Matayu 1:23 - Mutu (Oov)

²³ Aghita. Liva paghu eez to ivai sone pale apo, ve ipoop natu tamoot. Pale tiwaat iza Imanuel. Is 7:14

Maaron Saveeŋ Tooni Patabuyaaŋ Tuam

²³ “Aghita. Livaa mbiu ee pale aapo, ve ipoop naatu tamoot. Pale tiwaat eeza Imanuel.” Is 7:14

Matayu 1:23 Iomraidhean Croise

Matayu 1:24

Tovenen Yosep igheen le ndugizau, ghoro imundig ve itaghon saveeŋ to aŋela to Maaron isavia pani, ve igham Maria inim azuwa.

Lukas 20:44

Aghita. David tau iwaat Mesia ighaze ‘tiina toni.’ Eemoghon Mesia, ye siŋ to David. Mbeb tonene, ŋgara vena?”

Yoan 1:14

Tovenen aghita. Ŋgeu to ipaghazoŋan saveeŋ onoon ve ŋgar to Maaron pait, tauto inim tamtoghon ve inim ineep ila sosood wa. Ye ipatooŋ Maaron tapiri ve poia toni ivot ighazooŋ, ve yei nighita pa matamai. Tauto nighilaala nighaze ye Maaron tau Natu ee moghon to ineep to Tama Maaron ve inim. Poia to Maaron toman ŋgar toni to isasavia saveeŋ onoon moghon, nene ivon ila to Natu tonowen. Pil 2:6+; Kol 2:9; 1Tim 3:16; Hib 2:14; 1Yo 1:1+

Uraat To Yes Mbaŋooŋa 18:9

Mboŋ eez, Tiina toit Yesu ivot to Paulus ila tandagiiŋ, ve isaav pani ighaze: “Umatughez ve neneeŋam malep. Uyoon ariaŋa pa savsaveeŋ. Mbaŋ 23:11

Rau Tau Paulus Iboode Pa Yes Roma Rom--Romans 8:31

Laak, ighaze Maaron igham tovene pait, pale tasaav vena? Ighaze ye tau ivool toit, sei irau iwaghamun ghiit? Maau. Mbo 56:4; Hib 13:6

Rau Tau Paulus Iboode Pa Yes Roma Rom--Romans 9:5

Yes tivot ila to nditimbudi Abaram, Isak, ve Yakop. Ve siŋ todi tonowen iseeŋga inim inim le aazne Krisi ivot ila todi. Krisi, ye Maaron, ve mbeb tisob tineep ila ye samba. Tovenen iit irau tapait iza pa poia toni itaghoni taghoni gha ila. Onoon. Mt 1:1+; Yo 1:1; Ro 1:3+, 11:28

2 Korin 5:19

Muuŋ, koi ineep ila iit tamtoghon ve Maaron sosood. Pasa, tamamalaaŋ pa tutuuŋ toni. Eemoghon ila uraat to Krisi, Maaron ireu sosor toit, ve ipasob koi tonowen. Tauto aazne, mata kisin sosor toit muul maau, ve itiŋa talup ghiit tanim ee moghon wa. Ve ye ighur saveeŋ toni inim tiei, leso nivotia pa tamtoghon, ve tiwatag ataam to yesŋa Maaron tilup di tinim ee moghon. Mbo 32:1+; Ro 3:23+; Kol 1:19+

1 Timoti 3:16

Ŋgar to Maaron to iit tataghoni, muuŋ iyooŋ. Ve aazne, ivot ighazooŋ wa. Ŋgar tonowen, ival tiina tiyok tighaze nene pughu tiina kat. Pasa, isavia Krisi tovene: Ye ivot izi taan, ve inim tamtoghon raraate inimale iit. Sawa to Maaron Avuvu ipamundigini pa mateeŋ, nene ipatooŋa ighaze ye ŋgeu deŋia. Yes aŋela tighita. Tamtoghon tivotia varu irau ndug ndug to Yuda maau. Ve tamtoghon to tineep irau taan ne, tighur ila toni. Tama Maaron ighami imuul iza ila pa sambam, ve ipatooŋa ighaze ye iza tiina. Yo 1:14; Mbaŋ 1:9; Ro 1:4; Ep 1:20, 3:6

2 Timoti 4:17

Onoon, you eŋgengou. Eemoghon Maaron ineep toman ghou ve ipalot ghou. Tauto navotia katin varu poia pa yes to Yuda maau ne, ve tisob tilooŋa. Sawa tonenen, naghaze pale namaat. Eemoghon maau. Maaron iuul ghou, ve ipas ghou navot ila laion avo.

2 Timoti 4:22

Timoti, Tiina toit pale ineep toman ghom, ve poia toni iza to yam asob. Onoon.