Matayu 10:5 - Mutu (Oov)

⁵ Sawa to Yesu imbaaŋ taghoniiŋa toni saaŋgul ve ru pa uraat, ipatoot di pa ataam to laghooŋ todi ighaze: “Yam ala pa taan to yes to Yuda maau ne malep, ve alooŋ ala ndug eta to yes Samaria paam malep. Yo 4:9; Mbaŋ 13:46

Maaron Saveeŋ Tooni Patabuyaaŋ Tuam

⁵ Saawe tau Yesu imbaaŋ mbiwa tooni saŋavul ve ru pa uraat, isaav pazi ighe: “Yam ala pa taan to yes tau Yuda mako na sov, ve aloŋ ala nugh eta to yes Samaria sov. Yo 4:9; Mbaŋ 13:46

Matayu 10:5 Iomraidhean Croise

Matayu 22:3

Tovenen isavtaran tamtoghon katindi ighaze tinim tighita vaiuuŋ to pale ivot. Ye itar tau pa mbeb naol le isob, ghoro imbaaŋ mbesooŋa toni pida tila pa youŋ yes to poiŋ toni igham di. Eemoghon tila le ndiran tonowen lolodi pa tila maau.

Matayu 4:15

Yam tamtoghon to aneep izi taan to yes Zebuluna ve Naptalia igharau ataam tiina to izila pa te, ve yam tamtoghon to aneep ya Yordan paŋa ite to ineep ila pa ndag iza, alooŋ saveeŋ tonene. Is 8:23 Yam Galilaia to aneep toman ndug ndug to Yuda maau ne, saveeŋ tonene ilat payam. Tamtoghon to tinepneep ila ndoroom lolo, tighita ghazooŋa tiina. Ve yes to ndoroom to mateeŋ ikau di, ghazooŋa to Maaron isul di. Is 9:1, 42:7; Lu 1:79

Markus 6:7

Ghoro ipoi taghoniiŋa toni saaŋgul ve ru tinim, ve ighur di ruŋaruŋa ighaze tila pa uraat. Ve irei tapiri irau di, ve ighur avuvu samsamiadi tineep ila sambadi, leso tindiir di tighau.

Lukas 10:1

Muri ghoro, Tiina toit Yesu ighur tamtoghon tamoot tol saaŋgul ve ru (72) paam pa uraat, ve imbaaŋ di ighaze tilaagh ruŋaruŋa, ve timuuŋ tila pa ndug tisob to ye ighaze ila padi, ve tigharaat ataam pani.

Lukas 10:33

“Ghoro Samaria taamdi eez, ana inim peria ndug to ŋgeu tonenen ighengheen pani. Ye ighita, le lolo isamini kat, ve ighaze iuuli.

Lukas 17:16

Ila ivot toni, ghoro itap izi ila Yesu aghe pughu, ve ighur nagho izila taan, ve ipaiti toman lolo poia. Ŋgeu tonowen, ye Yuda maau. Ye to Samaria.

Lukas 9:1

Muri ghoro, Yesu ipoi taghoniiŋa toni saaŋgul ve ru tinim tilup di, ve irei tapiri irau di, leso tigharaat moroghooŋ naol naol. Ve ighur avuvu samsamiadi tisob tineep ila sambadi, leso tindiir di tighau pa tamtoghon.

Lukas 9:2

Ve imbaaŋ di tila ighaze tivotia pooz to Maaron pa tamtoghon, ve tigharaat yes moroghooŋa le tinidi popoia. Mt 28:19+; Mk 16:15+

Yoan 17:18

You nambaaŋ di tila pa tineep ila tamtoghon to taan lolodi, ve tigham uraat padi, inimale yom umbaaŋ ghou nazi nanim naneep ila tamtoghon to taan lolodi. Mt 28:19; Yo 20:21

Yoan 20:21

Yesu isaav padi muul ighaze: “Luuma to Maaron ineep toman gham. Aazne, you nambaaŋ gham ala, inimale Tamaŋ imbaaŋ ghou nanim.” Mt 28:19

