Matayu 15:9 - Mutu (Oov)

⁹ Saveeŋ ve tutuuŋ katindi to tipatoot tamtoghon pani, nene itaghon ŋgar tiou maau. Itaghon ŋgar to tamtoghon moghon. Tauto suŋuuŋ ve mbesooŋ todi to tighamgham payou ne, inim mbeb sorok, ve le anoŋa maau.’ ” Is 29:13; Kol 2:20+; Tit 1:14

Maaron Saveeŋ Tooni Patabuyaaŋ Tuam

⁹ Saveeŋ ve tutuuŋ katini tau tipaduduuŋ tamtamon pani, ene itaghon ŋgar tsiau mako. Itaghon ŋgar to tamtamon mon. Tauta suŋuuŋ ve besooŋ toozi tau monmon tighamgham payau ne, imin kaut sorok, ve le anooŋa mako.’ ” Is 29:13; Kol 2:20+; Tit 1:14

Matayu 15:9 Iomraidhean Croise

Matayu 15:10

Yesu isavsaav toman di le isob, ghoro ipoi ival tiina tinim toni, ve isaav padi ighaze: “Alooŋ saveeŋ tonene, ve agham ŋgar pani pooi.

Markus 7:7

Saveeŋ ve tutuuŋ katindi to tipatoot tamtoghon pani, nene itaghon ŋgar tiou maau. Itaghon ŋgar to tamtoghon moghon. Tauto suŋuuŋ ve mbesooŋ todi to tighamgham payou, nene inim mbeb sorok, ve le anoŋa maau.’ ” Is 29:13; Kol 2:20+; Tit 1:14

1 Korin 15:2

Varu poia to muuŋ navotia payam, ighaze aghur ila ve akisi tuŋia, nene pale inim ataam payam ve Maaron igham mulin gham. Eemoghon ighaze akisi maau, nene pale inim mbeb sorok, ve aghita ghurla tiam anoŋa maau. Ro 1:16+, 11:22; Hib 3:14

1 Timoti 1:4

Ndiran tonanan, moghon moghon tiyouyou avodi pa vuvuaaŋ soroksorok katindi to titaghon pitiiŋ to yes Yuda. Tovenen usaav ariaŋa padi, leso tipul ŋgar todi tonowen ineeple. Pasa, saveeŋ tovene, nene igham tamtoghon tiwazoran di pa mbeb soroksorok to le anoŋa maau. Irau ipamundigin di pa tighur ila to Maaron, ve tigham uraat itaghon ŋgar toni ne maau. 1Tim 4:7; 2Tim 2:14+; Tit 1:14

Titus 1:14

Ve tighur taliŋadi pa vuvuaaŋ soroksorok to yes Yuda, toman tutuuŋ to yes to tighur muridi pa saveeŋ onoon to Maaron muul malep. 1Tim 1:4, 4:7

Hibru 13:9

Tovenen saveeŋ soroksorok to iyel pa saveeŋ to Maaron, nene iweu gham ve apul ataam toni malep. Onoon, ndiran pida tizuaria di taghaze le titaghon katin tutuuŋ naol to iŋarua aniiŋ ve mbeb pida. Eemoghon ŋgar to tighamghami, iuul di rita maau. Tagham tapiriid ila poia to Maaron, ghoro poia. Ro 14:17; Ep 4:14; Kol 2:4,16+

Yakobus 2:20

Yom ugham ŋgar to borouŋa! Ighaze ughur ila to Maaron, ve ughamgham ŋgar poia maau, ghurla tiom, nene mbeb sorok. Le anoŋa maau. Vena? Ughaze napaghazoŋan ghom pa saveeŋ tiou tonene pughu?

Saveeŋ Yoŋgaaŋ 22:18

Tamtoghon tisob to tilooŋ Maaron aliŋa to ineep ila rau tonene, you avog iyaryaaŋ padi tovene: Ighaze tamtoghon eta iseeŋ saveeŋ ite paam ila toman Maaron aliŋa tonene, Maaron pale ighur pataŋani to rau tonene isavia di tiza toni. Lo 4:2, 12:32