Lukas 9:52 - Mutu (Oov)

⁵² Ye imbaaŋ tamtoghon pida timuuŋ tila pa ndug eez to Samaria, leso tigharaat ataam pani.

Maaron Saveeŋ Tooni Patabuyaaŋ Tuam

⁵² I imbaaŋ tamtamon siriv timuuŋ tila pa nugh ee to Samaria, leso tigharaat eez pani.

Lukas 9:52 Iomraidhean Croise

Matayu 10:5

Sawa to Yesu imbaaŋ taghoniiŋa toni saaŋgul ve ru pa uraat, ipatoot di pa ataam to laghooŋ todi ighaze: “Yam ala pa taan to yes to Yuda maau ne malep, ve alooŋ ala ndug eta to yes Samaria paam malep. Yo 4:9; Mbaŋ 13:46

Lukas 10:1

Muri ghoro, Tiina toit Yesu ighur tamtoghon tamoot tol saaŋgul ve ru (72) paam pa uraat, ve imbaaŋ di ighaze tilaagh ruŋaruŋa, ve timuuŋ tila pa ndug tisob to ye ighaze ila padi, ve tigharaat ataam pani.

Lukas 10:33

“Ghoro Samaria taamdi eez, ana inim peria ndug to ŋgeu tonenen ighengheen pani. Ye ighita, le lolo isamini kat, ve ighaze iuuli.

Lukas 17:11

Yesu ilaagh taghon ataam to ila pa Yerusalem, le ila ivot bodbodaaŋ pa Samaria ve Galilaia.

Lukas 17:16

Ila ivot toni, ghoro itap izi ila Yesu aghe pughu, ve ighur nagho izila taan, ve ipaiti toman lolo poia. Ŋgeu tonowen, ye Yuda maau. Ye to Samaria.

Lukas 7:27

Ye ŋgeu to muuŋ timbood saveeŋa ila rau patabuaŋ. Isaav tovene: ‘Ulooŋ. You pale nambaaŋ mbesooŋa tiou eez imuuŋ payom. Ye pale ivotia aliŋag pa tamtoghon, ve igharaat ataam payom.’ Mal 3:1; Mk 1:2

Yoan 4:4

Ataam to ye itaghoni, nene imbut taan suruvu to Samaria, ve ila ivot izi Galilaia.

Yoan 4:5

Tovenen ye ilaagh ila le ivot ndug eez to Samaria, iza Sikar. Ndug tonowen ineep igharau taan to muuŋ Yakop igham pa natu Yosep. Mbnp 33:19, 48:22

Yoan 4:9

Tovenen liva tonowen isaav pani ighaze: “Wai, yom Yuda taamdi, ve you Samaria tidi. Pughu vena to ughason ghou pa am ya?” Ye isavia saveeŋ tonene pasa, yes Yuda ve yes Samaria tiwalupun di pa nepooŋ maau. Lu 9:52+; Mbaŋ 10:28

Yoan 8:48

Yesu isavia saveeŋ tonene, ve yes Yuda tisaav pani tighaze: “Wai, saveeŋ tauto nisavia ila wa. Yom ukankaan pa Maaron unumale yes Samaria. Yom, avuvu samia izeev ghom!” Mk 3:21+; Yo 7:20, 10:20