve imbaaŋ ghou nazi nanim taan. Tovenen ighaze nawaat taug naghaze you Maaron Natu, pughu vena to aghaze you naveleg Maaron ve nawaghamun iza?

Yoan 20:28

Tomas isaav pani ighaze: “Yom Tiina tiou, ve Maaron tiou!”

Yoan 20:31

Ve saveeŋ isob to ineep ila rau tonene, nene pa igham gham aghur ila to Yesu aghaze ye Mesia ve Maaron tau Natu. Leso ye ndamo payam, ve agham nepooŋ poia ila to Maaron. Ro 1:17; 1Yo 5:13

Yoan 5:25

You nasaav payam: Onoon kat, mala maau pale sawa paghu ivot. Aazne, inim igharau wa. Sawa tonenen ighaze ivot, yes to titaghon ataam to mateeŋ ne, pale tilooŋ Maaron Natu aliŋa. Ve ival tisob to ighaze tilooŋ aliŋa ve titaghoni, nene pale tigham nepooŋ poia ila to Maaron. Ga 2:20; Ep 2:1,5; Kol 2:13

Yoan 7:42

Pasa, Maaron aliŋa to timbooda, isaav ighaze Mesia pale ivot ila siŋ to David, ve tipoopa izi David ndug toni Betelem.” Mbo 132:11; Mika 5:2; Mt 2:5+

Uraat To Yes Mbaŋooŋa 2:30

Eemoghon David, ye propet to Maaron. Ve ye iwatag ighaze Maaron imbua saveeŋ tomani, ve ipariaaŋa le iyaryaaŋ kat ighaze ye pale ighur paghu toni eta inim kinik. Leso ana igham pooz inimale ye tau. 2Sam 7:12+; Mbo 89:3+, 132:11

Uraat To Yes Mbaŋooŋa 3:13

Maaron to nditimbuud, ye Maaron to Abaram, Isak ve Yakop. Ye to igham mbesooŋa toni Yesu iza ila pa sambam, ve aazne igham mbeb tonene pa ipaghazonan Yesu ighaze ye iza tiina. Yam awatag: Taumim aghur Yesu ila Piladus nima. Ve sawa to Piladus ilooŋ saveeŋ toni ve ighaze ipuli ilat tiam, yam azuruni. Igham 3:6; Lu 23:18+

Uraat To Yes Mbaŋooŋa 8:36

Yesuru titaghon ataam tila le peria ila ya eez. Tovenen daba tonenen imundig ve ighason Pilip ighaze: “Ughita. Ya eez tonene. Irau nagham ya, ma mbeb eta ipoon ataam payou?” Mbaŋ 2:38, 10:47

Uraat To Yes Mbaŋooŋa 9:20

Saul isaŋan maau. Rikia moghon ve ipamundigin uraat toni to votiaaŋ Yesu varu. Ye iloŋlooŋ ila rumai to yes Yuda, ve ivovotia Yesu varu padi ighaze ye Maaron Natu.

Rau Tau Paulus Iboode Pa Yes Roma Rom--Romans 1:9

You nambesmbees pa Maaron toman lolog, ve navovotia varu poia to Natu. Ye tau ighita ghou ve iwatag: Saveeŋ to naghaze nasavia, nene onoon. You naghurghur gham ila suŋuuŋ tiou irau sawa isob. Ve naghaghason Maaron naghaze ighur leg ataam eta pa nalat naghita gham. Ve ighaze ye lolo tovene, nene pale nalat. 1Tes 3:10; 2Tim 1:3

Rau Tau Paulus Iboode Pa Yes Roma Rom--Romans 4:1

Yo, iit mataad iŋgal ila pa Abaram to yei Yuda nivot ila toni. Pale tasaav vena pani?

Rau Tau Paulus Iboode Pa Yes Roma Rom--Romans 9:5

Yes tivot ila to nditimbudi Abaram, Isak, ve Yakop. Ve siŋ todi tonowen iseeŋga inim inim le aazne Krisi ivot ila todi. Krisi, ye Maaron, ve mbeb tisob tineep ila ye samba. Tovenen iit irau tapait iza pa poia toni itaghoni taghoni gha ila. Onoon. Mt 1:1+; Yo 1:1; Ro 1:3+, 11:28

1 Korin 1:9

Iit irau tanumeer Maaron. Pasa, ye itaghon saveeŋ toni irau sawa isob. Ve ipoi gham anim le ve yamŋa Natu Yesu Krisi alup gham anim ee moghon wa. Pil 1:6; 1Tes 5:23+; 1Pe 5:10

1 Korin 10:18

Matamim iŋgal ŋgar to yes Israela titaghoni pa watooŋrau todi. Ighaze tigham mbeb eta inim watooŋrau, nene timoz pida izala artaal, ve taudi tighan pida, leso yesŋa Maaron tilup di tinim ee moghon. Wkp 7:15

Galesia 4:4

Nineep tovene le niza pa sawa kat to Maaron ighuri, ghoro imbaaŋ tau Natu izi inim taan. Liva eez to taan ipoopa. Ve ye ineep ila tutuuŋ samba, ve itaghon katin tutuuŋ le isob. Mt 5:17; Yo 1:14

1 Tesalonika 1:10

Ve tisavia gham tighaze yam asasaŋan Maaron Natu to ye ipamundigini pa mateeŋ. Ye pale ipul sambam ve izi inim pa igham mulin ghiit pa mbalmbali to Maaron to muri pale ivot. Ro 5:9; Pil 3:20; 1Tes 5:9; Tit 2:13

