Matayu 2:15 - Mutu (Oov)

¹⁵ Tinepneep tonowe le Erod imaat. Tauto saveeŋ to Maaron ivotia ila propet toni eez avo, anoŋa ivot. Saveeŋ tovene: Natug ineep izi Isip, ve napoii imuul inim. Igham 4:22; Hos 11:1

Maaron Saveeŋ Tooni Patabuyaaŋ Tuam

¹⁵ Tilepleep ta sewe le Erod imaat. Tauta saveeŋ tau Maaron ivotia ila propet tooni ee aavo na ighur anooŋa. Saveeŋ tauvene: “Natug ileep izi Isip, ve napoii imuul ilam.” Igham 4:22; Hos 11:1

Matayu 2:15 Iomraidhean Croise

Matayu 1:22

Mbeb tonenen tisob titaghon saveeŋ to muuŋ Maaron ivotia ila propet toni eez avo. Saveeŋ tovene:

Matayu 2:14

Tovenen Yosep imundig pa mboŋ, ve igham pain kainaŋen yesuru tina, ve tighau tila pa Isip.

Matayu 2:17

Tovenen Maaron aliŋa to muuŋ propet Yeremia ivotia, anoŋa ivot. Saveeŋ tovene:

Matayu 2:19

Yosep yesuru Maria ve natudi Yesu tinepneep izi Isip, le Erod imaat. Ghoro aŋela eez to Maaron ila ivot to Yosep ila vibiiŋ,

Matayu 2:23

Tila tivot tonowe, ve tineep izi ndug Nasaret. Tauto Maaron aliŋa to yes propeta toni tivotia, anoŋa ivot. Saveeŋ tovene: Tamtoghon pale tiwaata tighaze ‘ŋgeu to Nasaret.’ Lu 2:39; Yo 1:46

Matayu 21:4

Tauto Maaron aliŋa to muuŋ propet toni eez ivotia ne anoŋa ivot. Saveeŋ tonenen isaav ighaze:

Matayu 26:54

Eemoghon ighaze you nagham tovene, pale Maaron aliŋa to timbooda pataghaaŋ ne anoŋa ivot vena?”

Matayu 26:56

Poia. Akis ghou lak. Mbeb tisob to tivot ne, titaghon Maaron aliŋa to muuŋ yes propeta tivotia ve timbooda pataghaaŋ, leso anoŋa ivot.” Yesu isavia saveeŋ tonene, ve taghoniiŋa toni tisob tipuli, ve tighau. Mbo 88:8; Mt 26:31

Matayu 27:35

Yes tirab Yesu izala ai pambarooŋ, ghoro tigham nonogiiŋa toni toman mbeb toni pida, tighaze tireii irau di. Tovenen tigham mogheraaŋ eez, leso ipatooŋ sei to pale igham sa mbeb. Mbo 22:18

Matayu 8:17

Tovenen Maaron aliŋa to muuŋ propet Isaia ivotia ne, anoŋa ivot. Saveeŋ tovene: Pataŋani toit naol to igham ghiit tapiriid isob, tauto ye imbaad di tisob. Ve igharaat ghiit pa moroghooŋ toit paam. Wkp 16:8-10; Is 53:4; 1Pe 2:24

Lukas 24:44

Ghoro Yesu isaav padi ighaze: “Matamim iŋgal aliŋag to muuŋ itiŋa tanepneep ve nasavia payam: Saveeŋ isob to timbooda iza tiou, nene pale ighur anoŋa ivot itaghon Maaron ŋgar toni. Saveeŋ to ineep ila Mose tutuuŋ toni, saveeŋ to yes propeta, ve saveeŋ to ineep ila mbouŋ to iit Israela paam.” Mbo 2, 16, 22, 69, 72, 110, 118

Yoan 19:28

Yesu isavsaav pa tina ve taghoniiŋa toni tonenen le isob, ghoro iwatag ighaze ye ipasob uraat toni isob wa. Tovenen isaav ighaze: “You murun ghou!” Saveeŋ tonene, ye isavia leso Maaron aliŋa to timbooda ne anoŋa ivot.

Yoan 19:36

Mbeb tonenen tivot pa Yesu, leso Maaron aliŋa waaro eez to timbooda ne anoŋa ivot. Saveeŋ tovene: “Tua eta irau ipol maau.” Igham 12:46; Mbo 34:20

Uraat To Yes Mbaŋooŋa 1:16

“Yam toŋvetaz, muuŋ, Avuvu Patabuaŋ ipamundigin kinik David ve ivotia Maaron aliŋa to iŋarua mbeb to ivot pa Yudas. Saveeŋa ineep ila Maaron aliŋa to timbooda, ve aazne anoŋa ivot wa. Pasa, Maaron aliŋa isob pale ighur anoŋa ivot itaghon ye tau ŋgar toni. Yam awatag: Yesu igham Yudas inim taghoniiŋa toni, ve itiŋa taluplup ghiit ve tambesmbees pa uraat to Maaron. Eemoghon muri, Yudas ilaagh toman Yesu koia, ve ipatooŋ di pani, tauto tikisi. Mbo 41:9