Lukas 6:26 - Mutu (Oov)

²⁶ Ve yam to aazne tamtoghon tisob tipait gham, yam paam, akaria taumim wa. Pasa muuŋ, nditimbumim tighamgham tovene pa propet kaaromŋa to titoom tighaze tivotia Maaron aliŋa.” Yo 15:19; 1Yo 4:5; Yems 4:4

Maaron Saveeŋ Tooni Patabuyaaŋ Tuam

²⁶ Ve yam tau aazne tamtamon tisov tipapait gham na, yam paam, akaria taumim wa. Pa muuŋ, timbumimŋa tighamgham tauvene pa propet karomŋa tau titoom tighe tivotia Maaron aliiŋa.” Yo 15:19; 1Yo 4:5; Yems 4:4

Lukas 6:26 Iomraidhean Croise

Matayu 7:15

“Apatum gham pa propet kaaromŋa. Yes pale tilat tiam, ve tisavia saveeŋ ŋgoreeŋ naol payam pa tigham lolomim. Pale tiparim taudi tinimale sipsip tau to Maaron. Eemoghon ŋgar to ineep ila lolodi, nene inimale ŋgavuun sagsag. Pasa, lolodi ivon pa ŋgar samsamia naol to pale iwaghamun gham. Mt 24:24; Mbaŋ 20:29; 2Pe 2:1

Lukas 6:25

Yam to aazne araua kat pa aniiŋ ve mbeb naol ne, akaria taumim wa. Pasa muri, yam pale ambool, ve pitool gham. Yam to aazne aŋiŋiŋ ne, akaria taumim wa. Pasa muri, yam pale lolomim ipataŋan ve ataŋ. Is 65:13

Yoan 15:19

Ndiran to titaghon ŋgar to taan, inimale yam ataghon di pa ŋgar todi ve yamŋa raratemim, tone lolodi payam. Eemoghon maau. Pasa, you napas gham avot ila lolodi ve anim leg, ve apul ŋgar to taan wa. Tauto yes tighurghur koi payam. Lu 6:22; Yo 17:14; 1Yo 4:5

Yoan 7:7

Tamtoghon to taan ledi pughu eta to tighur koi payam maau. Eemoghon you, ghoro tighurghur koi payou. Pasa, ŋgar samsamia naol to tighamgham di ne, you navotia di tighazooŋ. Yo 3:19+, 15:18+

Rau Tau Paulus Iboode Pa Yes Roma Rom--Romans 16:18

Pasa, yes timbees pa Tiina toit Krisi maau. Titaghon ŋgar to ulidi moghon. Saveeŋ todi, nene ŋgoreeŋa kat. Tauto igham yes to ledi ghilalooŋ maau ne lolodi, ve titaptap pa ghurla todi. Pil 3:18+; Kol 2:4; 2Pe 2:3

Yakobus 4:4

Yam apul murimim pa Maaron animale liva to ipul azuwa ve igham tamoot paghu. Yam awatag maau? Ŋgar to taghur lolood pa mbeb to taan, nene igham ghiit tanim Maaron koia. Tovenen sei to ighaze ighur lolo pa mbeb to taan, nene inim Maaron koia. Mt 6:24; Ro 8:7+; 1Yo 2:15