1 Timoti 2:5

Iit tawatag: Maaron ee moghon to inepneep. Ve Ŋgeu ee moghon to iyoon bodbodaaŋ pa Maaron ve iit tamtoghon, ve ilup ghiit tanim ee moghon. Nene Yesu Krisi. 1Kor 8:4+; Ga 4:4+; Hib 9:15 Ye izi inim taan ve inim tamtoghon, ve iyokia tau ve imaat pa iit tasob. Tauto ighol sosor toit atia, ve ipas ghiit tavot pa samia tapiri. Mbeb tonenen ivot ila sawa to Maaron tau ighuri, ve ipariaaŋ ghiit pa taghur ila saveeŋ toni. Mk 10:45; Ep 1:7+

1 Timoti 3:16

Ŋgar to Maaron to iit tataghoni, muuŋ iyooŋ. Ve aazne, ivot ighazooŋ wa. Ŋgar tonowen, ival tiina tiyok tighaze nene pughu tiina kat. Pasa, isavia Krisi tovene: Ye ivot izi taan, ve inim tamtoghon raraate inimale iit. Sawa to Maaron Avuvu ipamundigini pa mateeŋ, nene ipatooŋa ighaze ye ŋgeu deŋia. Yes aŋela tighita. Tamtoghon tivotia varu irau ndug ndug to Yuda maau. Ve tamtoghon to tineep irau taan ne, tighur ila toni. Tama Maaron ighami imuul iza ila pa sambam, ve ipatooŋa ighaze ye iza tiina. Yo 1:14; Mbaŋ 1:9; Ro 1:4; Ep 1:20, 3:6

2 Timoti 2:8

Matam iŋgal Yesu Krisi irau sawa isob. Ye ivot ila siŋ to kinik David. Ve imaat, ve Maaron ipamundigini pa mateeŋ. You navovotia varu poia tonene pa tamtoghon, tauto nambadbaad pataŋani, ve aazne naneep ila ruum to yabyabuuŋ lolo ve tikau ghou pa sen inimale you ŋgeu samia. Eemoghon Maaron aliŋa, yes irau tipoon ataam pani maau. Ro 1:3; 1Kor 15:4; Pil 1:12+; Kol 4:3

1 Yoan 1:3

Tovenen mbeb to yei nighita ve nilooŋa, tauto nivotia payam. Leso yam anim alup gham toman ghei, ve itiŋa Tamaan Maaron ve Natu Yesu Krisi talup ghiit tanim ee moghon. Yo 17:21

1 Yoan 3:23

Tutuuŋ toni, nene vene: Iit irau taghur ila to Natu Yesu Krisi, ve lolood pa tauud ve tagham poian tauud itaghon tutuuŋ to Yesu tau isavia pait.

1 Yoan 3:8

Eemoghon ighaze tamtoghon eta ighamgham ŋgar samia irau sawa isob, nene ye ŋgeu to Sadan. Pasa, muuŋ kat ve inim, Sadan ighamgham ŋgar samia. Eemoghon Maaron Natu izi inim taan, ve ipatooŋ tau ivot ighazooŋ, leso ireu uraat to Sadan isob ilale. Yo 8:44; Hib 2:14

1 Yoan 4:15

Ighaze tamtoghon eta isaav ghazooŋa ighaze ye ighur ila ighaze Yesu, ye Maaron Natu, nene Maaron ineep tuŋia ila toni, ve ye ineep tuŋia ila to Maaron, ve yesuru tilup di tinim ee moghon.

1 Yoan 5:1

Tamtoghon tisob to tighur ila tighaze Yesu ye Mesia, Maaron igham di tinim paghu ve tinim ye ndinatu wa. Ve tamtoghon tisob to lolodi pa Tamaan Maaron, nene lolodi pa Maaron ndinatu paam. Yo 1:12+

1 Yoan 5:20

Ve iit tawatag: Maaron Natu izi inim taan, ve ipaghazoŋan ŋgar toit, leso tawatag katin Maaron tau. Tauto aazne, iit taneep ila to Maaron tau ve Natu Yesu Krisi, ve itiŋa talup ghiit tanim ee moghon. Yesu Krisi, ye Maaron tau. Ve ye to inim pughu pa nepooŋ to mataad iyaryaar. Yo 17:3

1 Yoan 5:5

Sei masin irau titatan ŋgar to taan? Nene yes to tighur ila to Yesu tighaze ye Maaron Naatu. Yes moghon to irau titatan ŋgar to taan. Ro 8:37; 1Kor 15:57

2 Yoan 1:7

You nasaav payam tovene pasa, ndiran kaaromŋa naol tila tirau taan, ve tipapaghau tamtoghon pa ataam to Maaron. Saveeŋ to iit tavovotia taghaze Yesu Krisi izi inim taan ve inim tamtoghon, nene yes tivotia maau. Pasa, yes tighur ila tovene maau. Tamtoghon to ighaze igham tovene, ye ŋgeu to kaarom, ve inim Yesu koia. 1Yo 2:18+, 4:1+

Saveeŋ Yoŋgaaŋ 2:18

“Aŋela to iŋgin lupuuŋ tiou to tineep izi ndug Tiatira, umbood saveeŋ ila pani tovene: ‘Maaron Natu, mata inimale yab yama, ve aghe milmilia inimale mbaras to yab ighani le muun ighau ve ŋgalaaŋa kat. Aliŋa ilat payom ighaze: Syg 1:14+