Lukas 9:29 - Mutu (Oov)

²⁹ Ye isuŋsuŋ, ve nagho itoora, ve nonogiiŋa toni paam ipisosooŋ ve isul kat.

Maaron Saveeŋ Tooni Patabuyaaŋ Tuam

²⁹ I isuŋsuŋ, ve naagho itoora, ve nonoghiiŋa tooni paam ipisosooŋ le isul toman mbonari tiina.

Lukas 9:29 Iomraidhean Croise

Matayu 17:2

Tinepneep tonowe, ve Yesu nagho itoora ila yes tol matadi, le isul toman ŋguruba tiina kat inimale ndag mata. Ve nonogiiŋa toni paam, ipisosooŋ kat ve isul. Igham 34:29+; Yo 1:14; 2Pe 1:16+

Markus 16:12

Muri ghoro, taghoniiŋa ru to Yesu tipul ndug tiina Yerusalem, ve tilaagh taghon ataam tila, ve Yesu ivot todi. Eemoghon tighilaala rikia maau. Pasa, nagho itoora ite ris.

Lukas 3:21

Sawa to ival tiina tigham ya, Yesu paam ila toman di ighaze igham ya. Sawa to igham ya ve isuŋsuŋ, sambam ikaak, ve Avuvu Patabuaŋ izi inim inimale man mbaluuz, ve izala pogho. Ghoro saveeŋ ineep sambam ve izi inim ighaze: “You natug ee moghon to yom. You lolog payom, ve yom ugham ghou lolog poia kat.” Mbo 2:7; Is 42:1; Mt 17:5; Yo 1:32

Lukas 5:16

Tauto sawa pida, ye ilala pa ndug balim. Leso eŋgeni ineep ve isuŋ. Mt 14:23; Mk 1:35,6:46

Lukas 6:12

Sawa tonenen, Yesu izala pa lolooz eez ighaze isuŋ. Mboŋ tonenen, isuŋsuŋ ila le ndugizau.

Lukas 9:18

Sawa eez, Yesu toman taghoniiŋa toni eŋgendi tineep, ve ye isuŋsuŋ. Isuŋ le isob ghoro ighason di ighaze: “Laak, tamtoghon tigham ŋgar payou tighaze you sei?”

Lukas 9:30

Mala maau ve ndiran ru, Mose ve Ilia, tivot toni toman ŋgurubadi tiina. Tisavsaav toman Yesu pa uraat to ye pale ighami izi Yerusalem, ve ataam to ye pale igham mulin tamtoghon, ve ipul taan ve imuul izala pa sambam.

Yoan 1:14

Tovenen aghita. Ŋgeu to ipaghazoŋan saveeŋ onoon ve ŋgar to Maaron pait, tauto inim tamtoghon ve inim ineep ila sosood wa. Ye ipatooŋ Maaron tapiri ve poia toni ivot ighazooŋ, ve yei nighita pa matamai. Tauto nighilaala nighaze ye Maaron tau Natu ee moghon to ineep to Tama Maaron ve inim. Poia to Maaron toman ŋgar toni to isasavia saveeŋ onoon moghon, nene ivon ila to Natu tonowen. Pil 2:6+; Kol 2:9; 1Tim 3:16; Hib 2:14; 1Yo 1:1+

Uraat To Yes Mbaŋooŋa 6:15

Yes to tineep ila lupuuŋ tonenen tilooŋ saveeŋ tonene, le tisob matadi deŋia pa Stepanus, ve tighita nagho isul inimale aŋela.

Saveeŋ Yoŋgaaŋ 20:11

Ghoro matag ila le naghita Maaron ineep ila ina to ghamuuŋ pooz to pisosooŋa ve tiina kat. Ve taan toman mbeb to sambam paroŋania tighaze tighau pa ye mata. Eemoghon ledi ndug eta pa tiyooŋ pani maau. Mt 25:31+; 2Pe 3:7,10+