Matayu 4:4 - Mutu (Oov)

⁴ Eemoghon Yesu ipamuul aliŋa ighaze: “Maaron aliŋa to timbooda, isaav ighaze: Aniiŋ moghon irau igham tamtoghon tineep pooi ne maau. Saveeŋ isob to ivot ila Maaron avo, tauto igham di tineep pooi.” Lo 8:3; Is 55:1-2

Maaron Saveeŋ Tooni Patabuyaaŋ Tuam

⁴ Eemon Yesu iyol aliiŋa ighe: “Maaron aliiŋa tau tiboode na isaav tauvene: ‘Aniiŋ mon irau igham tamtamon tileep poi ne mako. Saveeŋ isov tau ivot ila Maaron aavo, tauta igham zi tileep poia.’ ” Lo 8:3; Is 55:1-2

Matayu 4:4 Iomraidhean Croise

Matayu 15:11

Mbeb to tilooŋ tila tamtoghon avodi ve tizila apodi, eta irau igham di tisami ila Maaron mata ne maau. Ŋgar samsamia to tineep ila tamtoghon lolodi, ve tisavia di tivot ila avodi, tauto igham di tasami ila Maaron mata.” Mt 12:34; 1Tim 4:4

Matayu 4:10

Eemoghon Yesu izuruni ighaze: “Sadan, yom ughau ula! Pasa, Maaron aliŋa to timbooda, isaav tovene: ‘Uput aghem pa Tiina tiom Maaron moghon, ve umbees pa ye eŋgeni.’ ” Lo 6:13; Mt 16:23

Matayu 4:7

Yesu ipamuul aliŋa ighaze: “Eemoghon Maaron aliŋa waaro ite to timbooda isaav tovene: Utoov Tiina tiom Maaron tapiri malep.” Lo 6:16

Markus 7:20

Ve Yesu isaav muul ighaze: “Ŋgar samsamia to tineep ila tamtoghon lolodi ve tivotvot, tauto tigham di tisami ila Maaron mata.

Lukas 4:12

Yesu ipamuul aliŋa ighaze: “Eemoghon Maaron aliŋa waaro ite isaav tovene: ‘Utoov Tiina tiom Maaron tapiri malep.’ ” Lo 6:16; 1Kor 10:9

Lukas 4:4

Eemoghon Yesu ipamuul aliŋa ighaze: “Maaron aliŋa to timbooda, isaav tovene: ‘Aniiŋ moghon irau igham tamtoghon tineep pooi ne maau.’ ” Lo 8:3; Is 55:1-2

Lukas 4:8

Eemoghon Yesu ipamuul aliŋa ighaze: “Maaron aliŋa waaro ite to timbooda, isaav tovene: ‘Uput aghem pa Tiina tiom Maaron moghon, ve umbees pa ye eŋgeni.’ ” Lo 6:13, 10:20

Yoan 15:26

Yesu iseeŋ saveeŋ toni muul ighaze: “Palotiiŋa to pale inim, ye ineep to Tamaŋ. Ve you pale nambaaŋa izilat tiam. Ye Maaron tau Avuvu to ivot ila toni ve izi inim. Ye isasavia saveeŋ onoon moghon. Ve ye pale ipariaaŋ saveeŋ tiou, leso tamtoghon tighur inim tiou. Lu 24:49; Yo 16:14; Mbaŋ 2:33

Yoan 6:63

Maaron Avuvu moghon irau igham nepooŋ poia to anunuud ivot. Mbeb eta to tamtoghon to taan tighami ila taudi tapiridi ve ŋgar todi, irau iuul di pa tigham nepooŋ tonenen maau. Saveeŋ to you nasavia payam, tauto inim ataam pa agham Maaron Avuvu toman nepooŋ poia. 2Kor 3:6; 1Pe 1:23

Rau Tau Paulus Iboode Pa Yes Roma Rom--Romans 15:4

Maaron aliŋa isob to muuŋ timbooda, nene ineep pa ipaghazoŋan ghiit, ve ipalot ghiit. Leso lolood ru malep, ve tayoon ariaŋa pa badooŋ pataŋani, ve taghur mataad pa sawa to Maaron igham mulin ghiit ve taneep pooi. Ro 4:23+; 1Kor 10:11; 2Tim 3:16+

Epesus 6:17

Ve uraat to Yesu Krisi to igham mulin ghiit, nene aghami inim lemim. Pasa, nene inimale hat ariaŋa to ipoon dabamim pa ndaab. Ve saveeŋ to Maaron to Avuvu Patabuaŋ igham pait, nene yam akisi inim lemim buza. 1Tes 5:8; Hib 4:12; Syg 19:15