Lukas 8:37 - Mutu (Oov)

³⁷ Ival tiina to ndug Gerasa ve ndug pida to tineep tigharau, tilooŋ paesiiŋ todi tonenen, le matughezaaŋ tiina kat igham di. Tovenen tighason Yesu tighaze ipul di, ve ila pa ndug ite paam. Tovenen Yesu toman taghoniiŋa toni tipul di, ve tiza waaŋ todi tighaze timuul tila.

Maaron Saveeŋ Tooni Patabuyaaŋ Tuam

³⁷ Eval tiina to nugh Gerasa ve nugh siriv tau tigheen tigharau na, tilooŋ paesiiŋ toozi tana, le roiŋ tiina kat igham zi. Tauvene tighason Yesu tighe ipul zi, ve ila pa nugh ite paam. Tauvene Yesu tomania mbiwa tooni tipul zi, ve tizaa waaŋ toozi tighe timuul tila.

Lukas 8:37 Iomraidhean Croise

Matayu 8:34

Tovenen tamtoghon tisob to paanu tonowen tivot tila to Yesu, ve titaŋ rorani tighaze ipul ndug todi, ve ila pa ndug ite paam.

Markus 5:17

Ival tiina tilooŋ paesiiŋ todi, ve titaŋ roran Yesu tighaze ipul ndug todi, ve ila pa ndug ite paam.

Lukas 10:16

Yesu isaav muul pa taghoniiŋa toni tovene: “Ighaze tamtoghon eta ilooŋ aliŋamim, ye ilooŋ ghou paam. Ve ighaze tamtoghon eta izurun gham, ye izurun ghou paam. Ve ighaze tamtoghon eta izurun ghou, ye izurun Ŋgeu to imbaaŋ ghou nanim ne paam.” Mt 10:40; Yo 13:20; 1Tes 4:8; 1Yo 4:6

Lukas 5:8

Simon Petrus ighita mbeb tonenen, le itap izi Yesu aghe pughu, ve isaav pani ighaze: “Tiina, upul ghou ve ula! Pasa, you ŋgeu to ghamuuŋ sosor.” Is 6:5

Lukas 8:28

Ye ighita Yesu, le iyak samia, ve itap izi Yesu nagho. Yesu isaav ariaŋa pa avuvu samia to izeev ŋgeu tonowen ighaze ipuli ve ighau ila. Eemoghon ye imboob aliŋa tiina ighaze: “Aii Yesu! Yom Maaron Tiina To Ilib Pa Ndimaronŋa Tisob Ne Natu. Unum sualen pasa? You nambaaŋ ilat payom? You nataŋ roran ghom. Ughur yabyabuuŋ payou malep!” Ŋgeu tonenen, sawa naol to avuvu samia tonowen imundig pani, tamtoghon titoova pa tikaui pa ravraav toman sen. Leso ineep le ate izi. Eemoghon mbeb eta irau ikisi maau. Ye ikuup motmotin ravraav ve sen tonenen tizi, ve avuvu samia ipamundigini, ve ighau ila pa ndug balim muul.

Lukas 8:36

Ghoro yes to tighita mbeb to ivot ne tipaes pa ival tiina pa ataam to Yesu igharaat ŋgeu tonenen, ve indiir avuvu samsamiadi tighau pani.

Lukas 8:38

Ve ŋgeu to avuvu samsamiadi tipuli, ye inim ve ighason Yesu ariaŋa ighaze iyok pani, ve yesŋa tila. Eemoghon Yesu iyok pani maau. Isaav pani ighaze:

Lukas 9:5

Ve ighaze ndug eta lolodi pa tigham gham maau, ve tizurun gham, yam atut aghemim ve ghavuur todi izi, ghoro apul ndug todi ve ala. Leso inim ghilalooŋ padi pa sosor todi.” Lu 10:4+

Lukas 9:56

Ghoro tipamundigin laghooŋ todi muul, ve tila pa ndug ite.

Uraat To Yes Mbaŋooŋa 16:39

Tovenen taudi tila, ve tirab yesuru atedi, ve tighason di pa tipul sosor todi. Ghoro tigham di tivot tila pumuri, ve tighason di pa tipul ndug todi ve tila.