Matayu 26:3 - Mutu (Oov)

^3-4 Sawa tonenen, yes daba to watooŋrau toman pooza pida tilup di ila ruum to Kaiapas lolo, ve tiwasavon di pa ataam to tikis Yesu inimale yoŋgaaŋ, leso tirabi imaat. Kaiapas, ye daba to imuuŋ pa yes to watooŋrau. Mbo 2:1-3

Maaron Saveeŋ Tooni Patabuyaaŋ Tuam

^3-4 Saawe tana, yes daaba to watooŋrau tomania yes pooza siriv tilup zi ila ruum to Kaiapas loolo, ve tivasavo zi pa eez to tikis Yesu imin yoŋgaaŋ, leso tiravu imaat. Kaiapas, i daaba tau imuuŋ pa yes to watooŋrau. Mbo 2:1-3

Matayu 26:3 Iomraidhean Croise

Matayu 26:69

Sawa to yes daba tilooŋ saveeŋ to Yesu, Petrus mbole izi pumuri ila sirsiir lolo. Liva paghu eez to imbesmbees pa daba to watooŋrau ila toni, ve isaav pani ighaze: “Ai, yom tonene ulaghlaagh toman Yesu to Galilaia paam.”

Matayu 27:27

Yes ndaaba tonenen tigham Yesu ve tilooŋ tila gavana ruum toni lolo, ghoro tipoi nditadi tisob tinim tilup di, ve tiyoon luvutin Yesu, ve tipamogherani inimale ye kinik.

Markus 14:54

Petrus ipaspasi pooi, ve itaghon Yesu ila. Eemoghon ilaagh muri kat padi, pasa imatughez. Ye ilaagh riŋa riŋa tovene le ila peria sirsiir to ruum tonenen. Ghoro ilooŋ ila sirsiir lolo, ve mbole izi toman uraata pida to daba to watooŋrau ila yab dige, ve yab ilaava.

Markus 14:66

Sawa to yes daba tilooŋ saveeŋ to Yesu, Petrus ineep sila igharau yab to titavuna ila sirsiir lolo, ve yab ilaava. Liva paghu eez to imbesmbees pa daba to watooŋrau, inim ve imbatut poian Petrus nagho, ve isaav ighaze: “Ai, yom tonene ulaghlaagh toman Yesu to Nasaret paam.”

Markus 15:16

Yes ndaaba tonowen tigham Yesu tilooŋ tila gavana ruum toni lolo, ghoro tipoi nditadi tisob tinim tilup di, ve tipamogheran Yesu inimale ye kinik.

Lukas 22:55

Tamtoghon pida titavun yab izi sirsiir to ruum tonowen lolo, ve mboledi izi ila yab dige. Tovenen Petrus ila ve mbole izi toman di.

Lukas 3:2

Ve Anas yesuru Kaiapas tinim daba pa yes ndiran to watooŋrau. Mt 26:3; Yo 18:13; Mbaŋ 4:6 Sawa tonenen, Yoan to Sakaria natu, inepneep izi ndug balim, ve Maaron aliŋa inim pani.

Yoan 11:57

Sawa tonenen, yes daba to watooŋrau toman ndiran tutuuŋa tisaav ariaŋa pa ival tiina tovene: Ighaze tamtoghon eta iwatag ndug to Yesu ineep pani, ye irau rikia moghon ve ipaes padi. Leso tila tikisi.

Yoan 18:24

Yesu isaav tovene, ghoro Anas ipuli, ve isaav ve tighami tila to Kaiapas to daba to watooŋrau. Ve ravraav to tikau Yesu nima pani, nene inepneep, ve ye ilaghlaagh tomani.

Yoan 18:28

Mboŋmaagh kat, daba to yes Yuda tigham Yesu ve tipul ruum to Kaiapas, ve tighami tila pa ruum tiina to Piladus to gavana to Rom. Eemoghon tilooŋ tila ruum toni lolo maau. Tineep pumuri. Pasa, Piladus, ye Yuda maau. Ve sawa to Pasova inim igharau wa. Tovenen timatughez: Ighaze tilooŋ tila ruum toni lolo, nene pale igham di tisami ila Maaron mata, ve irau tighan aniiŋ to Pasova maau.