Lukas 6:25 - Mutu (Oov)

²⁵ Yam to aazne araua kat pa aniiŋ ve mbeb naol ne, akaria taumim wa. Pasa muri, yam pale ambool, ve pitool gham. Yam to aazne aŋiŋiŋ ne, akaria taumim wa. Pasa muri, yam pale lolomim ipataŋan ve ataŋ. Is 65:13

Maaron Saveeŋ Tooni Patabuyaaŋ Tuam

²⁵ Yam tau aazne arau kat pa aniiŋ ve gabua naol na, akaria taumim wa. Pa murei, yam pale ambool ve pitool gham. Yam tau aazne aŋiŋiŋ na, akaria taumim wa. Pa murei, yam pale lolomim ipataŋan ve ataŋ. Is 65:13

Lukas 6:25 Iomraidhean Croise

Lukas 12:20

“Eemoghon Maaron isaav pani ighaze: ‘Ah, borou taamdi! Lem ŋgar maau kat! Mboŋ aazne, yom pale umaat. Ve sei pale iyou mbeb tiom to undou di ne?’ ” Mbo 39:6, 49:16+

Lukas 13:28

“Tovenen yam pale lolomim isami kat, ve ayak toman livomim kikikia. Pasa, aghita Abaram, Isak, ve Yakop, toman propeta tisob tilup di toman Maaron izi ndug toni. Eemoghon yam ghoro tipiyaav gham avot ala pumuri. Mt 8:11+, 13:42, 24:51

Lukas 6:24

“Oyai, yam to mbaliiŋ taudi, akaria taumim wa. Onoon, aazne lemim mbeb to igham gham lolomim poia. Eemoghon mbeb tau to muri, yam izamim pani maau. Lu 16:25; Yems 5:1

Lukas 6:26

Ve yam to aazne tamtoghon tisob tipait gham, yam paam, akaria taumim wa. Pasa muuŋ, nditimbumim tighamgham tovene pa propet kaaromŋa to titoom tighaze tivotia Maaron aliŋa.” Yo 15:19; 1Yo 4:5; Yems 4:4

Lukas 8:53

Yes tilooŋ saveeŋ toni tonene, ve tiŋiŋ pani. Pasa, yes tiwatag: Liva kainaŋen imaat wa.

Epesus 5:4

Ve saveeŋ samia eta ivot ila avomim malep. Tovenen asavia kombol malep, ayou avomim pa saveeŋ soroksorok malep, ve asavia saveeŋ samia inimale mogheraaŋ malep. Pasa, ŋgar tovene, nene deŋia maau. Yam irau lolomim poia pa Maaron ve apaiti pa poia toni. Ep 4:29

1 Tesalonika 5:3

Tamtoghon pale tigham ŋgar tighaze: “Aa, aazne taneep poia kat. Mbeb eta irau iwaghamun ghiit maau.” Pale tisavsaav tovene, ve rikia moghon pataŋani tiina ivot padi le iwaghamun di kat. Pale ikarmotin di inimale yabyabuuŋ to ighamgham ndiliva pa popaaŋ. Ve irau tighau pani maau.

Yakobus 4:9

Aŋiŋ ve tinimim iza muul malep. Aghilaal sosor tiam, lolomim ipataŋan pani, ve ataŋ tiina pa taumim. Mt 5:4

Saveeŋ Yoŋgaaŋ 3:17

Pasa, yom usavsaav ughaze: “You tonene, mbaliiŋ tau. Nambool pa mbeb eta maau. Narau mbeb to naol ne.” Eemoghon you naghita ghom le lolog isamin ghom. Pasa, yom uneep sami, ve mbolaaŋ tiina igham ghom. Ve matam pisi, ve lem nonogiiŋa pa upoon tinim maau. Eemoghon lem ghilalooŋ maau. Lu 12:21; 1Kor 4:8