Matayu 21:16 - Mutu (Oov)

¹⁶ Tovenen tisaav pa Yesu tighaze: “Ai, saveeŋ to titem pani we, yom ulooŋa, ma maau?” Yesu ipamuul aliŋadi ighaze: “Vee, you nalooŋa wa. Vena, yam awaat saveeŋ to Maaron rita, ma maau? Pasa, saveeŋ toni waaro eez isaav ighaze: ‘Maaron, yom ughur ndipain geegeu pa tipait yom izam! Yes to ndolman ris, ve yes to tighunghun tuz ne paam!’ ” Mbo 8:2

Maaron Saveeŋ Tooni Patabuyaaŋ Tuam

¹⁶ Tauvene tisaav pa Yesu tighe: “Ai, saveeŋ tau tibobaini we, yo ulooŋa, ma mako?” Yesu iyol aliŋazi ighe: “Vee, yau nalooŋa wa. Ve mindai, yam awaat saveeŋ to Maaron rigta, ma mako? Pa saveeŋ tooni ziiri ee isaav tauvene: ‘Maaron, yo ughur geegeu to tipait yo ezam! Yes tau zolman rig, ve yes tau tighunghun tuz na paam!’ ” Mbo 8:2

Matayu 21:16 Iomraidhean Croise

Matayu 11:25

Sawa tonenen, Yesu isuŋ ighaze: “O Tamaŋ, yom Tiina to uŋgin sambam ve taan. You napait ghom toman lolog poia. Pasa, yes to ledi ŋgar tintina ve tighazooŋ pa mbeb naol, yom uŋgooz uraat tiou tonene pughu padi. Ve upaghazoŋani pa yes to tigham ŋgar pa izadi maau ve tinumeer ghom inimale ndipain geegeu tinumeer nditamandi ve nditinandi. 1Kor 1:26+

Matayu 12:3

Yesu ipamuul aliŋadi ighaze: “Kamos to isavia sawa to kinik David yesŋa ndita pida pitool di, yam awaata, ma maau? Sawa tonenen, David ilooŋ ila mbeez (o haus sel) patabuaŋ to Maaron, ve igham mberet patabuaŋ to tighuri ila Maaron nagho. Mberet tonowen tutuuŋa tovene: Ival tiina irau tighan maau. Yes ndiran to watooŋrau moghon, ghoro tighani. Eemoghon David igham mberet tonenen ve ighani, ve irei pida pa tamtoghon toni, ve tighan paam. 1Sam 21:1+

Matayu 19:4

Yesu ipamuul ghasoniiŋ todi ighaze: “Yam awaat saveeŋ to Maaron, ma maau? Pasa, saveeŋ toni isaav tovene: Muuŋ kat, sawa to Maaron ighur sambam ve taan, ye ighur tamtoghon. Ighur tamoot ve liva. Mbnp 1:27, 5:2

Matayu 22:31

“Yo, you naghaze naghason gham pa mundigiiŋ to yes mateeŋa. Vena, Maaron aliŋa waaro eez isaav payam ighaze: ‘You Maaron to Abaraam, Maaron to Isak, ve Maaron to Yakop.’ Igham 3:6 “Yam awaat saveeŋ tonenen, ma maau? Maaron, ye Maaron to yes mateeŋa maau. Ye Maaron to yes to tineep matadi iyaryaar.” Mbaŋ 7:32; Hib 11:16

Markus 13:17

Sawa tonenen ighaze ivot, ndiliva to apodi, ve yes payamyamŋa, tikaria taudi wa. Pasa, tipataŋan pa ghaoŋ.

Markus 2:25

Yesu isaav padi ighaze: “Kamos to isavia sawa to kinik David yesŋa ndita pida timbool pa aniiŋ ve pitool di, yam awaata rita, ma maau? Kamos tonenen isaav tovene: Sawa to Abiata ye daba to watooŋrau, David ilooŋ ila mbeez (o haus sel) patabuaŋ to Maaron, ve igham mberet patabuaŋ to tighuri ila Maaron nagho. Mberet tonowen tutuuŋa tovene: Ival tiina irau tighan maau. Yes ndiran to watooŋrau moghon, ghoro tighani. Eemoghon David igham mberet tonenen ve ighani, ve irei pida pa tamtoghon toni ve tighan paam.” Wkp 24:5+; 1Sam 21:4+

Lukas 21:23

Sawa tonenen ighaze ivot, ndiliva to apodi, ve yes payamyamŋa, tikaria taudi wa. Pasa, tipataŋan pa ghaoŋ. Sawa tonenen, mbalmbali to Maaron pale iza to taan tonene tamtoghona, ve pataŋani tiina kat igham di. 1Kor 7:26