Yoan 4:20

Nes, you leg ghasoniiŋ eez payom. To muuŋ ve inim, yei Samaria nditimbumai tiluplup di pa suŋuuŋ izala lolooz tonowen. Ve aazne, paam, nitaghon ŋgar tonenen. Eemoghon yam Yuda aghaze tamtoghon irau tisuŋ pa Maaron izi ndug Yerusalem moghon. Laak, ndug sine to poia pa suŋuuŋ?” Lo 12:5+; Mbo 122:1+

Yoan 4:5

Tovenen ye ilaagh ila le ivot ndug eez to Samaria, iza Sikar. Ndug tonowen ineep igharau taan to muuŋ Yakop igham pa natu Yosep. Mbnp 33:19, 48:22

Yoan 4:9

Tovenen liva tonowen isaav pani ighaze: “Wai, yom Yuda taamdi, ve you Samaria tidi. Pughu vena to ughason ghou pa am ya?” Ye isavia saveeŋ tonene pasa, yes Yuda ve yes Samaria tiwalupun di pa nepooŋ maau. Lu 9:52+; Mbaŋ 10:28

Yoan 7:35

Tovenen daba to yes Yuda tiwaghasonin di tighaze: “Ŋgeu tonene pale ila sine ve taghita muul maau? Ma ye ighaze ila to nditaad pida to tila tineep ila yes Grika lolodi we, leso ipatoot yes Grika paam pa Maaron aliŋa?

Yoan 8:48

Yesu isavia saveeŋ tonene, ve yes Yuda tisaav pani tighaze: “Wai, saveeŋ tauto nisavia ila wa. Yom ukankaan pa Maaron unumale yes Samaria. Yom, avuvu samia izeev ghom!” Mk 3:21+; Yo 7:20, 10:20

Uraat To Yes Mbaŋooŋa 1:8

Ve alooŋ. Sawa to Avuvu Patabuaŋ izi inim ve izala poghomim, yam pale agham tapirimim tiina ila toni. Leso ayoon ariaŋa pa votiaaŋ varug ve apariaaŋ saveeŋ tiou. Pale agham uraat tonene izi Yerusalem muuŋ. Le isob, ghoro alaagh irau taan isob to Yudea, ve ala pa Samaria, ve alaagh irau taan dige to naol.” Lu 24:47+; Mbaŋ 2:1+

Uraat To Yes Mbaŋooŋa 10:45

Yuda pida to tighur ila to Krisi, yesŋa Petrus tinim. Tilooŋ ndiran tonowen tisavsaav ila ndug ndug aliŋadi ve tipapait Maaron iza, le tisob ruŋadi iza ve avodi ikaak. Pasa, Maaron irei Avuvu Patabuaŋ pa yes to Yuda maau ne. Mk 16:17; Mbaŋ 2:4; Ga 3:14

Uraat To Yes Mbaŋooŋa 8:1

Sawa to tirab Stepanus imaat, Saul ineep ve iyok pa ŋgar to tighami. Sawa tonenen ve ila, yes Yuda timundig ve tighur pataŋani tiina kat iŋarua lupuuŋ to Krisi to tineep izi Yerusalem. Tigham samin di kat. Tovenen tisob tiwaghaughau irau taan suruvu to Yudea ve Samaria. Ve yes mbaŋooŋa moghon to tineep izi Yerusalem. Mbaŋ 1:8, 11:19

1 Tesalonika 2:16

Ve mbeb ite. Yei nighaze nivotia Maaron aliŋa pa yes to Yuda maau ne, leso Maaron igham mulin di. Eemoghon yes Yuda lolodi pa ŋgar tonene maau. Tauto titovtoova pa tipoon ataam payei. Ŋgar samsamia naol to tighamgham di, nene tindoundou di le tizala kat. Tauto mbalmbali to Maaron iza todi wa. Mbaŋ 13:45,50, 17:5