Matayu 6:12 - Mutu (Oov)12 Ureu sosor tiei, inimale yei nipul sosor to tamtoghon tigham payei. Mt 18:21+; Ep 4:32; Kol 3:13 Faic an caibideilMaaron Saveeŋ Tooni Patabuyaaŋ Tuam12 Upul sosor tsiei, imin yei nipul sosor tau tamtamon tigham payei. Mt 18:21+; Ep 4:32; Kol 3:13 Faic an caibideil |
Tila tilooŋ tonowe, ve mala maau, ndiran pida timbaad ŋgeu narape eez izala ndiu pogho ve tinim tighaze Yesu iuuli. Ŋgeu tonowen, aghe imaat. Irau ilaagh maau. Yesu ighita ndiran tonenen ghurla todi iyaryaaŋ kat. Tovenen isaav pa narape tonowen ighaze: “Tazig, umatughez malep. Sosor tiom, you nareua wa.”
Yesu isaav muul ighaze: “Aŋgabiiz tamtoghon aghaze yes samsamiadi rikia malep. Ve aghur pataŋani iŋarua di pa sosor todi rikia malep. Pasa, ighaze yam agham tovene, nene pale Maaron igham ŋgar raraate payam paam. Yam apul nditamim sosor todi. Leso Maaron ipul sosor tiam paam. Mt 6:14; Ro 2:1; Yems 2:13
“Tovenen yam toŋvetaz, alooŋ! Yei nivotia saveeŋ payam leso awatag kat tovene: Tutuuŋ to Mose, nene irau igham mulin ghiit kat pa pataŋani to sosor toit ne maau. Eemoghon ila Yesu uraat toni, Maaron ireu sosor toit kat. Tamtoghon tisob to tighur ila to Yesu, ye pale ipas di tivot pa samia tapiri, ve ireu sosor todi isob ilale, leso tineep deŋiadi ila Maaron mata. Ro 3:28; Ga 2:16; 1Yo 2:2,12
Ighaze tamtoghon tigham samin gham, yam ayati malep. Ambaad pataŋani tonenen, ve apatooŋ ŋgar luuma padi. Ve ighaze tiam eta igham ŋgar eta to irau lolomim maau, matamim kisin sosor toni malep. Yamŋa agharaat lolomim ve apul sosor toni, inimale Tiina toit Krisi ipul sosor tiam. Mk 11:25; Ga 5:22; Ep 4:2,32