Lukas 6:21 - Mutu (Oov)

²¹ Yam to aazne pitool gham, tinimim iza pa poia to Maaron to iza tiam. Pasa, mbeb to ambool pani, Maaron pale igham payam le irau lolomim. Yam to lolomim ipataŋan ve ataŋ, tinimim iza pa poia to Maaron to iza tiam. Pasa muri, yam pale lolomim poia kat ve aŋiŋ. Mbo 126:5+; Is 55:1+; Syg 7:16+

Maaron Saveeŋ Tooni Patabuyaaŋ Tuam

²¹ Yam tau aazne pitool gham na, tintinmim pa poia to Maaron tau izaa tsiam. Pasaa, gabua tau ambool pani na, Maaron pale igham payam le irau lolomim. Yam tau lolomim ipataŋan ve ataŋ na, tintinmim pa poia to Maaron tau izaa tsiam. Pa murei, yam pale lolomim poia kat ve aŋiŋ. Mbo 126:5+; Is 55:1+; Syg 7:16+

Lukas 6:21 Iomraidhean Croise

Matayu 5:4

Yes to lolodi ipataŋan ve titaŋ, yes paam irau tinidi iza pa poia to Maaron to iza todi. Pasa, ye pale irab atedi, ve igham di lolodi poia. Is 61:2+; Yo 16:20; Syg 7:17

Matayu 5:6

Yes to pitool di ve murun di pa ŋgar deŋia to Maaron, yes irau tinidi iza pa poia to Maaron to iza todi. Pasa, mbeb to lolodi pani, Maaron tau pale igham padi le irau lolodi. Is 55:1+; Yo 6:35

Lukas 1:53

Ve yes to pitool di, ye igham mbeb popoia padi, ve tighan le isooŋ di. Eemoghon mbaliiŋ taudi, ye indiir di tighau tila toman nimadi ŋginiŋa moghon. Mbo 34:10, 107:9; Lu 6:21

Lukas 6:20

Yesu mata ila pa taghoniiŋa toni, ve isaav padi ighaze: “Yam mbolaaŋa, tinimim iza pa poia to Maaron to iza tiam. Pasa, yam aneep ila Maaron pooz toni lolo wa. Mt 25:34; Yems 2:5

Lukas 6:22

“Ve yam to ataghon Tamtoghon Natu, ve tighur koi payam, ve tizurun gham pa lupuuŋ todi, ve tipiyaav saveeŋ velegiiŋ payam, ve tiwaghamun izamim, yam paam tinimim iza pa poia to Maaron to iza tiam. Yo 15:19, 16:2; 1Pe 4:14

Lukas 6:25

Yam to aazne araua kat pa aniiŋ ve mbeb naol ne, akaria taumim wa. Pasa muri, yam pale ambool, ve pitool gham. Yam to aazne aŋiŋiŋ ne, akaria taumim wa. Pasa muri, yam pale lolomim ipataŋan ve ataŋ. Is 65:13

Yoan 11:35

Ghoro Yesu itaŋ.

Yoan 4:10

Yesu ipamuul aliŋa ighaze: “You naghason ghom pa ag ya. Ve inimale yom ughilaal ghou kat, ve uwatag mbeb poia to Maaron ighaze igham payom, tone ughason ghou pa nagham am ya to pale igham ghom uneep matam iyaryaar le alok. Ya tonene pale ireer irau sawa isob.”

Yoan 6:35

Yesu isaav padi muul ighaze: “Aniiŋ to igham tamtoghon tineep matadi iyaryaar, nene you taug. Tamtoghon to ighaze inim tiou, nene pale pitoola muul maau. Ve ighaze ŋgeu eta ighur inim tiou, nene pale muruni muul maau. Is 55:1-2

1 Korin 4:11

Muuŋ ve inim aazne, yei pitool matmatin ghei, ve murun ghei. Ve nonogiiŋa tiei popoia maau. Mareprepaiŋa. Tamtoghon tighamgham samin ghei, ve lemai ruum to nepooŋ maau. Niwaghengheen. Mt 8:20; 2Kor 11:27

2 Korin 11:27

Moghon moghon, you narabrab taug pa uraat, ve nagheen pooi maau. Ve sawa naol, naneep sami, ve murun ghou ve pitool ghou. Ag aniiŋ maau. Ve moŋeŋaaŋ ighamgham ghou pasa, leg nonogiiŋa poia eta to nandud ghou pani maau. Mbaŋ 20:31; 2Kor 6:5

2 Korin 12:10

Tovenen ighaze tapirig imbool, ve tamtoghon tipamayaŋin ghou, ve tigham samin ghou, ve tighur pataŋani payou, nene lolog poia. Pasa, sawa to tapirig imbool, Krisi ipapalot ghou pa tau tapiri. Tauto nayoon ariaŋa. Ro 5:3; 2Kor 13:4

2 Korin 6:10

Onoon, pataŋani naol to nimbadbaad di ne, tigham ghei lolomai ipataŋan. Eemoghon Maaron igham ghei lolomai poia irau sawa isob. Yei ndiran mbolaaŋa. Eemoghon niuluul ival tiina le tiraua kat pa mbeb popoia to Maaron. Yei lemai mbeb eta maau. Eemoghon nirau mbeb to naol. 2Kor 7:4, 8:9; Pil 2:17

Yakobus 1:12

Ighaze tamtoghon eta iyoon ariaŋa pa tovaaŋ to ivotvot pani, ye irau tini iza pa poia to Maaron to pale iza toni. Pasa, ŋgar to ye ighami, nene ipatooŋa ighaze ghurla toni, nene mbeb tau. Tovenen muri, ye pale ineep mata iyaryaar. Nepooŋ tonowen, nene atia to Maaron igham pa yes to tiparab ariaŋa ve tilib pa tovaaŋ to ivot padi. Ye imbua saveeŋ pataghaaŋ wa ighaze pale igham nepooŋ tonenen pa yes to lolodi ineep toni. 2Tim 4:8; 1Pe 5:4; Syg 2:10

Saveeŋ Yoŋgaaŋ 21:3

Ghoro nalooŋ bobaaŋ tiina ivot ila Maaron ina to ghamuuŋ pooz ve inim ighaze: “Aghita. Maaron ighur ina to nepooŋ ineep ila tamtoghon lolodi wa. Aazne ve ila, ye pale ineep toman di ve inim Maaron todi. Ve yes tinim ye le kat, ve tilup di tinim ee moghon. Wkp 26:11+; Ezek 37:27; 2Kor 6:16; Syg 7:15+

Saveeŋ Yoŋgaaŋ 7:16

Tovenen yes irau pitool di, ma murun di muul maau. Ve ndag irau ighaaz katin di muul maau. Mbo 121:6; Is 49:10