Lukas 9:19 - Mutu (Oov)

¹⁹ Yes tipamuul ghasoniiŋ toni tighaze: “Ndiran pida tighaze yom Yoan ŋgeu rughuzaaŋa, pida tighaze yom propet Ilia, ve pida tighaze propet muŋginadi to timaat alok wa, yom todi eez to imundig pa mateeŋ ve inim.”

Maaron Saveeŋ Tooni Patabuyaaŋ Tuam

¹⁹ Yes tiyol ghasoniiŋ tooni tighe: “Zeran siriv tighe yo ŋeer rughuzaaŋa Yoan, siriv tighe yo propet Ilia, ve siriv tighe propet muŋganazi tau timaat alok wa, yo toozi ee tau iburig pa mateegh gha ilam.”

Lukas 9:19 Iomraidhean Croise

Matayu 14:2

Tovenen isaav pa uraata toni pida ighaze: “Nowe avaat Yoan ŋgeu rughuzaaŋa. Ye imaat ve Maaron ipamundigini pa mateeŋ. Tauto tapiri tiina ineep toni, ve ighamgham mbeb gharatooŋadi.”

Matayu 3:1

Sawa to Yoan ŋgeu rughuzaaŋa ipamundigin uraat toni, ye ila ivot ndug balim to Yudea, ve ivovotia Maaron aliŋa pa tamtoghon ighaze:

Markus 6:14

Sawa tonenen, Yesu varu ilaan irau ndug naol, ve kinik Erod ilooŋa paam. Tamtoghon pida tighaze: “Nowe avaat Yoan ŋgeu rughuzaaŋa. Ye imaat, ve Maaron ipamundigini pa mateeŋ. Tauto tapiri tiina ineep toni, ve ighamgham mbeb gharatooŋadi.” Mk 8:28

Markus 6:15

Ve tamtoghon pida tighaze: “Maau. Ye avaat propet Ilia to imuul inim.” Ve pida tighaze: “Maau, ye avaat igham uraat inimale propeta muŋginadi pida.” Mt 16:14; Lu 9:19

Lukas 9:18

Sawa eez, Yesu toman taghoniiŋa toni eŋgendi tineep, ve ye isuŋsuŋ. Isuŋ le isob ghoro ighason di ighaze: “Laak, tamtoghon tigham ŋgar payou tighaze you sei?”

Lukas 9:20

Yesu ighason di muul ighaze: “Ve yam taumim, aghaze you sei?” Petrus ipamuul aliŋa ighaze: “Yom Mesia. Maaron ighur ghom pa ugham mulin tamtoghon toni itaghon saveeŋ mbuaaŋ toni.” Yo 6:68+, 11:27

Yoan 1:21

Tovenen tighasoni muul: “Ighaze venen, avaat yom propet Ilia tou?” Mal 4:5; Mt 11:14 Ye ipamuul aliŋadi ighaze: “Maau.” Tovenen tighasoni muul tighaze: “Wai, vene yom avaat propet tiina to nisasaŋani ne? Taum tonene?” Eemoghon ye ipamuul aliŋadi muul ighaze: “Maau.”

Yoan 7:40

Ival tiina tilooŋ Yesu aliŋa tonene, ve tamtoghon pida timundig ve tisaav tighaze: “Onoon kat, propet tiina to tasasaŋani ne, tau tonene!” Lo 18:15+; Yo 6:14

Yoan 9:17

Tovenen tighason ŋgeu to Yesu igharaat mata ne muul tighaze: “Laak, yom to ye igharaat matam, ugham ŋgar pani vena?” Ye ipamuul aliŋadi ighaze: “Ye avaat propet eez to Maaron.”